முகம் கருப்பா இருக்குதா? அப்ப மஞ்சளைக் கொண்டு இப்படி ஃபேஸ் பேக் போடுங்க..

Turmeric Face Packs For Tan Removal: என்ன தான் மழைக்காலம் தொடங்கினாலும், வெயிலின் தாக்கம் மட்டும் குறைந்தபாடில்லை. ஒவ்வொரு நாளும் வெயிலின் தாக்கம் கடுமையாக இருப்பதால், வெளியே வெயிலில் சிறிது நேரம் சென்றாலே, சருமத்தில் மெலனின் உற்பத்தி அதிகரித்து, சருமத்தின் நிறம் கருமையாகிவிடுகிறது. உங்களின் முகமும் இப்படி வெயிலால் கருமையாகிவிட்டதா? கருமையான சருமத்தை பொலிவாகவும், வெள்ளையாகவும் மாற்ற வேண்டுமா? அதுவும் இயற்கை வழிகளில் சரும நிறத்தை மேம்படுத்த நினைக்கிறீர்களா? அப்படியானால் மஞ்சள் பெரிதும் உதவி புரியும்.

மஞ்சளில் உள்ள குர்குமின், அழற்சி எதிர்ப்பு மற்றும் ஆன்டி-ஆக்ஸிடன்ட் பண்புகளைக் கொண்டுள்ளது. இந்த மஞ்சளை குறிப்பிட்ட சில பொருட்களுடன் சேர்த்து ஃபேஸ் பேக்காக பயன்படுத்தும் போது, சருமம் புத்துணர்ச்சி அடைவதோடு, சருமத்தில் உள்ள கருமையும் நீங்கி, சரும நிறம் மேம்படும். இப்போது வெயிலால் கருமையான முகத்தை வெள்ளையாக்க உதவும் சில மஞ்சள் ஃபேஸ் பேக்குகளைக் காண்போம்.

1. மஞ்சள் மற்றும் தேன் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டீஸ்பூன் மஞ்சள் தூளை எடுத்துக் கொண்டு, அத்துடன் 1 டேபிள் ஸ்பூன் தேன் சேர்த்து கலந்து பேஸ்ட் செய்து கொள்ள வேண்டும்.
* பின்பு அதை முகத்தில் தடவி 15 நிமிடம் ஊற வைக்க வேண்டும்.
* பிறகு வெதுவெதுப்பான நீரால் முகத்தைக் கழுவ வேண்டும்.

2. மஞ்சள் மற்றும் தயிர் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டீஸ்பூன் மஞ்சள் தூளை எடுத்துக் கொள்ள வேண்டும்.
* பின்பு அதில் 2 டேபிள் ஸ்பூன் தயிர் சேர்த்து பேஸ்ட் செய்து கொள்ள வேண்டும்.
* பிறகு அதை முகம் மற்றும் கழுத்தில் தடவி 20 நிமிடம் ஊற வைக்க வேண்டும்.
* பின்னர் குளிர்ந்த நீரால் முகத்தைக் கழுவ வேண்டும்.

3. மஞ்சள் மற்றும் கடலை மாவு ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டீஸ்பூன் மஞ்சள் தூளை எடுத்துக் கொண்டு, அத்துடன் 2 டேபிள் ஸ்பூன் கடலை மாவை சேர்க்க வேண்டும்.
* பிறகு அதில் ரோஸ் வாட்டர் அல்லது பால் சேர்த்து பேஸ்ட் செய்து கொள்ள வேண்டும்.
* பின்னர் அதை முகத்தில் தடவி 15-20 நிமிடம் ஊற வைக்க வேண்டும்.
* பின்பு குளிர்ந்த நீரைப் பயன்படுத்தி, மென்மையாக ஸ்க்ரப் செய்து கழுவ வேண்டும்.

4. மஞ்சள் மற்றும் கற்றாழை ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டீஸ்பூன் மஞ்சள் தூளை எடுத்துக் கொண்டு, அத்துடன் 2 டேபிள் ஸ்பூன் கற்றாழை ஜெல்லை சேர்த்து பேஸ்ட் செய்து கொள்ள வேண்டும்.
* பிறகு அதை முகத்தில் தடவி 15 நிமிடம் ஊற வைக்க வேண்டும்.
* அடுத்து குளிர்ந்த நீரால் முகத்தை மென்மையாக தேய்த்து கழுவ வேண்டும்.

5. மஞ்சள் மற்றும் எலுமிச்சை ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டீஸ்பூன் மஞ்சள் தூளை எடுத்துக் கொண்டு, அத்துடன் 1 டேபிள் ஸ்பூன் எலுமிச்சை சாறு மற்றும் 1 டேபிள் ஸ்பூன் தேன் சேர்த்து பேஸ்ட் செய்து கொள்ள வேண்டும்.
* பிறகு அதை முகத்தில் தடவி 10 நிமிடம் ஊற வைக்க வேண்டும்.
* அதன் பின் குளிர்ந்த நீரால் முகத்தை கழுவ வேண்டும்.
* இந்த ஃபேஸ் பேக்கை வாரத்திற்கு 2 முறை மட்டுமே பயன்படுத்த வேண்டும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை இக்கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)