குளிர்காலத்தில் சந்திக்கும் சரும பிரச்சனைகளை தடுக்கணுமா? அப்ப தேனை இப்படி யூஸ் பண்ணுங்க...

#1 தேன் மற்றும் பால்

ஒரு பௌலில் 2-3 டேபிள் ஸ்பூன் காய்ச்சாத பாலுடன், சம அளவில் தேனை சேர்த்து கலந்து கொள்ள வேண்டும். பின் அதை முகம் மற்றும் கழுத்துப் பகுதியில் தடவி மென்மையாக சிறிது நேரம் மசாஜ் செய்ய வேண்டும். 15-20 நிமிடம் ஊற வைத்து, பின் குளிர்ந்த நீரால் முகத்தைக் கழுவ வேண்டும். இப்படி குளிர்காலத்தில் ஒரு நாள் விட்டு ஒரு நாள் செய்து வந்தால், சருமம் பட்டுப்போன்று இருக்கும்.

#2 தயிர் மற்றும் தேன்

ஒரு பௌலில் 1/2 டேபிள் ஸ்பூன் தேனை எடுத்துக் கொள்ள வேண்டும். பின் அதில் 1 டேபிள் ஸ்பூன் தயிர் சேர்த்து நன்கு கலந்து கொள்ள வேண்டும். பின்பு அதை முகம் மற்றும் கழுத்துப் பகுதியில் தடவி சிறிது நேரம் மசாஜ் செய்து, 10-15 நிமிடம் ஊற வைத்து, பின் நீரால் கழுவ வேண்டும். இந்த ஃபேஸ் பேக்கை வாரத்திற்கு 2-3 முறை போட வேண்டும். இந்த ஃபேஸ் பேக் சரும வறட்சியால் அவதிப்படுபவர்களுக்கு ஏற்றது.

#3 தேன் மற்றும் எலுமிச்சை சாறு

ஒரு பௌலில் 1 டேபிள் ஸ்பூன் தேனை எடுத்துக் கொள்ள வேண்டும். பின் அதில் 1 டீஸ்பூன் எலுமிச்சை சாற்றினை சேர்த்து கலந்து, முகம் மற்றும் கழுத்துப் பகுதியில் தடவி, 20 நிமிடம் ஊற வைத்து, பின் வெதுவெதுப்பான நீரால் கழுவ வேண்டும். பின்பு சருமத்தை உலர்த்தி, மாய்ஸ்சுரைசரை மறக்காமல் தடவ வேண்டும்.

#4 கற்றாழை ஜெல், தேன் மற்றும் பட்டை தூள்

ஒரு பௌலில் 2 டேபிள் ஸ்பூன் தேனுடன், 1 டேபிள் ஸ்பூன் கற்றாழை ஜெல் மற்றும் 1/4 டேபிள் ஸ்பூன் பட்டைத் தூள் சேர்த்து கலந்து கொள்ள வேண்டும். பின் அதை முகம் மற்றும் கழுத்துப் பகுதியில் தடவி 15-20 நிமிடம் ஊற வைத்து, பின் வெதுவெதுப்பான நீரால் கழுவ வேண்டும். பின்பு துணியால் சருமத்தை உலர்த்தி, மாய்ஸ்சுரைசரை மறக்காமல் தடவ வேண்டும்.