உடனடியாக சரும பிரச்சனை தீரனுமா? இன்ஸ்டன்ட் பலனை தரும் இந்த குறிப்புகள் ட்ரை பண்ணுங்க.

உடனடியாக பளபளக்க :

சருமம் உடனடியாக பளபளக்க, சுத்தமான க்ரீன் தேயிலை தூளுடன் சிறிது தேன் கலந்து முகத்தில் மென்மையாக தேயுங்கள். சருமத்துளைகளில் தங்கியிருக்கும் பல அழுக்குகள், இறந்த செல்கள் வெளியேறிவிடும். முகம் மின்னும்.

கன்னம் சிவப்பாக :

சிலருக்கு மட்டும் கன்னச் சதுப்புகள் சிவப்பாக இருக்கும். அது அழகை அதிகரிக்கச் செய்யும். அதற்கு மேக்கப் எல்லாம் வேண்டாம். பீட்ரூட் சாறினை கன்னத்தில் பூசுங்கள். காய்ந்தும் அழுத்தி தேய்க்காமல் கழுவவும். கன்னங்கள் ரோஜா நிறத்தில் இருக்கும்.

நரை முடியை போக்க :

நரை முடி உடனடியாக மறையாது. இருந்தாலும் எலுமிச்சை சாறு உங்கள் நரை முடியின் நிறத்தை மாற்றும் தன்மைகொண்டது. எலுமிச்சை சாறை நேரடியாக தலையில் தேய்த்து சிறிது நேரம் சூரிய வெளிச்சத்தில் இருங்கள். நரைமுடி யின் நிறம் மாறும்.

கருவளையம் மறைக்க :

கருவளையத்தோடு ஒரு விழாவிற்கு போக முடியாது. அதை மறைக்க மேக்கப் செய்யும் முன் ஆரஞ்சு நிற லிப்ஸ்டிக்கை கண்களுக்கு அடியில் லேசாக தடவுங்கள். கருவளையம் மறைந்துவிடும். வீட்டிற்கு வந்ததும் மறக்காமல் கழுவி விடுங்கள்.

செல்லுலைட் :

உடலில் குறிப்பாக தொடைகளில் மடிப்பு மடிப்பாக கொழுப்பு செல்லுலைட் உருவாகும் அவற்றை போக்க, தினமும் காபிப் பொடியை ஆலிவ் எண்ணெயுடன் கலந்து தேயுங்கள். இதனால் அவை மறையும். கூடுதலாக சருமம் பளபளக்கும்.

நுனி வெடிப்பிற்கு :

கூந்தலின் நுனி வெடித்திருந்தால் அதனை சரிப்படுத்த பெட்ரோலியம் ஜெல்லியினால் நுனியில் த்டவுங்கள். இதனால் வெடிப்புகள் மேற்கொண்டு பரவாது. முடி உதிர்தலும் தடுக்கப்படும்.