வீட்டில் வெந்தயம் இருக்கா? அப்ப இதெல்லாம் செஞ்சு பாருங்க

சருமத்துளைகள் :

வெந்தையத்துடன் சிறிதளவு பால் சேர்த்து பேஸ்ட்டாக செய்து கொள்ளுங்கள். அதனை முகத்தில் தடவி லேசாக மசாஜ் செய்திடுங்கள் 15 நிமிடங்கள் கழித்து கழுவிடலாம். இப்படிச் செய்வதால், சருமத்துளைகளில் உள்ள அடைப்புகள் நீங்கி சருமம் சுத்தமாக இருக்கும். இதனை தினமும் செய்திடலாம்.

சன் டேன் :

வெந்தையத்தை தண்ணீரில் ஊற வைத்து நன்றாக பேஸ்ட்டாக்கி கொள்ளுங்கள் அதனை சருமத்தில் தடவி இருபது நிமிடங்கள் கழித்து கழுவிடலாம். இதனால் சூரிய கதிர்களினால் ஏற்படும் சன் டேன் நீங்கிடும்.

மெருகேற்றும் வெந்தையம் :

வெந்தையத்தை வறுத்து பொடியக்கிக் கொள்ளுங்கள். அதனுடன் தயிர் சேர்த்து முகத்தில் தடவுங்கள். நன்றாக காய்ந்ததும் குளிர்ந்த நீரில் கழுவிடலாம். இதனை தினமும் செய்து வந்தால் சருமம் மெருகேறும்.

வெந்தயம் குளிர்ச்சியானது என்பதால் சுவாசப் பிரச்சனைகள் இருப்பவர்கள் இதனை பயன்படுத்துவதை குறைத்துக் கொள்ளுங்கள்.

பருக்கள் :

வெந்தயத்தூளுடன் தேன் கலந்து முகத்தில் தடவி வர பருக்கள் வருவது குறையும். இதனை தினமும் கூட செய்யலாம். சரும அலர்ஜி போன்ற பிரச்சனைகள் இருந்தால் ஆலோசனை பெறுங்கள்.

வறட்சி :

வெந்தயத்தை நீரில் கொதிக்க வைத்திடுங்கள். பின்னர் அந்த நீர் ஆறியதும் முகம் மற்றும் கை கால்கள் கழுவி வாருங்கள். இதனால், சரும வறட்சி தவிர்க்கப்படும்.