ஃபேஷியல் செய்த பின் ஏற்படும் சரும வறட்சியைத் தடுக்கும் பொருட்கள்!

தேன்

தேன் ஒரு மிகச்சிறந்த சரும வறட்சியைப் போக்கும் பொருள். அதற்கு ஃபேஷியல் செய்த பின்னர் ஒரு பௌலில் தேன் ஊற்றி, காட்டன் கொண்டு சருமத்தில் தடவி, 20 நிமிடம் ஊற வைத்து, பின் ஈரமான துணி கொண்டு துடைத்து எடுக்க வேண்டும். இந்த முறையை ஃபேஷியல் செய்த உடனேயே செய்ய வேண்டும். இதனால் சருமம் வறட்சி அடைவதைத் தடுக்கலாம்.

வறட்சியைத் தடுக்கும் லோசன்கள்

வீட்டிலேயே ஃபேஷியல் செய்தாலும் சரும வறட்சி ஏற்படும். எனவே ஃபேஷியல் செய்த பின்னர், வறட்சியைத் தடுக்கக்கூடிய லோசன்களைக் கொண்டு சருமத்தை சிறிது நேரம் மசாஜ் செய்தால், சருமம் மென்மையாகவும், பிரச்சனைகள் ஏதும் ஏற்படாமலும் இருக்கும்.

பால்

சிறிது காட்டனை எடுத்துக் கொண்டு, அதனை பாலில் நனைத்து, சருமத்தில் தடவி 10 நிமிடம் ஊற வைத்து, ஈரமான துணி கொண்டு துடைத்து எடுத்தாலும், சரும வறட்சி நீங்கும். வேண்டுமானால், பாலில் பாதாமை பொடி செய்து போட்டு, அதனை சருமத்திற்கு பயன்படுத்தினாலும், ஃபேஷியல் செய்த பின் ஏற்படும் சரும வறட்சியைத் தடுக்கலாம்.

தண்ணீர்

தினமும் தண்ணீரை அதிகம் குடிக்க வேண்டும். இப்படி குடித்தால், ஃபேஷியல் குடித்த பின்னர் சருமம் வறட்சி அடைவதைத் தடுக்கலாம். மேலும் தண்ணீர் குடிப்பதால், உடலில் தங்கியுள்ள நச்சுக்கள் அனைத்தும் வெளியேறி, சருமமும் பொலிவோடு இருக்கும்.

அவகேடோ எண்ணெய்

அவகேடோ எண்ணெயில் எண்ணெய் பசை மற்றும் சருமத்தை புத்துணர்ச்சியூட்டும் தன்மை அதிகம் இருப்பதால், இதனை ஃபேஷியல் செய்த பின்னர் பயன்படுத்தினால், சருமத்தில் ஏற்படும் வறட்சியைத் தடுக்கலாம். மேலும் அவகேடோ எண்ணெய் கரும்புள்ளிகளையும் நீக்கிவிடும்.

ஓட்ஸ்

ஃபேஷியலுக்கு பின்னர் ஏற்படும் வறட்சியைத் தடுக்க வேண்டுமானால், ஓட்ஸ் உள்ள லோசன்களை சருமத்திற்கு பயன்படுத்த வேண்டும். இல்லாவிட்டால், ஓட்ஸை பொடி செய்து பால் சேர்த்து கலந்து சருமத்தில் தடவி 10 நிமிடம் ஊற வைத்து கழுவ வேண்டும்.

கற்றாழை

வீட்டில் கற்றாழை இருந்தால், அதன் ஜெல்லை சருமத்திற்கு தடவினாலும், சரும வறட்சியைத் தடுக்கலாம்.