பரு இல்லாத சருமம் வேண்டுமா? இந்த முறையை ஃபாலோ பண்ணுங்க...

தேனுடன் பாதாம் மற்றும் எலுமிச்சை

பாதாமை பொடி செய்து, அதில் 1/2 டீஸ்பூன் எலுமிச்சை சாறு மற்றும் 1 டேபிள் ஸ்பூன் தேன் சேர்த்து கலந்து, முகத்தில் தடவி சிறிது நேரம் ஸ்கரப் செய்து, பின் வெதுவெதுப்பான நீரில் கழுவ வேண்டும்.

தேனுடன் உப்பு அல்லது சர்க்கரை

3 டேபிள் ஸ்பூன் தேனுடன், 1/2 டீஸ்பூன் உப்பு அல்லது சர்க்கரை சேர்த்து கலந்து முகத்தில் மசாஜ் செய்து, வெதுவெதுப்பான நீரில் கழுவ வேண்டும்.

எலுமிச்சை மற்றும் தேன் ஃபேஸ் பேக்

இது மிகவும் சூப்பரான ஒரு ஃபேஸ் பேக். ஏனெனில் இது சருமத்தில் உள்ள பருக்களை போக்குவதுடன், சருமத்தில் உள்ள தழும்புகளையும் மறையச் செய்யும். அதற்கு தேன் மற்றும் எலுமிச்சை சாற்றினை ஒன்றாக கலந்து கொள்ள வேண்டும். பின்னர் முகத்தை நீரில் நன்னு அலசி, பின் அதனை சருமத்தில் தடவி 20 நிமிடம் ஊற வைத்து, அலச வேண்டும்.

சந்தனம் மற்றும் தேன் ஃபேஸ் மாஸ்க்

தேனுடன் சந்தன பவுடர் மற்றும் எலுமிச்சை சாற்றினை சேர்த்து கலந்து, முகத்தைக் கழுவிய பின், கலந்து வைத்துள்ள கலவையை சருமத்தில் தடவி 30 நிமிடம் ஊற வைத்து, வெதுவெதுப்பான நீரில் கழுவ வேண்டும். இதனால் தேன் மற்றும் சந்தன பவுடர் சருமத்தில் உள்ள பருக்களை போக்கி, தழும்புகள் இருந்தாலும் மறையச் செய்துவிடும்.

ஓட்ஸ் உடன் தேன்

தேன் ஃபேஸ் பேக்கிலேயே ஒரு சிறப்பான மற்றொரு ஃபேஸ் பேக் என்றால், அது ஓட்ஸ் மற்றும் தேனை ஒன்றாக கலந்து சருமத்தை ஸ்கரப் செய்வது தான். அப்படி ஸ்கரப் செய்து சருமத்தை கழுவிய பின்னர், துணியால் நன்கு துடைத்தால் சருமம் மென்மையாக இருப்பதை காணலாம்.

தேன் மற்றும் மூல்தானி மெட்டி

எண்ணெய் பசை சருமம் உள்ளவர்கள், இந்த முறையை பின்பற்றுவது நல்லது. அதற்கு மூல்தானி மெட்டி பொடியை தேன் சேர்த்து கலந்து, சருமத்தில் தடவி 20 நிமிடம் ஊற வைக்க வேண்டும். இதனால் மூல்தானி மெட்டியானது சருமத்தில் உள்ள அதிகப்படியான எண்ணெய் பசையைப் போக்கும். தேன் சருமத்தில் வறட்சி ஏற்படாமல் தடுக்கும்.

தேனுடன் பால் மற்றும் வெள்ளரிக்காய்

வெள்ளரிக்காயை துருவி, தேன் மற்றும் பால் சேர்த்து கலந்து, அதனை எண்ணெய் பசையுள்ளவர்கள் தங்களது சருமத்தில் தடவி 10 நிமிடம் ஊற வைத்து, பின் வெதுவெதுப்பான நீரில் கழுவினால், அது சருமத்தில் உள்ள அதிகப்படியான எண்ணெயை போக்குவதோடு, வறட்சியடையாமலும் பார்த்துக் கொள்ளும்.