பொலிவான சருமத்திற்கு க்ரீன் டீ ஃபேஸ் பேக் போடுங்க...

உடனடியாக முகம் பிரகாசிக்க...

மூன்று டேபிள் ஸ்பூன் க்ரீன் டீயில், கொக்கோ பவுடர் சேர்த்து, அத்துடன் 1 டேபிள் ஸ்பூன் பாதாம் எண்ணெய் ஊற்றி கலந்து, முகத்தில் தடவி 20 நிமிடம் ஊற வைத்து கழுவினால், முகத்தில் உடனே பொலிவைக் காணலாம்.

புத்துணர்ச்சியான சருமத்திற்கு...

பப்பாளியை அரைத்து, அதில் சிறிது க்ரீன் டீ சேர்த்து கலந்து கொள் வேண்டும். பின்னர் முகத்தை நீரில் கழுவி, லேசாக துடைத்து, பின் அந்த கலவையை முகத்தில் தடவி 15 நிமிடம் ஊற வைத்து கழுவினால், சருமம் நன்கு புத்துணர்ச்சியுடன் அழகாக காணப்படும்.

பொலிவான சருமத்திற்கு...

க்ரீன் டீயில் 1 டேபிள் ஸ்பூன் அரிசி மாவு மற்றும் 1 ஸ்பூன் எலுமிச்சை சாறு சேர்த்து பேஸ்ட் செய்து, முகத்தில் தடவி 15 நிமிடம் ஊற வைத்து கழுவினால், முகத்தில் உள்ள இறந்த செல்கள் மற்றும் அழுக்குகள் நீக்கி, முகமானது பொலிவோடும், ஆரோக்கியமானதாகவும் காணப்படும்.

சுருக்கத்தை போக்க...

சருமத்தில் முதுமை தோற்றத்தை தரும் சுருக்கத்தைப் போக்குவதற்கு, 3 ஸ்ட்ராபெர்ரியை அரைத்து, அதில் 1 டேபிள் ஸ்பூன் க்ரீன் டீ மற்றும் தேன் சேர்த்து கலந்து, முகத்தில் தடவி, சிறிது நேரம் மசாஜ் செய்து, 20-30 நிமிடம் ஊற வைத்து கழுவினால், முகம் சுருக்கமின்றி இளமையுடன் காணப்படும்.

பளிச்சென்ற சருமத்திற்கு...

கொதிக்கும் நீரில் 3 க்ரீன் டீ பேக்குகளை போட்டு, சிறிது இஞ்சி சேர்த்து கொதிக்க விட்டு, வடிகட்டி, சருமத்தில் தடவினால் முகப்பருக்கள் நீங்கிவிடும். வேண்டுமெனில் இத்துடன் முட்டையின் வெள்ளை கருவை சேர்த்தும் சருமத்திற்கு போடலாம். இதனால் சருமத்தில் உள்ள பழுப்பு நிறம் மற்றும் தழும்புகள் மறையும்.

பிரகாசமான சருமத்திற்கு...

1 டீஸ்பூன் தேனில், 1 டீஸ்பூன் ஆலிவ் ஆயில் சேர்த்து, அத்துடன் 1 டீஸ்பூன் க்ரீன் டீ பவுடரை சேர்த்து கலந்து, லேசாக சூடேற்றி, முகத்திற்கு தடவி மசாஜ் செய்து, 20-30 நிமிடம் ஊற வைத்து கழுவினால், முகம் பிரகாசமாக இருக்கும்.

குறிப்பு

தினமும் முகத்திற்கு க்ரீன் டீ கொண்டு ஃபேஸ் பேக் போட்டால், முகம் புத்துணர்ச்சியுடனும், இளமையுடனும், பிரகாரசமாகவும் இருக்கும். எனவே அழகாக ஜொலிக்க க்ரீன் டீயை சருமத்திற்கு பயன்படுத்துங்கள்.