அழகான சருமம் வேண்டுமா? இதை சாப்பிடலாமே!!!

ஆரஞ்சு

ஆரஞ்சு பழத்தில் அதிக அளவில் வைட்டமின் சி நிறைந்துள்ளது. ஆகவே இதை சாப்பிடுவதால், சூரியனிடமிருந்து வரும் புறஊதாக்கதிர்களின் தாக்கத்தால், சருமம் பாதிக்கப்படுவது தடுக்கப்படும். மேலும் இது சருமத்தை சுருக்கமின்றி இளமையுடன் வைத்திருக்க உதவும். எனவே ஒரு நாளைக்கு ஒரு ஆரஞ்சு பழம் போதுமானது.

பப்பாளி

கலோரி குறைவாக உள்ள பப்பாளியில், வைட்டமின் ஏ அதிகமாக உள்ளது. வைட்டமின் ஏ ஆன்டி-ஆக்ஸிடன்ட் சருமத்தில் வறட்சியால் ஏற்படும் கோடுகள் வராமல் தடுத்து, சருமத்தை சுருக்கமின்றி அழகாக வைத்திருக்கும். மேலும் இதில் உள்ள கரோட்டினாய்டு, உடலில் புற்றுநோய் ஏற்படாமல் தடுக்கும்.

தானியங்கள்

தானியங்களில் வைட்டமின் பி சத்துக்கள் அதிகம் நிறைந்துள்ளன. இதனால் சருமத்தில் இருக்கும் புதிய பழுதடைந்து செல்கள் புதுப்பித்து வலுவடைவதோடு, புதிய செல்களும் உருவாகும். மேலும் தானியங்களில் உள்ள நியாசின் இரத்தத்தில் இருக்கும் ஊட்டச்சத்துக்களை சரும செல்கள் உறிஞ்சுவதற்கு உதவுகிறது.

சூரியகாந்தி விதைகள்

சூரியகாந்தி விதைகளில் அதிக அளவில் சருமத்திற்கு தேவையான ஃபேட்டி ஆசிட் இருக்கிறது. இதை சாப்பிட்டால், சருமத்தில் உள்ள எண்ணெய் சுரப்பிகளை நன்கு செயல்பட்டு, சருமம் வறட்சி இல்லாமல் பொலிவோடு காணப்படும்.

கிரீன் டீ

கிரீன் டீயில் அதிக அளவில் ஆன்டி-ஆக்ஸிடன்ட்கள் உள்ளன. அந்த ஆன்டி-ஆக்ஸிடன்ட் சூரியக்கதிர்களினால் சருமம் பாதிக்கப்படுவதைத் தடுத்து, சருமத்தை நன்கு இளமையோடு வைக்கும். ஆனால் இந்த டீயை குடிக்கும் போது இத்துடன் பாலை சேர்த்து குடிக்கக்கூடாது. ஏனெனில் அதன் சக்தி முற்றிலும் போய்விடும்.