உங்களுக்கு பிம்பிள் அதிகமா வருதா? அப்ப இந்த ஃபேஸ் பேக்குகளை அடிக்கடி போடுங்க..

Skin Care Tips In Tamil: உங்கள் முகத்தில் பிம்பிள் அதிகமாக வருகிறதா? இந்த பிம்பிளைத் தடுக்க கடைகளில் விற்கப்படும் எத்தனையோ பொருட்களை வாங்கி பயன்படுத்தியும் எந்த பலனும் கிடைக்கவில்லையா? வேறு என்ன செய்தாலும் பிம்பிள் வருவதை தடுக்க முடியவில்லையா?

அப்படியானால் அதன் மூல காரணத்தை அறிந்து, அதற்கேற்ப சிகிச்சை மேற்கொள்ளுங்கள். பொதுவாக பிம்பிளானது மயிர்க்கால்கள் அதிகப்படியான எண்ணெய், இறந்த சரும செல்கள் மற்றும் பாக்டீரியாக்களால் அடைக்கப்படும் போது, அது வீக்கத்தை உண்டாக்கி பிம்பிளை ஏற்படுத்துகின்றன.

எனவே சருமத்தை ஒருவர் சுத்தமாக வைத்துக் கொண்டாலே, முகப்பரு வருவதைத் தடுக்கலாம். அதற்கு முகத்தில் உள்ள அதிகப்படியான எண்ணெயை நீக்கும் மற்றும் இறந்த சரும செல்களை முழுமையாக அகற்றும் ஒருசில ஃபேஸ் பேக்குகளை போடுங்கள். கீழே பிம்பிளைத் தடுக்கும் ஒருசில ஃபேஸ் பேக்குகள் கொடுக்கப்பட்டுள்ளன.

1. தேன் மற்றும் பட்டை பேக்

* இந்த ஃபேஸ் பேக்கிற்கு ஒரு பௌலில் 1 டீஸ்பூன் பட்டை தூளை எடுத்து, அத்துடன் 2 டேபிள் ஸ்பூன் தேன் சேர்த்து கலந்து கொள்ள வேண்டும்.
* பின்பு அதை முகத்தில் தடவி, 10-15 நிமிடம் ஊற வைக்க வேண்டும்.
* பிறகு வெதுவெதுப்பான நீரால் முகத்தைக் கழுவ வேண்டும்.

2. மஞ்சள் மற்றும் தயிர் பேக்

* இந்த ஃபேஸ் பேக்கிற்கு ஒரு பௌலில் 1 டீஸ்பூன் மஞ்சள் தூள் மற்றும் 2 டேபிள் ஸ்பூன் தயிரை சேர்த்து கலந்து கொள்ள வேண்டும்.
* பின் அதை முகத்தில் தடவி 20 நிமிடம் ஊற வைக்க வேண்டும்.
* அதன் பின் குளிர்ந்த நீரால் முகத்தைக் கழுவ வேண்டும்.

3. டீ-ட்ரீ ஆயில் மற்றும் கற்றாழை பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் கற்றாழை ஜெல்லை எடுத்து, அத்துடன் சில துளிகள் டீ-ட்ரீ ஆயிலை சேர்த்து கலந்து கொள்ள வேண்டும்.
* அதன் பின் அதை முகத்தில் தடவி, 20 நிமிடம் ஊற வைக்க வேண்டும்.
* அடுத்து குளிர்ந்த நீரால் முகத்தைக் கழுவ வேண்டும்.

4. ஓட்ஸ் மற்றும் தேன் பேக்

* இந்த ஃபேஸ் பேக்கிற்கு ஒரு பௌலில் 3 டேபிள் ஸ்பூன் ஓட்ஸ் பொடியை எடுத்து, அத்துடன் 1 டேபிள் ஸ்பூன் தேன் மற்றும் சிறிது நீரை ஊற்றி நன்கு கலந்து கொள்ள வேண்டும்.
* பின்பு அதை முகத்தில் தடவி 15-20 நிமிடம் ஊற வைக்க வேண்டும்.
* அடுத்து வெதுவெதுப்பான நீரால் முகத்தைக் கழுவ வேண்டும்.

5. மஞ்சள் மற்றும் வேப்பிலை பேக்

* இந்த ஃபேஸ் பேக்கிற்கு ஒரு பௌலில் 1 டீஸ்பூன் மஞ்சள் தூள் மற்றும் 2 டேபிள் ஸ்பூன் வேப்பிலை பவுடரை எடுத்துக் கொள்ள வேண்டும்.
* பின்பு அதில் ரோஸ் வாட்டர் சேர்த்து பேஸ்ட் செய்து, முகத்தில் தடவ வேண்டும்.
* அதன் பின் 20 நிமிடம் கழித்து, குளிர்ந்த நீரால் முகத்தைக் கழுவ வேண்டும்.

6. கற்றாழை மற்றும் மஞ்சள் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் கற்றாழை ஜெல்லை எடுத்து, அத்துடன் 1/2 டீஸ்பூன் மஞ்சள் தூளை சேர்த்து கலந்து பேஸ்ட் செய்து கொள்ள வேண்டும்.
* பின்பு அதை முகத்தில் தடவி 20 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.

7. எலுமிச்சை மற்றும் தேன் ஃபேஸ் பேக்

* இந்த ஃபேஸ் பேக்கிற்கு 1 டேபிள் ஸ்பூன் எலுமிச்சை சாற்றினை சேர்த்து, அத்துடன் 2 டேபிள் ஸ்பூன் தேன் சேர்த்து கலந்து கொள்ள வேண்டும்.
* பின்பு அதை முகத்தில் தடவி 15-20 நிமிடம் ஊற வைக்க வேண்டும்.
* அதன் பின் வெதுவெதுப்பான நீரால் முகத்தைக் கழுவ வேண்டும்.

8. முல்தானி மெட்டி மற்றும் ரோஸ் வாட்டர் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் முல்தானி மெட்டி பொடியை எடுத்து, அத்துடன் தேவையான அளவு ரோஸ் வாட்டர் சேர்த்து பேஸ்ட் செய்து கொள்ள வேண்டும்.
* பின்பு அதை முகத்தில் தடவி, 15-20 நிமிடம் நன்கு காய வைக்க வேண்டும்.
* பின்னர் குளிர்ந்த நீரால் முகத்தைக் கழுவ வேண்டும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)