வியர்வையினால் தலை ரொம்ப அரிக்குதா? அதைத் தடுக்க இதோ சில டிப்ஸ்...

டிப்ஸ் #1

இந்தியர்கள் அனைத்து பருவ காலங்களிலும் தங்களது தலைக்கு தினமும் தவறாமல் எண்ணெய் வைப்பார்கள். ஆனால் மற்ற காலங்களை விட, கோடையில் ஸ்கால்ப்பில் சற்று அதிகமாக எண்ணெய் உற்பத்தியாகும் என்பதால், தலையில் அழுக்குகள் மற்றும் இறந்த செல்களின் அளவு அதிகரித்து, பொடுகு வருவதால் அரிப்பு ஏற்படுகிறது. எனவே கோடையில் எண்ணெய் வைக்காதீர்கள்.

டிப்ஸ் #2

மற்ற காலங்களை விட கோடைக் காலத்தில், ஸ்கால்ப்பில் அழுக்குகளின் அளவு அதிகரிப்பதால், வாரத்திற்கு 2-3 முறை தவறாமல் தலைக்கு குளித்துவிட வேண்டும். ஒருவேளை அளவுக்கு அதிகமாக வியர்த்தால், தினமும் தலைக்கு குளியுங்கள்.

டிப்ஸ் #3

ஷாம்பு போட்ட பின் பயன்படுத்தும் கண்டிஷனரை ஸ்கால்ப்பில் படும்படி போட வேண்டாம். இல்லாவிட்டால் அது மயிர்கால்களை கடுமையாக பாதித்து, தலையில் அரிப்பு மற்றும் பொடுகை அதிகரித்துவிடும்.

டிப்ஸ் #4

முக்கியமாக தலைமுடிக்கு கெமிக்கல்கள் கலந்த கலரிங் செய்வதைத் தவிர்க்க வேண்டும். அதில் உள்ள கெமிக்கல்களே ஸ்கால்ப்பை கடுமையாக பாதித்து அரிப்பை ஏற்படுத்தும். ஆகவே கலரிங் செய்வதைத் தவிர்த்து, முடிந்தவரை முடியின் இயற்கை நிறத்தைப் பாதுகாக்க முயற்சி செய்யுங்கள்.

டிப்ஸ் #5

வெளியே வெயிலில் செல்லும் போது, சூரியக்கதிர்கள் நேரடியாக தலைமுடியைத் தாக்காதவாறு, தலைக்கு தொப்பி போடுங்கள் அல்லது துணியைக் கட்டிக் கொண்டு செல்லுங்கள். அதுவும் காட்டன் துணியை தலைக்கு கட்டிக் கொண்டு சென்றால், வியர்வை முழுமையாக உறிஞ்சப்பட்டு, அரிப்பு ஏற்படுவது தடுக்கப்படும்.