இயற்கையான முறையில் முடியை நேராக்க சில அருமையான டிப்ஸ்....

பால்

ஸ்ப்ரே செய்யக்கூடிய பாட்டிலில், ஒரு கப்பில் மூன்றில் ஒரு பங்கு தண்ணீரை எடுத்துக் கொண்டு அதே அளவு பாலைக் கலந்து கொள்ளவும். பிறகு அதை உங்கள் முடியில் அனைத்து இடங்களிலும் ஸ்ப்ரே செய்யவும். பிறகு நன்கு பரவுமாறு தடவி கலந்து விடவும். பின் ஒரு அகலமான சீப்பை எடுத்துக்கொண்டு முடியில் உள்ள சிக்கல்களையும், ஒட்டுகளையும் நீக்கவும். அப்போது தான் முடி முழுவதும் பால் பரவும். குளிப்பதற்கு முன் குறைந்தது ஒரு மணி நேரத்திற்கு முன் இதைச் செய்து பின்னர் தலைக்கு ஷாம்பு மற்றும் கண்டிஷனர் போட்டு அலசவும். அவ்வளவு தான்! நீங்கள் அடுத்த முறை தலையை அலசும் வரை முடி நேராக குலையாமல் இருக்கும்.

பால் மற்றும் தேன்

பால் மட்டுமே உங்கள் முடியை நேராக்கும். ஆனால், தேனானது உங்கள் முடிக்கு ஆரோக்கியமளிக்கும். இதனால் முடி வறண்டு போகாமலும் எளிதில் கையாளக்கூடியதாகவும் இருக்கும்.

முல்தானி மெட்டி

ஃபுல்லர்ஸ் எர்த் என்று ஆங்கிலத்தில் அழைக்கப்படும் மூல்தானி மெட்டி ஒரு கப் அளவு எடுத்துக் கொண்,டு அதில் ஒரு முட்டையும் 5 ஸ்பூன் அரிசி மாவையும் சேர்த்து நன்கு கலந்து கொள்ளவும். ஒரு அகலமான சீப்பை எடுத்து முடியிலுள்ள சிக்கலைக் களையவும். பின் குழைத்து வைத்துள்ள கலவையை தடவும் முன் நன்கு 2-3 முறை தலையை வாரவும். பின்னர் வாரும் போது கலவையைத் தடவவும். முடிந்தவரை முடியை நேராக வைத்துக் கொள்ளவும். முடி முழுவதும் காய குறைந்தது 40 நிமிடங்கள் பிடிக்கும். பின்னர் முடியை சுத்தமான நீரில் அலசவும். இந்த கலவையை மாதம் இருமுறை முடியை நேராக்கப் பயன்படுத்துங்கள்.

ஆலிவ் எண்ணெய் மற்றும் முட்டை

இரண்டு முட்டைகளை எடுத்துக் கொண்டு நன்கு அடித்துக் கலக்கவும். அதில் 2 ஸ்பூன் ஆலிவ் எண்ணெயை சேர்க்கவும். ஒரு பிரஷை வைத்து ஸ்கால்ப்பில் படும்படி முடியில் தடவவும். தலையை சில மணிநேரம் காயவிடவும். பின்னர் ஷாம்பு போட்டு நன்கு அலசவும். இது உங்கள் முடியை நன்கு நேராக்குவதோடு நல்ல வலுவையும் தரும்.

தேங்காய்ப் பால் மற்றும் எலுமிச்சை சாறு

தேங்காயை நன்கு துருவி அதை பிழிந்து பாலை எடுத்துக் கொள்ளுங்கள். அதனுடன் எலுமிச்சைச் சாற்றை கலந்து கொள்ளுங்கள். அதை நன்கு குழைத்து பசை போன்று செய்து கொள்ளுங்கள். அந்த கலவையை ஃபிரிட்ஜில் ஒரு நாள் வைக்க வேண்டும். மறுநாள் அதை தலையில் தடவி நன்கு ஸ்கால்ப்பில் மசாஜ் செய்யவும். சூடான ஒரு டவலை முடியில் சுற்றி முடி வெளியில் தெரியாதவாறு மூடுங்கள். ஒரு மணி நேரம் கழித்து நன்கு அலசவும். வாரத்திற்கு மூன்று முறையேனும் இதைச் செய்தால் உங்கள் முடி வலுவாகி நேராக ஆவதை நீங்கள் விரைவிலேயே உணர முடியும்.

சூடான தேங்காய் எண்ணெய்

தேங்காய் எண்ணெய் சிறிது எடுத்துக் கொண்டு சூடேற்றி நன்கு தலையில் தடவவும். அதை அரை மணிநேரம் ஒரு சூடான டவல் கொண்டு மூடிக் கட்டிவிடவும். பின்னர் ஷாம்பு போட்டு நன்கு தலையை அலசி, மீண்டும் முடியை துணியால் சில நிமிடங்கள் கட்டி மூடவும் (சராசரியாக 5 நிமிடங்கள்). பின்னர் இயற்கையாக உரல விடுங்கள். முடிவில் உங்கள் முடி பளபளப்புடனும், இயற்கையாகவே நேராகவும் ஆவதைக் காண்பீர்கள்.