வெண்மையான பற்கள் வேண்டுமா? அப்ப இத வெச்சு தினமும் பல்லை சுத்தம் பண்ணுங்க...

வீட்டில் தயாரிக்கும் பற்பொடி செய்முறை:

தேவையான பொருட்கள்:

* பேக்கிங் சோடா - 2 டேபிள் ஸ்பூன்

* பென்டோனைட் களிமண் - 2 டேபிள் ஸ்பூன்

* அக்டிவேட்டேட் சார்கோல் பொடி - ½ டேபிள் ஸ்பூன்

* கல் உப்பு - ½ டேபிள் ஸ்பூன்

* பெப்பர்மிண்ட் அத்தியாவசிய எண்ணெய் - 15-20 துளிகள்

செய்முறை:

* ஒரு கிண்ணத்தில் எண்ணெய் தவிர மேலே கூறப்பட்டுள்ள மற்ற மூலப்பொருட்களை சேர்த்துக் கொள்ளவும். அவற்றை நன்றாக கலக்கவும்.

* பிறகு சிறிது சிறிதாக அத்தியாவசிய எண்ணெய்யை சேர்த்து கலந்து கொள்ளவும்.

* தற்போது பற்பொடி தயார்.

* உங்களுக்கு விருப்பமான அளவில் இந்த பொடியை நீங்கள் தயார் செய்து கொள்ளலாம். பொருட்களை அதற்கேற்ற விகிதத்தில் சேர்த்துக் கொள்ளவும்.

* இதனை ஒரு ஜாடியில் மாற்றி உங்கள் குளியலறையில் வைத்துக் கொள்ளலாம்.

* வாய் சுகாதாரத்தை மேம்படுத்த ஒரு நாளில் இரண்டு முறை இந்த பொடியை பயன்படுத்தி வாயை சுத்தம் செய்யவும்.

நன்மைகள்

இந்த பொடியில் சேர்க்கப்பட்டுள்ள ஒவ்வொரு மூலப்பொருளும் பல்வேறு நன்மைகளைக் கொண்டது. எல்லா பொருட்களும் இணைந்து வாயை சுத்தம் செய்து பற்களில் படிந்துள்ள கறைகளை நீக்கி வெண்மையான "பளிச்" பற்களைத் தருகின்றன. பெப்பர்மிண்ட் எண்ணெய் வாயில் ஒரு புத்துணர்ச்சியான நறுமணத்தை தந்து வாய் துர்நாற்றத்தைப் போக்குகிறது. மேலும் தேங்காய் எண்ணெய் கொண்டு ஆயில் புல்லிங் செய்வதால் உங்கள் வாய் சுகாதாரம் மேலும் பாதுகாக்கப்படுகிறது.

பற்பசை மற்றும் பற்பொடி

பற்பசை பயன்படுத்திய பின் பற்பொடிக்கு மாறுவது சற்று கடினமான மாற்றம் தான். இந்த மாற்றம் குறித்து பலருக்கும் ஒருவித குழப்பம் தோன்றலாம். உங்கள் குழப்பத்தைப் போக்கவும், பற்பசையைக் காட்டிலும் பற்பொடி எவ்வாறு சிறந்தது என்பதை உங்களுக்கு விளக்கவும், அதற்கான நன்மைகள் குறித்து நாங்கள் உங்களுக்கு கூறவிருக்கிறோம்.

விலை குறைவானது

தற்காலத்தில் ஆரோக்கியமான பொருட்களின் விலை சற்று அதிகமாகவே உள்ளது. ஒரு பற்பசையின் விலை அதன் அளவைப் பொறுத்து ரூபாய் 50-100 வரை இருக்கலாம். இதனுடன் ஒப்பிடும் போது நாம் வீட்டில் தயாரிக்கும் பற்பொடியின் விலை மிகவும் குறைவு. மேலும் இந்த தயாரிப்பில் உள்ள மூலப்பொருட்கள் பற்றிய தெளிவும் உங்களுக்கு இருக்க முடியும்.

வீணாக்க முடியாது

பற்பசை ட்யூப் பயன்படுத்தும் போது, பற்பசை தீர்ந்து போகும் தருவாயில் நீங்கள் எவ்வளவு அழுத்தினாலும் உங்களால் ட்யூபில் உள்ள முழு பசையையும் வெளிக்கொணர இயலாது. அதில் மீதம் உள்ள பசை வீணாகவே செய்யும். ஆனால் நீங்கள் தயாரிக்கும் பற்பொடி முற்றிலும் பயன்படுத்தக்கூடிய வகையில் உள்ளது. பற்பசையை போல் வீணாகும் வாய்ப்பு முற்றிலும் இல்லை.

குழந்தைகளுக்கு பிடிக்கும்

கடையில் வாங்கும் பற்பசையை ஒப்பிடும் போது இந்த பற்பொடி 100% இயற்கையான பொருட்களைக் கொண்டது. ஆகவே குழந்தைகளுக்கு மிகவும் பாதுகாப்பானது. ஒருவேளை குழந்தைகள் இந்த பற்பொடியை விழுங்கினாலும், இதனால் அவர்கள் ஆரோக்கியத்திற்கு எந்த ஒரு தீங்கும் உண்டாவதில்லை என்பது ஒரு முக்கிய செய்தியாகும்.