Just In
- 13 min ago உங்களுக்கான அதிர்ஷ்ட மோதிரம் எது தெரியுமா? தங்கமா, வெள்ளியா?
- 1 hr ago ஜோதிடத்தில் திசை என்றால் என்ன? உங்களுக்கு என்ன திசை நடக்கிறது? அதனால் கிடைக்கும் பலன்கள்..!
- 1 hr ago 11 வயது சிறுமியை அம்மாவும்-மகனும் சேர்ந்து கடத்திய வினோதம்... எதுக்காக கடத்துனாங்க தெரியுமா?
- 3 hrs ago இந்த 4 ராசிக்காரர்களில் ஒருவர் உங்க நண்பராக இருந்தா நீங்க வாழக்கையில் எதுக்குமே கவலைப்பட வேணாமாம்...!
Don't Miss
- Sports தோனியால் 2 - 3 ஓவர்கள் தான் விளையாட முடியும்.. ஏன் தெரியுமா? காரணத்தை சொன்ன பயிற்சியாளர் பிளெமிங்!
- Technology புரட்டிப்போடும் பட்ஜெட்.. ரூ.1099 போதும்.. MAP நேவிகேஷன்.. HD டிஸ்பிளே.. 230mAh பேட்டரி.. எந்த மாடல்?
- News நள்ளிரவில் என்ன குழப்பம்? மாறி மாறி வந்த கணக்கு.. இதெல்லாம் காரணமா? ஓட்டுப்பதிவு 72% அல்லது 69.4%?
- Movies Blue sattai Maaran: தற்போதைக்கு திருந்திய.. விஜய் ஆண்டனி கருத்துக்கு ப்ளூ சட்டை மாறன் பதிலடி!
- Automobiles டாடாவின் இந்த கார் இவ்ளோ பாதுகாப்பானதா! ஷோரூம்களில் மக்கள் கூட்டம் அலைமோதுது! அதிர்ச்சியில் மாருதி சுஸுகி!
- Travel நம்ம தர்மபுரியில் சுற்றிப் பார்க்க இவ்வளவு இடங்கள்?
- Finance தங்கம் விலை பொசுக்குனு குறைஞ்சிடுச்சு! கேட்கவே இனிமையா இருக்கு.. சென்னை, கோவை, மதுரையில் என்ன விலை?
- Education தினமும் 9 மணி நேரம் படித்து யுபிஎஸ்சி தேர்வில் வெற்றி பெற்ற லிந்தியா...!!
உங்க நகம் மஞ்சளா அசிங்கமா இருக்கா? இத அடிக்கடி செய்யுங்க சரியாயிடும்...!
இங்கு நகங்களில் உள்ள மஞ்சள் கறைகளைப் போக்கும் சில எளிய இயற்கை வழிகள் கொடுக்கப்பட்டுள்ளன.
நகங்கள் நன்கு பளிச்சென்று வெள்ளையாக இருந்தால் தான், அது கையின் அழகையே மேம்படுத்திக் காட்டும். ஆனால் சில விஷயங்கள் நம் விரல் நகங்களில் கறைகளை எளிதில் ஏற்படுத்தி விடுகின்றன. அதில் அளவுக்கு அதிகமாக நெயில் பாலிஷ் பயன்படுத்துவது, நாள் முழுவதும் அழுக்கு நிறைந்த இடத்தில் இருப்பது போன்றவற்றால் விரல் நகங்கள் எளிதில் கறைப் படிந்து அசிங்கமான தோற்றத்தைப் பெற ஆரம்பிக்கின்றன.
அதிலும் சிலருக்கு நகங்கள் மஞ்சள் நிறத்தில் அசிங்கமாக காட்சியளிக்கும். இதைப் போக்க வெறும் நெயில் பிரஷ் பயன்படுத்தினால் மட்டும் அந்த மஞ்சள் கறை போகாது. நம் வீட்டு சமையலறையில் உள்ள குறிப்பிட்ட சில பொருட்களின் உதவியுடன் எளிதில் நகங்களில் உள்ள கறைகளைப் போக்கலாம்.
எவ்வளவு தான் நகங்களை அழகை மேம்படுத்தும் பல்வேறு வழிகள் அழகு நிலையங்களில் பின்பற்றப்பட்டாலும், இயற்கைப் பொருட்களைக் கொண்டு கொடுக்கும் பராமரிப்பிற்கு நிகர் வேறு எதுவாலும் வர முடியாது.
இந்த கட்டுரையில் நகங்களில் உள்ள மஞ்சள் கறைகளைப் போக்கும் சில எளிய இயற்கை வழிகள் கொடுக்கப்பட்டுள்ளன. அதைப் படித்து அவற்றை அடிக்கடி பயன்படுத்தினால், நகங்கள் வெள்ளையாக அழகாக ஜொலிக்கும்.
எலுமிச்சை சாறு
ஒரு பௌலில் 2 எலுமிச்சையின் சாற்றினை எடுத்துக் கொள்ள வேண்டும். பின் அதில் நகங்களை குறைந்தது 10 நிமிடம் ஊற வைக்க வேண்டும். பின் நகங்களை வெதுவெதுப்பான நீரால் கழுவ வேண்டும். பின்பு மாய்ஸ்சுரைசிங் க்ரீம் எதையேனும் பயன்படுத்த வேண்டும். எலுமிச்சை சாற்றில் உள்ள வைட்டமின் சி, நகங்களில் உள்ள அனைத்துவிதமான அழுக்குகளையும் நீக்கி பளிச்சென்று ஆக்கும்.
பேக்கிங் சோடா
நகங்களில் உள்ள அசிங்கமான கறைகளைப் போக்க, 2 டீஸ்பூன் பேக்கிங் சோடாவை வெதுவெதுப்பான நீர் சேர்த்து பேஸ்ட் செய்து, விரல் நகங்களில் தடவி 5 நிமிடம் ஊற வைத்து, பின் நீரால் கழுவ வேண்டும். பேக்கிங் சோடாவில் உள்ள ஏஜெண்ட்டுகள், நகங்களில் உள்ள கறைகளைப் போக்க உதவும்.
டூத் பேஸ்ட்
மற்றொரு அற்புதமான வழி என்றால் விரல் நகங்களில் டூத் பேஸ்ட்டைத் தடவி பிரஷ் கொண்டு நகங்களைத் தேய்த்து 3 நிமிடம் ஊற வைத்து, பின் வெதுவெதுப்பான நீரால் கழுவ வேண்டும். இப்படி தினமும் சில நாட்கள் செய்து வந்தால், நகங்களில் உள்ள மஞ்சள் கறைகள் மறைந்துவிடும்.
எலுமிச்சை சாறு மற்றும் பேக்கிங் சோடா பேஸ்ட்
1 டேபிள் ஸ்பூன் எலுமிச்சை சாற்றில் 2-3 டேபிள் ஸ்பூன் பேக்கிங் சோடா சேர்த்து பேஸ்ட் செய்து, நகங்களின் மேல் மற்றும் அடிப்பகுதியில் தடவுங்கள். பின் 15 நிமிடம் கழித்து, சோப்பு மற்றும் நீர் பயன்படுத்தி கழுவுங்கள். இப்படி அடிக்கடி செய்து வந்தால், நகங்கள் விரைவில் வெள்ளையாகும்.
வெள்ளை வினிகர்
வெள்ளை வினிகரைப் பயன்படுத்தியும் நகங்களை வெண்மையாக்கலாம். அதற்கு 1 டேபிள் ஸ்பூன் வெள்ளை வினிகரை ஒரு சிறிய கப் நீருடன் கலந்து, அந்நீரில் நகங்களை 5 நிமிடம் ஊற வைத்து பின் நீரில் கழுவ வேண்டும். முக்கியமாக மறக்காமல் விரல் நகங்களுக்கு மாய்ஸ்சுரைசிங் க்ரீம்களைத் தடவ மறக்காதீர்கள்.
சோப்பு மற்றும் நீர்
பொதுவாக நகங்களை சுத்தம் செய்ய பெரும்பாலானோர் பின்பற்றும் ஓர் வழி தான் சோப்பு மற்றும் நீர். இந்த வழியால் சிறப்பான பலன் கிடைக்க, நகங்களின் அடியில் சோப்பு தடவி, பிரஷ் பயன்படுத்தி தேய்க்க வேண்டும். பின் நீரால் விரல் நகங்களைக் கழுவ வேண்டும்.
டீ-ட்ரீ ஆயில்
சுத்தமான டீ-ட்ரீ ஆயிலை பஞ்சுருண்டைப் பயன்படுத்தி நகங்களில் தடவி, சில நிமிடங்கள் ஊற வையுங்கள். பின் வெதுவெதுப்பான நீரால் விரல் நகங்களைக் கழுவுங்கள். இப்படி ஒரு நாளைக்கு 2 முறை செய்து வந்தால், சில மாதங்களிலேயே நகங்களில் மாற்றம் ஏற்பட்டிருப்பதைக் காண்பீர்கள்.
எலுமிச்சை மற்றும் உப்பு
எலுமிச்சை மற்றும் உப்பு நகங்களில் இருக்கும் மஞ்சள் கறையைப் போக்கும். அதற்கு எலுமிச்சை சாறு மற்றும் உப்பை சரிசம அளவில் எடுத்து ஒன்றாக கலந்து, நகங்களில் தடவி தேயுங்கள். பின் 5 நிமிடம் நன்கு ஊற வைத்து, வெதுவெதுப்பான நீர் பயன்படுத்தி தேய்த்து கழுவ வேண்டும். அதன் பின் தவறாமல் மாய்ஸ்சுரைசிங் க்ரீம் அல்லது லோஷனைப் பயன்படுத்த வேண்டும்.