ஒரே மாதத்தில் அக்குளில் இருக்கும் கருமையைப் போக்க சில டிப்ஸ்...

பேக்கிங் சோடா

பேக்கிங் சோடாவில் ஆன்டி-பாக்டீரியல் தன்மை உள்ளது. இதனைக் கொண்டு அக்குளைப் பராமரித்தால், அக்குளில் இருக்கும் கருமையான சருமத்தைப் போக்கலாம். அதற்கு பேக்கிங் சோடாவை நீர் சேர்த்து கலந்து, அக்குளில் தடவி 10 நிமிடம் கழித்து கழுவ வேண்டும்.

தேங்காய் எண்ணெய்

தேங்காய் எண்ணெயில் சிறிது பேக்கிங் சோடா சேர்த்து கலந்து, அக்குளில் தடவினால், பாக்டீரியாக்கள் அழிக்கப்பட்டு வியர்வை நாற்றம் வீசுவது நீங்குவதோடு, அக்குள் கருமையும் மறையும்.

எலுமிச்சை சாறு

எலுமிச்சையில் உள்ள ப்ளீச்சிங் தன்மை, எப்பேற்பட்ட கருப்பையும் போக்கும். அதற்கு எலுமிச்சையை துண்டுகளாக்கி, அக்குளில் தினமும் தேய்த்து வர வேண்டும்.

தக்காளி

தக்காளியிலும் ப்ளீச்சிங் தன்மை உள்ளது. இதனையும் தினமும் அக்குளில் தடவி ஊற வைத்து கழுவி வந்தால், அக்குள் கருமை வேகமாக மறையும்.

உருளைக்கிழங்கு

உருளைக்கிழங்கும் அக்குள் கருமையைப் போக்குவதில் மிகவும் சிறந்த பொருள். அதற்கு உருளைக்கிழங்கை அரைத்து, அக்குளில் தடவி 20 நிமிடம் ஊற வைத்து, பின் கழுவ வேண்டும். இப்படி தினமும் செய்து வந்தால், அக்குள் கருமை வேகமாக மறையும்.

கடலை மாவு

கடலை மாவை தயிர் சேர்த்து கலந்து, அக்குளில் தடவி 20 நிமிடம் ஊற வைத்து, பின் கழுவ வேண்டும். இச்செயலால் அக்குள் கருமை நீங்குவதோடு, அப்பகுதி மென்மையாகவும் இருக்கும்.

வெள்ளரிக்காய் ஜூஸ்

வெள்ளரிக்காயை துண்டுகளாக்கி, அக்குளில் தடவி ஊற வைத்து கழுவ, அதில் உள்ள ப்ளீச்சிங் தன்மை, கருமையை வேகமாக போக்கும்.

கற்றாழை ஜெல்

அக்குளில் வளரும் முடியை ஷேவ் அல்லது வேக்ஸ் செய்த பின், கற்றாழை ஜெல்லை தடவினால், அக்குளில் உள்ள சருமம் அமைதியாகி, அக்குள் கருமையும் தடுக்கப்படும்.

கல் உப்பு

கல் உப்பை ஆலிவ் ஆயில் சேர்த்து கலந்து, அக்குளில் தடவி ஸ்கரப் செய்து, கழுவி வர, அக்குள் கருமை வேகமாக நீங்கும்.