சேதுபதி படத்துல இதெல்லா நீங்க கவனிச்சிங்களா?

நண்பனாக இருங்கள்

குழந்தைகளுடன் ஓர் நண்பனை போல பெற்றோர் பழக வேண்டும், முக்கியமாக தந்தைகள். இந்த தலைமுறை குழந்தைகள் எதிர்பார்ப்பதும் அதை தான். இல்லையேல் அவர்களும் அவர்களது பிரச்சனை மற்றும் தேவைகளை கூற மாட்டார்கள், நீங்களும் அறிந்துக் கொள்ள முடியாது.

தைரியம் புகட்டுங்கள்

ஓர் தந்தையாக உங்கள் குழந்தைக்கு நீங்கள் தான் தைரியம் ஊட்ட வேண்டும். எதற்கெடுத்தாலும் முடியாது, கடினம் என்று கூறுவதை தவிர்த்து. எப்படி தயார் செய்துக் கொள்ள வேண்டும், துணிவுடன் இருக்க வேண்டும் என கற்பிக்க வேண்டும்.

மனைவி புரிந்துக் கொள்ள வேண்டும்

கணவன் வேலை காரணமாக மன அழுத்தம் அல்லது குழப்பமான மனநிலையில் இருக்கும் போது மனைவி கணவனை புரிந்துக் கொண்டு நடந்துக் கொள்ள வேண்டும். இதில் சரியாக இருந்தாலே எந்த சண்டையும் குடும்பத்தில் ஏற்படாது.

வேலை-குடும்பம்

அதே போல கணவனும், குடும்பம், வேலையை பிரித்து பார்க்கும் மனோபாவம் கொண்டிருக்க வேண்டும். வேலையில் உள்ள கோபத்தை வீட்டில் காண்பிப்பதை குறைத்துக் கொண்டாலே, ஏராளமான மனஸ்தாபங்களை ஏற்படாமல் தடுத்துவிடலாம்.

காதல்

வேலைக்கு மத்தியில் உங்கள் மனைவிக்கு கால் செய்யுங்கள், நேரம் கிடைக்கும் போதெல்லாம் காதலிக்க மறக்க வேண்டாம். வீட்டிற்கு சென்ற பிறகு தான் அன்பு செலுத்த வேண்டும் என்றில்லை. இடைவேளையில் பத்து நொடிகளில் கூட காதலிக்கலாம்.

குழந்தைகளுடன் குதூகலம்

குழந்தைகளுடன் நேரத்தை செலவழிக்க மறக்க வேண்டாம். நீங்கள் கோடிகளில் தொழில் செய்துக் கொண்டிருந்தாலும் சரி, தள்ளு வண்டி வியாபாரியாக இருந்தாலும் சரி, ஓர் தந்தையாக உங்கள் குழந்தையுடன் நேரத்தை செலவழியுங்கள்.

ஹீரோ

வெள்ளை, கருப்பு, குண்டு, ஒல்லி என எப்படி இருந்தளும், நீங்கள் தான் உங்கள் குழந்தைகளின் முதல் ஹீரோ என்பதை மறந்துவிட வேண்டாம். எனவே, அவர்களிடம் கோபத்தை காட்டிலும், அதிகம் அன்பு செலுத்துங்கள். உங்கள் குழந்தை முன்னர் ஓர் சூப்பர் ஹீரோ ஆகிவிடுவீர்கள்.

கவனம்

பிரச்சனைகளுக்கு தீர்வுக்காணும் போது ஆண்கள் எப்போதும் சற்று எரிந்து தான் விழுவார்கள். அந்த தருணத்தில் அவனிடம் அன்பை எதிர்பார்ப்பது கடினம் தான். எனவே, இதில் கவனமாக இருங்கள்.

மற்றவர் பேச்சை கேட்க வேண்டாம்

கணவன், மனைவிக்கு மத்தியில் எழும் சின்ன சின்ன பிரச்சனைகள் அதுவாக சரியாகிவிடும். இதன் இடையில் மூன்றாம் நபர்கள், ஏன் பெற்ற அம்மாவின் பேச்சை கேட்டு கூட சண்டையை பெரிதுபடுத்திவிடாதீர்கள்.