காதலில் எதிர்பார்ப்புகளும், ஏமாற்றங்களும் இல்லாமல் இருக்க இத பண்ணினாலே போதுமாம் ...!

புரிந்து கொள்ளுதல்

யாராவது உங்களை அவர்களின் சொந்த வழியில் உங்களை நேசிக்க விரும்பினால் அது உங்களுக்கு புரியாமல் போகலாம். உங்களுக்கு புரியவில்லை என்பதற்காக அவர்கள் உங்களை நேசிக்கவில்லை என்று அர்த்தமில்லை. நீங்கள் செய்ய வேண்டியது அவர்களின் செயல்களில் இருக்கும் மாற்றங்களை புரிந்து கொள்வது. ஒருவரை ஒருவர் நன்கு புரிந்து கொண்டால் உங்களுக்குள் தேவையில்லாத எதிர்பார்ப்புகள் தோன்றாது.

உங்களின் தேவைகளை தெரிந்து கொள்ளுங்கள்

உங்களின் உறவிலிருந்து உங்களின் தேவை என்னவென்று கூறுவதில் நேர்மையாக இருங்கள். நம்பத்தகாத எதிர்பார்ப்புகளை நீக்கி, யதார்த்தமானவற்றில் செயல்படுவதன் மூலம் நீங்கள் அதைச் செய்யத் தொடங்கலாம்.

தவறுகளை ஏற்றுக்கொள்ளுங்கள்

எதிர்பார்ப்புகளை யதார்த்தத்துடன் சமப்படுத்த முடியும். உங்கள் எதிர்பார்ப்புகள் எவ்வளவு யதார்த்தமானதாக இருந்தாலும், அவற்றை எப்போதும் பூர்த்தி செய்ய முடியாது. இதனால் நீங்கள் விரக்திக்கு ஆளாகிறீர்கள். இங்கு பரிபூர்ணமானவர்கள் என்று யாரும் இல்லை, எனவே தங்களின் சுயத்தில் சிறந்து விளங்க முயற்சிப்பார்கள். மனிதர்களை பொறுத்தவரை தவறுகள் செய்வது என்பது இயற்கையானதுதான். இங்கு யாரும் சரியானவர்கள் அல்ல. வாழ்க்கையில் மகிழ்ச்சியைக் கொண்டுவருவதற்காக உங்கள் எதிர்பார்ப்புகளை யதார்த்தத்துடன் அடித்தளமாக வைத்திருக்கலாம்.

கவனமாக கவனிப்பது

மற்ற நபரிடமிருந்து ஒரு குறிப்பிட்ட நடத்தையை எதிர்பார்க்கும்போது நீங்கள் விஷயங்களை இன்னும் தெளிவாகப் பார்க்கத் தொடங்குகிறீர்கள். நீங்கள் என்ன செய்ய விரும்புகிறீர்கள் என்பதற்குப் பதிலாக அவர்கள் உண்மையில் என்ன செய்கிறார்கள் என்பதை நீங்கள் கவனிக்கத் தொடங்குங்கள்.

உறவுகளின் தரநிலைகள்

தரநிலைகள் என்பது ஒரு நபரில் நீங்கள் கருதும் குணங்கள், நெறிமுறைகள் அல்லது பழக்கவழக்கங்கள் ஆகும். எனவே அவர்கள் நீங்கள் எதிர்பார்ப்பதை செய்வார்கள் என்று நீங்கள் நினைக்கலாம். மற்றவரின் மீதான உங்களின் தரநிலைகள் உயர்ந்ததாக இருக்கலாம் ஆனால் உங்களின் எதிர்பார்ப்புகள் யதார்த்தமானதாக இருக்க வேண்டும்.

மற்றவரின் நிலையில் இருந்து சிந்தித்து பாருங்கள்

நீங்கள் திறந்த மனமுடையவராக இருந்து மற்றவர்களின் எதிர்பார்ப்பை பூர்த்தி செய்பவராக இருந்தால் மற்றவர்களும் அப்படி இருக்க வேண்டுமென்று அவசியமில்லை. ஆனால் மற்றவர்களின் சூழ்நிலையை புரிந்து கொண்டால் அவர்களின் சூழ்நிலையில் நீங்கள் இருந்தால் என்ன செய்வீர்கள் என்று சிந்தித்து பாருங்கள், அதன்பின் உங்களின் உறவை சிதைக்கும் எதிர்பார்ப்புகள் உங்களுக்குள் எழாது.

சண்டைகளின் உதவி

இதற்காக நீங்கள் தினமும் உங்கள் துணையுடன் சண்டை போட வேண்டுமென்று அவசியமில்லை. மரியாதையுடனும், நம்பிக்கையுடனும் செய்தால் சண்டைகள் உங்கள் உறவை மேலும் பலமாக்கும். இதன்மூலம் மற்றவர்களின் எதிர்பார்ப்புகளை நீங்கள் அறிந்து கொள்ளலாம். உங்கள் எண்ணங்களை வெளிப்படுத்துவது முட்டாள்தனமான விஷயங்களை எதிர்பார்ப்பதை நிறுத்திவிடும்.