காளான் உருளைக்கிழங்கு ப்ரை ரெசிபி

அசைவ உணவுகளைப் போன்றே சுவையைக் கொடுக்கும் காளானுக்கும் நிறைய பிரியர்கள் உள்ளனர். அத்தகையவர்களுக்காக ஒரு அருமையான காளான் ரெசிபியைக் கொடுத்துள்ளோம். அது வேறொன்றும் இல்லை, காளான் மற்றும் உருளைக்கிழங்கைப் பயன்படுத்தி ப்ரை செய்வது தான்.

இந்த ரெசிபியானது செய்வதற்கு ஈஸியாக இருப்பதுடன், சாதத்திற்கு மிகவும் சூப்பராக இருக்கும். மேலும் குழந்தைகளும் விரும்பி சாப்பிடுவார்கள். இப்போது அந்த காளான் உருளைக்கிழங்கு ப்ரை ரெசிபியை எப்படி செய்வதென்று பார்ப்போம்.

தேவையான பொருட்கள்:

காளான் - 2 கப் (நறுக்கியது)
உருளைக்கிழங்கு - 2 கப் (நறுக்கியது)
வெங்காயம் - 1 கப் (நறுக்கியது)
கிராம்பு - 2
பூண்டு - 2 (தட்டியது)
ஆலிவ் ஆயில் - 1 டேபிள் ஸ்பூன்
மிளகுத் தூள் - 1 டீஸ்பூன்
உப்பு - தேவையான அளவு
தண்ணீர் - 1 கப்

செய்முறை:

முதலில் ஒரு வாணலியில் எண்ணெய் ஊற்றி காய்ந்ததும், வெங்காயத்தைப் போட்டு பொன்னிறமாக வதக்கி, பின்னர் கிராம்பு, பூண்டு சேர்த்து நன்கு வதக்க வேண்டும்.

பின் மிளகு தூள் சேர்த்து கிளறி, நறுக்கி வைத்துள்ள உருளைக்கிழங்கை சேர்த்து வதக்க வேண்டும்.

அடுத்து தண்ணீர் ஊற்றி, உருளைக்கிழங்கை போட்டு, 10 நிமிடம் வேக வைக்க வேண்டும்.

10 நிமிடம் ஆன பின்பு அத்துடன் காளானை போட்டு கிளறி, மூடி வைத்து 8 நிமிடம் வேக வைக்க வேண்டும்.

காளான் மற்றும் உருளைக்கிழங்கானது நன்கு வெந்ததும், அதில் உப்பு தூவி நன்கு கிளறி இறக்கினால், சுவையான காளான் உருளைக்கிழங்கு ப்ரை ரெடி!!!