கத்திரிக்காய் வறுவல்

கோடைக்காலத்தில் கத்திரிக்காய் அதிகம் கிடைக்கும். பொதுவாக கத்திரிக்காயை சாம்பார், புளிக்குழம்பு என்று செய்து சாப்பிட்டால் சூப்பராக இருக்கும். ஆனால் அதையே எத்தனை முறை தான் செய்து சாப்பிடுவீர்கள். ஆகவே தமிழ் போல்ட் ஸ்கை ஒரு அருமையான கத்திரிக்காய் ரெசிபியைக் கொடுத்துள்ளது.

அந்த ரெசிபி மிகவும் ஈஸியானது. 5 நிமிடங்களில் தயார் செய்யக்கூடியது. அது தான் கத்திரிக்காய் ப்ரை. சரி, இப்போது அந்த கத்திரிக்காய் ப்ரை ரெசிபியை எப்படி செய்வதென்று பார்ப்போமா!!!

தேவையான பொருட்கள்:

கத்திரிக்காய் - 1
மிளகாய் தூள் - 1 டேபிள் ஸ்பூன்
மஞ்சள் தூள் - 1 சிட்டிகை
கரம் மசாலா - 1 சிட்டிகை
உப்பு - தேவையான அளவு
எலுமிச்சை - பாதி
எண்ணெய் - தேவையான அளவு

செய்முறை:

முதலில் கத்திரிக்காயை வட்டமாக நறுக்கிக் கொள்ள வேண்டும்.

பின்னர் மிளகாய் தூள், மஞ்சள் தூள், கரம் மசாலா மற்றும் உப்பு ஆகியவற்றை கத்திரிக்காயுடன் சேர்த்து நன்கு பிரட்டிக் கொள்ள வேண்டும்.

பின்பு ஒரு தோசைக்கல்லை அடுப்பில் வைத்து, அதில் சிறிது எண்ணெய் ஊற்றி, பின் பிரட்டி வைத்துள்ள கத்திரிக்காய் துண்டுகளை கொஞ்சம் கொஞ்சமாக போட்டு, முன்னும் பின்னும் பொன்னிறமாக வறுத்து எடுத்து, ஒரு தட்டில் வைத்துக் கொள்ள வேண்டும்.

பிறகு அதன் மேல் எலுமிச்சை சாற்றினை ஊற்றினால், சுவையான கத்திரிக்காய் வறுவல் ரெடி!!!

Image Courtesy: delightdishes