For Quick Alerts
ALLOW NOTIFICATIONS  
For Daily Alerts

தக்காளி துளசி சட்னி

Posted By:
|

உங்கள் வீட்டில் இன்று இரவு இட்லி அல்லது தோசை செய்து சாப்பிட நினைக்கிறீர்களா? அதற்கு ஒரு வித்தியாசமான, அதே வேளையில் எளிமையாக செய்யக்கூடிய ஒரு சைடு டிஷ் செய்து சாப்பிட விரும்புகிறீர்களா? பொதுவாக இட்லி, தோசைக்கு சட்னி தான் சரியான காம்பினேஷன். நீங்கள் சட்னி பிரியராக இருந்தால், அதுவும் வித்தியாசமான சட்னியை சுவைக்க விரும்புபவரானால், தக்காளி துளசி சட்னியை செய்து சாப்பிடுங்கள். இந்த தக்காளி துளசி சட்னி செய்வது மிகவும் சுலபம். மேலும் அனைவருமே விரும்பி சாப்பிடக்கூடியவாறான சுவையில் இருக்கும்.

உங்களுக்கு தக்காளி துளசி சட்னி எப்படி செய்வதென்று தெரிந்து கொள்ள வேண்டுமா? கீழே தக்காளி துளசி சட்னியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* எண்ணெய் - 3 டேபிள் ஸ்பூன்

* பூண்டு - 6 பல்

* வரமிளகாய் - 6

* தக்காளி - 2 (நறுக்கியது)

* துளசி - ஒரு கையளவு

* புளி - ஒரு துண்டு

* உப்பு - சுவைக்கேற்ப

செய்முறை:

* முதலில் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், வரமிளகாய் மற்றும் பூண்டு சேர்த்து பொன்னிறமாக வதக்க வேண்டும்.

* பின்னர் அதில் தக்காளியை சேர்த்து நன்கு மென்மையாகும் வரை வதக்க வேண்டும்.

* பின்பு அதில் புளி, உப்பு சேர்த்து நன்கு வதக்க வேண்டும்.

* பிறகு துளசி சேர்த்து நன்கு வதக்கி இறக்கி குளிர வைக்க வேண்டும்.

* நன்கு குளிர்ந்ததும், அதை மிக்சர் ஜாரில் போட்டு நன்கு மென்மையாக அரைத்தால், சுவையான தக்காளி துளசி சட்னி தயார்.

Image Courtesy: yummytummyaarthi

[ of 5 - Users]
English summary

Tomato Basil Chutney Recipe In Tamil

Want to know how to make a tomato basil chutney at home? Take a look and give it a try...