நட்ஸ் மில்க் ஷேக்

கோடையில் நன்கு புத்துணர்ச்சியுடனும், ஆரோக்கியமாகவும் இருக்க வேண்டுமெனில், வீட்டில் எளிமையான முறையில் நட்ஸ் மில்க் ஷேக் செய்து குடியுங்கள். அதிலும் இந்த மில்க் ஷேக்கை, பள்ளி முடிந்து வீட்டிற்கு வரும் குழந்தைகளுக்கு செய்து கொடுத்தால், அவர்கள் நன்கு சுறுசுறுப்புடன் இருப்பார்கள்.

இப்போது அந்த நிட்ஸ் மில்க் ஷேக்கை எப்படி செய்வதென்று கொடுத்துள்ளோம். அதைப் படித்து, வீட்டில் ட்ரை செய்து எப்படியிருந்தது என்று எங்களுடன் பகிர்ந்து கொள்ளுங்கள்.

தேவையான பொருட்கள்:

பால் - 1 டம்ளர் (கொதிக்க வைத்து, குளிர வைத்தது)
பாதாம் - 8-10
பிஸ்தா - 7-8
பேரிச்சம் பழம் - 2 (விதையில்லாதது)
வால் நட் - 2
ஏலக்காய் பொடி - 1/2 டீஸ்பூன்
சர்க்கரை - தேவையான அளவு
சாக்லெட் சாஸ் - சிறிது

செய்முறை:

முதலில் மிக்ஸியில் பாதாம், பிஸ்தா, பேரிச்சம் பழம் மற்றும் சர்க்கரை சேர்த்து நன்கு பொடி செய்து கொள்ள வேண்டும்.

பின்னர் பாலில் 2 டேபிள் ஸ்பூன் அரைத்து வைத்துள்ள பொடியை போட்டு, மிக்ஸியிலோ அல்லது பிளெண்டரிலோ ஊற்றி அடித்து, டம்ளரில் ஊற்றி, அதன் மேல் சாக்லெட் சாஸ் ஊற்றி பரிமாறினால், சூப்பரான சுவையில் நட்ஸ் மில்க் ஷேக் ரெடி!!!