For Quick Alerts
ALLOW NOTIFICATIONS  
For Daily Alerts

மிளகு தேங்காய்பால் சிக்கன் கிரேவி

By Mayura Akilan
|

Pepper Chicken in Coconut Gravy Recipe
கோழிக்கறியை மிதமான காரத்தில் சாப்பிட விரும்புபவர்களுக்கு மிளகு, தேங்காய்ப்பால் சிக்கன் கிரேவி ஏற்றது. குழந்தைகளும் வயதானவர்களும் கூட இதனை சாப்பிடலாம். சுவையானதும் சத்தானதும் கூட.

தேவையான பொருட்கள்

சிக்கன் – அரைக்கிலோ

சின்னவெங்காயம் - 100 கிராம்

தக்காளி- 2

மிளகுதூள் – 4 டீஸ்பூன்

சீரகத்தூள் – 2 டீஸ்பூன்

வரமிளகாய் – 4

இஞ்சி பூண்டு விழுது – 2 டீ ஸ்பூன்

மஞ்சள் தூள் – 1 டீ ஸ்பூன்

தயிர் – 3 டீஸ்பூன்

தேங்காய்பால் – ஒரு கப்

உப்பு தேவையான அளவு

கறிவேப்பிலை ஒரு கொத்து

மல்லித்தழை சிறிதளவு

எண்ணெய் – 3 டீ ஸ்பூன்

சிக்கன் கிரேவி செய்முறை

சிக்கனை பொடியாக நறுக்கி சிறிதளவு மஞ்சள் தூள் சேர்த்து கழுவி வைக்கவும். அத்துடன் உப்பு, தயிர், சிறிதளவு இஞ்சி பூண்டு சேர்த்து அரைமணிநேரம் ஊறவைக்கவும்.

வெங்காயம், தக்காளியை பொடியாக நறுக்கி வைக்கவும். அடுப்பில் வாணலியை வைத்து எண்ணெய் ஊற்றி காய்ந்ததும் கறிவேப்பிலை, வெங்காயம் போட்டு வதக்கவும். அத்துடன் இஞ்சி பூண்டு விழுது சேர்த்து வதக்கவும்.

தக்காளியை சேர்த்து குழைய வேகவிடவும். இத்துடன் ஊறவைத்த சிக்கனை சேர்த்து கிளறவும். இதோடு வரமிளகாயை கிள்ளிப்போடவும். சீரகம், மிளகுத்தூளை சேர்த்து நன்றாக கிளறவும். சிறிதளவு தண்ணீர் சேர்த்து மூடிபோட்டு வேகவிடவும்.

சிக்கன் ஊறவைத்ததால் வேகமாக வெந்துவிடும். சிக்கன் வெந்த உடன் அத்துடன் தேங்காய்பால் சேர்க்கவும். ஸ்டவ்வை மிதமாக எரியவிடவும். சிக்கன் கிரேவி பதத்திற்கு வந்த உடன் மல்லித் தழை தூவி இறக்கவும்.

மிளகு தேங்காய்பால் கிரேவி தயார். சூடான சாதத்தில் போட்டு சாப்பிடலாம். சப்பாத்திக்கும் தொட்டுக்கொள்ள ஏற்றது. காரம் குறைவாக இருப்பதால் குழந்தைகளும் நன்றாக சாப்பிடுவார்கள்.

English summary

Pepper Chicken in Coconut Gravy Recipe | மிளகு தேங்காய்பால் சிக்கன் கிரேவி

This is one of the favourite chicken curries made at home for dinner. It is simple and quite mild
Story first published: Wednesday, April 4, 2012, 12:45 [IST]
Desktop Bottom Promotion