மட்டன் ரசம்

தேவையான பொருட்கள்:

250 கிராம் ஆட்டு எலும்பு, 4 பூண்டுப் பல், 1 தேக்கரண்டி இஞ்சி விழுது, 1 எலுமிச்சை பழம், 1 தேக்கரண்டி மிளகுத் தூள், 1 தேக்கரண்டி சீரகத்தூள், 1 தேக்கரண்டி மஞ்சள் தூள், சிறிதளவு கறிவேப்பிலை, 2 சிவப்பு மிளகாய், 50 கிராம் சாம்பார் வெங்காயம், 1 மேசைக்கரண்டி நல்லெண்ணெய், சிறிதளவு கொத்துமல்லி

செய்முறை:

எழும்புத் துண்டுகளை நன்றாகக் கழுவி, குக்கர் பாத்திரத்தில் போடவும். எழும்பு மூழ்கும் அளவிற்கு தண்ணீர் ஊற்றவும். மஞ்சள் தூள், இஞ்சி விழுது, கொத்துமல்லி, உப்பு சேர்த்து வேக வைக்கவும். 3 விசில் வந்ததும் 10 நிமிடம் மிதமான சூட்டில் வைத்து இறக்கவும்.

கடாயை அடுப்பில் ஏற்றி, எண்ணெய் விட்டு மிளகுத் தூள், சிவப்பு மிளகாய் வற்றல், சீரகத்தூள், பூண்டுப்பல், நறுக்கிய வெங்காயம் சேர்த்து வதக்கவும். எழும்புத் துண்டு வெந்த சாற்றை வடித்து எடுத்து தாளித்ததில் ஊற்றி கறிவேப்பிலை கிள்ளிப்போட்டு மூடி ஒரு கொதி வந்ததும் இறக்கி வைக்கவும். பின்பு அதனுடன் எலுமிச்சம் பழச்சாற்றை ஊற்றி கலக்கி உபயோகப்படுத்தவும்.