கறிக்குழம்பு

தேவையான பொருட்கள்:

250 கிராம் ஆட்டிறைச்சி, 2 தேக்கரண்டி இஞ்சி பூண்டி விழுது, 1 தேக்கரண்டி மஞ்சள் தூள், 2 தேக்கரண்டி மிளகாய் தூள், 1 தேக்கரண்டி கசகசா தூள், 1 மேசைக்கரண்டி தேங்காய் விழுது, 1 மேசைக்கரண்டி வெங்காய விழுது, 1 தேக்கரண்டி சோம்புத் தூள், 1 மேசைக்கரண்டி எண்ணெய், 1 மேசைக்கரண்டி நறுக்கிய வெங்காயம், 1 தேக்கரண்டி கரம் மசாலா, சிறிதளவு கொத்துமல்லி மற்றும் கறிவேப்பிலை.

செய்முறை:

ஆட்டு இறைச்சியை சுத்தம் செய்து கழுவி, குக்கரில் போட்டு வைக்கவும். அதனுடன் மிளகாய்த் தூள், தனியா தூள, இஞ்சி பூண்டு வெங்காய விழுது, தேங்காய் விழுது, சோம்பு, கசகசா, மஞ்சள் தூள் சேர்த்து நன்கு பிசைந்து 10 நிமிடம் ஊற வைக்கவும்.

இவற்றுடன் 200 மில்லி தண்ணீரும் சிறிதளவு உப்பும் சேர்த்து குக்கரில் நான்கு விசில் வரும் வரை வேக வைக்கவும். குழம்பு சட்டியை அடுப்பில் ஏற்றி எண்ணெய் விட்டு காய்ந்ததும் கரம் மசாலா தூள், நறுக்கிய வெங்காயம் சேர்த்து வதக்கவும். அதனுடன் குக்கரில் தயாரித்த இறைச்சிக் குழம்பை தாளித்துக் கொட்டி கொத்துமல்லி, கறிவேப்பிலை கிள்ளிப் போட்டு மூடி வைக்கவும்.

உப்பு, காரத்தை அவரவர் தேவைக்கேற்ப சேர்த்துக் கொள்ளலாம்.