சிக்கன் பீஸா

தேவையான பொருட்கள்:

1 கோழி, 2 மேசைக்கரண்டி நறுக்கிய வெங்காயம், 3 தேக்கரண்டி தனியா தூள், 2 தேக்கரண்டி மஞ்சள்தூள், 250 கிராம் தக்காளி, 3 மேசைக்கரண்டி நெய், 1 மேசைக்கரண்டி சீரகத் தூள், 5 கிராம்பு, 1 மேசைக்கரண்டி பச்சை மிளகாய் விழுது, 1 மேசைக்கரண்டி இஞ்சிப் பூண்டு விழுது, 1 மேசைக்கரண்டி வெங்காய விழுது, சிறிதளவு உப்பு, கொஞ்சம் கொத்துமல்லி.

செய்முறை:

கோழியை சுமாரான துண்டுகளாக வெட்டி சுத்தமாகக் கழுவி வைக்கவும். கடாயை அடுப்பில் வைத்து நெய் ஊற்றவும். நெய் காய்ந்ததும் கிராம்பு, பச்சை மிளகாய் விழுது, வெங்காய விழுது, சீரகத் தூள், இஞ்சி பூண்டு விழுது ஆகியவை சேர்த்து வதக்கவும்.

இவற்றுடன் கோழிக்கறி துண்டுகளைப் போட்டு கிளறி, சில நிமிடங்கள் வதக்கவும். சிறுதுண்டுகளாக நறுக்கிய தக்காளி, மஞ்சள் தூள், உப்பு சேர்த்து அதனுடன் 200 மில்லி தண்ணீர் விட்டு வேக வைக்கவும். பக்குவமானதும் கொத்துமல்லியை தூவி இறக்கி வைக்கவும்.