For Quick Alerts
ALLOW NOTIFICATIONS  
For Daily Alerts

சப்பாத்திக்கு அட்டகாசமாக இருக்கும் முகலாய் முட்டை கிரேவி!

Posted By:
|

இன்று இரவு உங்கள் வீட்டில் சப்பாத்தி செய்ய திட்டமிட்டுள்ளீர்களா? அப்படியானால் அதற்கு சைடு டிஷ்ஷாக இன்று முகலாய் முட்டை கிரேவி செய்யுங்கள். இந்த முட்டை கிரேவிக்கு தக்காளி தேவையில்லை. மேலும் இது நாம் வழக்கமாக செய்யும் முட்டை கிரேவியில் இருந்து முற்றிலும் வித்தியாசமானது. ஆனால் இந்த முகலாய் முட்டை கிரேவி சப்பாத்திக்கு மட்டுமின்றி, பூரி, நாண், புலாவ் போன்வற்றுடன் சேர்த்து சாப்பிட அற்புதமாக இருக்கும். முக்கியமாக இந்த கிரேவி பேச்சுலர்கள் செய்யும் வகையில் ஈஸியான செய்முறையைக் கொண்டது.

உங்களுக்கு முகலாய் முட்டை கிரேவி எப்படி செய்வதென்று தெரிந்து கொள்ள வேண்டுமா? கீழே முகலாய் முட்டை கிரேவியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* வேக வைத்த முட்டை - 4

* வெங்காயம் - 2 (நறுக்கியது)

* பச்சை மிளகாய் - 3

* இஞ்சி பூண்டு பேஸ்ட் - 1 டேபிள் ஸ்பூன்

* எண்ணெய் - 3 டேபிள் ஸ்பூன்

* கரம் மசாலா - 1 டீஸ்பூன்

* மிளகுத் தூள் - 1 டீஸ்பூன்

* கசூரி மெத்தி - 2 டீஸ்பூன்

* க்ரீம் - 1/2 கப்

* உப்பு - சுவைக்கேற்ப

* சர்க்கரை - 1/2 டீஸ்பூன்

செய்முறை:

* முதலில் மிக்சர் ஜாரில் வெங்காயம், பச்சை மிளகாய், இஞ்சி பூண்டு பேஸ்ட் சேர்த்து நன்கு அரைத்து தனியாக வைத்துக் கொள்ள வேண்டும்.

* பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், அரைத்த விழுதை சேர்த்து பச்சை வாசனை போக வதக்க வேண்டும்.

* பின்பு அதில் சுவைக்கேற்ப உப்பு, கரம் மசாலா, மிளகுத் தூள் சேர்த்து நன்கு கிளறி விட வேண்டும்.

* பிறகு அதில் சிறிது நீரை ஊற்றி கிளறி, மூடி வைத்து எண்ணெய் மேலே மிதக்கும் வரை 10 நிமிடம் நன்கு கொதிக்க வைக்க வேண்டும்.

* பின் அதில் கசூரி மெத்தி, சர்க்கரை மற்றும் க்ரீம் சேர்த்து நன்கு கிளறி விட வேண்டும்.

* அதன் பின் அதில் வேக வைத்த முட்டைகளை நீளவாக்கில் இரண்டு துண்டுகளாக வெட்டிப் போட்டு, குறைவான தீயில் வைத்து 2-3 நிமிடம் கொதிக்க விட்டு இறக்கினால், சுவையான முகலாய் முட்டை கிரேவி தயார்.

Image Courtesy: yummytummyaarthi

[ of 5 - Users]
English summary

Mughlai Egg Gravy Recipe In Tamil

Want to know how to make a mughlai egg gravy recipe at home? Take a look and give it a try...
Story first published: Thursday, November 24, 2022, 17:25 [IST]
Desktop Bottom Promotion