Latest Updates
-
காலையில் இந்த ஒரு குழம்பை செஞ்சா போதும்... 3 வேளையும் வெச்சு சாப்பிடலாம்... -
நவம்பர் 21, 2026: இன்று இந்த 4 ராசிக்காரர்களுக்கு ஆபத்துகள் துரத்தும் நாளாக இருக்குமாம் -
புதாதித்ய ராஜயோகம்: டிசம்பர் மாத தொடக்கமே இந்த 4 ராசிக்காரர்களுக்கு அமோகமா இருக்கும்! -
டிசம்பரில் விருச்சிக ராசியில் நுழையும் புதன் இந்த 3 ராசிக்காரர்களை ஜெயிக்கிற குதிரையாக மாற்றப்போகுதாம் -
கார்த்திகை தீபம் ஸ்பெஷல் நெய் அப்பம் - எப்படி 15 நிமிடத்தில் செய்றதுன்னு பாத்து ட்ரை பண்ணுங்க.. -
சிம்பிளான காலிஃபிளவர் சால்னா ரெசிபி - செஞ்சு பாருங்க - இட்லி, சப்பாத்திக்கு அட்டகாசமாக இருக்கும் -
வீட்டில் பணம் பெருக வேண்டுமா? அப்ப ஃபெங் சூயி சொல்லும் இந்த 5 அதிர்ஷ்ட பொருட்களை வாங்கி வையுங்க.. -
குளிர்காலத்தில் சருமத்தை ஆரோக்கியமாகவும், பாதுகாப்பாகவும் வைத்திருக்கும் 5 பழங்கள் - மறக்காம சாப்பிடுங்க -
இந்த 4 ராசி ஆண்கள் காரணமே இல்லாமல் மிகவும் கோபப்படுபவர்களாக இருப்பார்களாம் - உங்க ராசி இதுல இருக்கா? -
ஃப்ரிஸி ஹேர் பிரச்சனையா? அப்ப முடியை மென்மையாக வைத்திருக்க டாக்டர் கூறும் டிப்ஸ் இதோ!
சப்பாத்திக்கு இந்த ஸ்டைல்-ல முட்டை கிரேவி செய்யுங்க.. வீட்டுல எல்லாரும் 2 எக்ஸ்ட்ரா சாப்பிடுவாங்க..
Egg Bhurji Gravy Recipe In Tamil: இரவு நேரத்தில் உங்கள் வீட்டில் பெரும்பாலும் சப்பாத்தி தான் செய்வீர்களா? அந்த சப்பாத்திக்கு அடிக்கடி முட்டையை சைடு டிஷ்ஷாக செய்வீர்களா? அதுவும் எப்பவும் ஒரே சுவையில் தான் முட்டை சைடு டிஷ் செய்வீர்களா? அப்படியானால் ஒருமுறை முட்டையை புர்ஜி போன்று செய்து, பின் கிரேவி செய்யுங்கள்.

இப்படி முட்டையை புர்ஜி செய்து பின் கிரேவியாக செய்யும் போது பார்க்க சற்று வித்தியாசமாகவும் இருக்கும், சுவையும் பிரமாதமாக இருக்கும். அதுவும் குழந்தைகளுக்கு இப்படி செய்து கொடுக்கும் போது, வழக்கமாக சாப்பிடுவதை விட சற்று அதிகமாக சாப்பிடுவார்கள். இந்த முட்டை புர்ஜி கிரேவி சப்பாத்திக்கு மட்டுமின்றி, பூரியுடன் சேர்த்து சாப்பிடவும் அருமையாக இருக்கும்.
இந்த முட்டை புர்ஜி கிரேவி குறித்து திண்டுக்கல் ஃபுட் கோர்ட் என்னும் யூடியூப் பக்கத்தில் பகிரப்பட்டுள்ளது. உங்களுக்கு இந்த முட்டை புர்ஜ் கிரேவியை எப்படி செய்வதென்று தெரிந்து கொள்ள வேண்டுமா? கீழே முட்டை புர்ஜ் கிரேவி ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
முட்டை புர்ஜிக்கு...
* எண்ணெய் - 1 டேபிள் ஸ்பூன்
* சின்ன வெங்காயம் - 10 (பொடியாக நறுக்கியது)
* முட்டை - 4
* உப்பு - சிறிது
* மிளகுத் தூள் - 1/2 டீஸ்பூன்
அரைப்பதற்கு...
* தக்காளி - 2
* பூண்டு - 5-7
* இஞ்சி - 1 இன்ச்
* கசூரி மெத்தி - 1/2 டீஸ்பூன்
தாளிப்பதற்கு...
* எண்ணெய் - 2 டேபிள் ஸ்பூன்
* சீரகம் - 1/2 டீஸ்பூன்
* வெங்காயம் - 1 (பொடியாக நறுக்கியது)
* அரைத்த தக்காளி விழுது
* மிளகாய் தூள் - 1 டீஸ்பூன்
* மல்லித் தூள் - 1 டீஸ்பூன்
* மஞ்சள் தூள் - 1/4 டீஸ்பூன்
* கரம் மசாலா - 1/2 டீஸ்பூன்
* உப்பு - சுவைக்கேற்ப
* தண்ணீர் - சிறிது
* முட்டை புர்ஜி
* கொத்தமல்லி - சிறிது
செய்முறை:
* முதலில் ஒரு வாணலியை அடுப்பில் வைத்து, அதில் எண்ணெய் ஊற்றி
சூடானதும், பொடியாக நறுக்கிய சின்ன வெங்காயத்தை சேர்த்து, கண்ணாடி
பதத்திற்கு வதக்க வேண்டும்.
* பின் ஒரு பௌலில் 4 முட்டைகளை உடைத்து ஊற்றி, அதில் சிறிது உப்பு
சேர்த்து நன்கு கலந்து கொள்ள வேண்டும்.
* பின்பு அடித்து வைத்துள்ள முட்டை கலவையை வதங்கி கொண்டிருக்கும்
வெங்காயத்துடன் சேர்த்து, முட்டை புர்ஜி போன்று செய்து, மிளகுத் தூள்
தூவி கிளறி, ஒரு தட்டில் எடுத்து வைத்துக் கொள்ள வேண்டும்.
* பிறகு மிக்சர் ஜாரில் தக்காளி, பூண்டு, இஞ்சி, கசூரி மெத்தி
ஆகியவற்றை சேர்த்து நன்கு அரைத்து தனியாக வைத்துக் கொள்ள
வேண்டும்.
* பின்னர் ஒரு வாணலியை அடுப்பில் வைத்து, அதில் 2 டேபிள் ஸ்பூன்
எண்ணெய் ஊற்றி சூடானதும், சீரகத்தை சேர்த்து தாளிக்க வேண்டும்.
* அதன் பின் அதில் பொடியாக நறுக்கிய வெங்காயத்தை சேர்த்து
பொன்னிறமாகும் வரை வதக்க வேண்டும்.
* அடுத்து அதில் அரைத்து வைத்துள்ள தக்காளி விழுதை சேர்த்து, அத்துடன்
மிளகாய் தூள், மல்லித் தூள், மஞ்சள் தூள், கரம் மசாலா மற்றும்
சுவைக்கேற்ப உப்பு சேர்த்து மிதமான தீயில் வைத்து, 3-5 நிமிடம் நன்கு
பச்சை வாசனை போக வதக்க வேண்டும்.
* பின்பு அதில் சிறிது நீரை ஊற்றி கிளறி, 5 நிமிடம் குறைவான தீயில்
வைத்து நன்கு கொதிக்க வைக்க வேண்டும்.
* பிறகு அதில் முட்டை புர்ஜியை சேர்த்து கிளறி, குறைவான தீயில்
வைத்து, 5 நிமிடம் கொதிக்க வைக்க வேண்டும்.
* இறுதியாக அதில் கொத்தமல்லியைத் தூவி கிளறி இறக்கினால், சுவையான
முட்டை புர்ஜி கிரேவி தயார்.



Click it and Unblock the Notifications
