சுவையான... முட்டைக்கோஸ் சட்னி

இன்று இரவு உங்கள் வீட்டில் இட்லி, தோசை ஏதாவது செய்ய நினைக்கிறீர்களா? இட்லி, தோசைக்கு சட்னி சரியான காம்பினேஷனாக இருக்கும். அதுவும் உங்களுக்கு தினமும் தேங்காய் சட்னி, தக்காளி சட்னி செய்து சாப்பிட்டு அலுத்துவிட்டதா? அப்படியானால் இன்று சற்று வித்தியாசமான சட்னியை செய்து சாப்பிடுங்கள். அது தான் முட்டைக்கோஸ் சட்னி. இந்த சட்னி செய்வது மிகவும் சுலபம்.

உங்களுக்கு முட்டைக்கோஸ் சட்னி எப்படி செய்வதென்று தெரிந்து கொள்ள வேண்டுமா? கீழே முட்டைக்கோஸ் சட்னி ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* நல்லெண்ணெய் - 1 டேபிள் ஸ்பூன்

* உளுத்தம் பருப்பு - 1 டீஸ்பூன்

* கடலை பருப்பு - 1 டீஸ்பூன்

* முட்டைக்கோஸ் - 2 1/2 கப் (நறுக்கியது)

* பச்சை மிளகாய் - 1-3

* கறிவேப்பிலை - சிறிது

* உப்பு - சுவைக்கேற்ப

பிற பொருட்கள்...

* புளி - 1 டீஸ்பூன்

* தண்ணீர் - அரைப்பதற்கு தேவையான அளவு

தாளிப்பதற்கு...

* நல்லெண்ணெய் - 1-2 டீஸ்பூன்

* கடுகு - 1/2 டீஸ்பூன்

* பெருங்காயத் தூள் - 1 சிட்டிகை

* வரமிளகாய் - 1-2 (விதைகளை நீக்கியது)

செய்முறை:

* முதலில் ஒரு வாணலியை அடுப்பில் வைத்து, அதில் 1 டேபிள் ஸ்பூன் நல்லெண்ணெய் ஊற்றி சூடானதும், உளுத்தம் பருப்பு, கடலை பருப்பு சேர்த்து நிறம் மாறும் வரை வறுக்க வேண்டும்.

* பின் அதில் பச்சை மிளகாய் மற்றும் கறிவேப்பிலை சேர்த்து வதக்க வேண்டும்.

* அதன் பின் அதில் முட்டைக்கோஸை சேர்த்து வதக்க வேண்டும். அடுத்து சுவைக்கேற்ப உப்பு சேர்த்து நன்கு கிளறி, மூடி வைத்து 10 நிமிடம் வேக வைக்க வேண்டும்.

* முட்டைக்கோஸ் பாதியாக அல்லது அரை வேக்காடாக வெந்ததும், அதை இறக்கி குளிர வைக்க வேண்டும்.

* பிறகு அதை மிக்சர் ஜாரில் போட்டு, 1 டீஸ்பூன் புளி சேர்த்து, தேவையான அளவு நீரை ஊற்றி நன்கு மென்மையாக அரைத்துக் கொள்ள வேண்டும்.

* அரைத்த சட்னியை ஒரு பௌலில் எடுத்து வைத்துக் கொள்ள வேண்டும்.

* பின்னர் ஒரு சிறு வாணலியை அடுப்பில் வைத்து, அதில் 1-2 டீஸ்பூன் நல்லெண்ணெய் ஊற்றி சூடானதும், கடுகு, பெருங்காயத் தூள் மற்றும் வரமிளகாய் சேர்த்து தாளித்து, சட்னியில் ஊற்றி கிளறினால், முட்டைக்கோஸ் சட்னி தயார்.

Image Courtesy: vegrecipesofindia