கர்ப்பகாலத்தில் பாதுகாப்பாய் இருக்க தவிர்க்க வேண்டிய உணவுகள்

வேகாத இறைச்சி

சரியாக வேகாத இறைச்சி உண்பது பாக்டீரியா மற்றும் ஒட்டுண்ணிகள் மூலம் தொற்றுநோய் ஏற்படக்கூடிய வாய்ப்புகளை அதிகரிக்கிறது. இந்த உணவுகளின் மூலம் டோக்சோபிலாமா,

லிஸ்டீரியா, சால்மோனெல்லா போன்ற பாக்டீரியாக்கள் எளிதாக தாக்கக்கூடும். இவை மூலம் நரம்பு மண்டல கோளாறுகள், பார்வைக்கோளாறுகள் மற்றும் வலிப்பு போன்ற நோய்கள் குழந்தைக்கு ஏற்படலாம்.

காஃபின்

காஃபின் என்பது உலகில் மிகவும் பொதுவாக பயன்படுத்தப்படும் ஒரு பொருளாகும். இது தேநீர், காபி மற்றும் குளிர்பானங்களில் அதிகம் உள்ளது. கர்ப்பிணி பெண்கள் கர்ப்பகாலத்தில் காஃபின் அளவை குறைத்துக்கொள்ள அறிவுறுத்தப்படுகிறார்கள் அதாவது ஒரு நாளைக்கு 1-2 கப் காபி குடித்தால் போதுமானது. காஃபின் மிக விரைவாக உறிஞ்சப்பட்டு, நஞ்சுக்கொடி மற்றும் கருப்பைக்கு எளிதில் செல்கிறது. வயிற்றில் உள்ள குழந்தைக்கு அதிகளவு காஃபினை தாங்கிகொள்ளும் சக்தி இருக்காது. கர்ப்பகாலத்தின் போது அதிகளவு காஃபின் உட்கொள்வது குழந்தை வளர்ச்சியை கட்டுப்படுத்துவதோடு குழந்தை எடை குறைவாக பிறக்கவும் வழிவகுக்கும்.

ஆல்கஹால்

கர்ப்பிணி பெண்கள் மது அருந்துவதை முற்றிலுமாக தவிர்க்கவேண்டும். இது கருச்சிதைவு ஏற்படுவதற்கான வாய்ப்புகளை அதிகப்படுத்தும். குறைந்த அளவாய் இருந்தாலும் அது குழந்தையின் மூளை வளர்ச்சியை பாதிக்கும். அதுமட்டுமின்றி மூளைக்கோளாறுகள், இதய பிரச்சினைகளும் ஏற்படலாம்.

பதப்படுத்தப்பட்ட பால் மற்றும் பழச்சாறு

பதப்படுத்தப்பட்ட பால் மற்றும் பழச்சாறுகளில் கேடுவிளைவிக்க கூடிய லிஸ்டீரியா, கேம்பிலோபேக்டர் போன்ற பாக்டீரியாக்கள் இருக்கக்கூடும். இவை குழந்தைகளின் ஆரோக்கியத்தை பெருமளவில் பாதிப்பதோடு கருச்சிதைவிற்கும் வழிவகுக்கும்.

பிரட் மற்றும் சாதம்:

பிரட் மற்றும் சாதம் சாப்பிடுவதால், இவை உங்கள் ரத்தத்தில் உள்ள குளுக்கோஸ் அளவை அதிகரிக்கும். இதிலுள்ள கொழுப்புகள் குழந்தை வளர வளர அவர்களின் எடையை அதிகரிக்கச் செய்யும். எனவே அதே அளவு கலோரிகள் உள்ள ஆரோக்கியமான வேறு உணவுகளை நீங்கள் சாப்பிட்டால், குழந்தைக்கு பிறக்கும் போது குறைந்த அளவு கொழுப்பே இருக்கும். எனவே, இந்த உணவுகளை தவிர்த்து முழு கோதுமை பிரட், பழுப்பு அரிசி சாதம், ஓட்ஸ் ஆகியவற்றை சாப்பிடலாம்.