கர்ப்பத்தின் போது உடல் எடையை கட்டுப்பாட்டில் வைக்க சில டிப்ஸ்...

ஆரோக்கியமான காலை உணவு

தினமும் காலையில் நல்ல ஆரோக்கியமான உணவை, சரியான நேரத்தில் உட்கொண்டு வந்தால், உடலின் மெட்டபாலிசம் அதிகரித்து, தேவையில்லாத கொழுப்புக்கள் கரைக்கப்பட்டு, சரியான உடல் எடையை பராமரிக்க உதவியாக இருக்கும்.

நடைப்பயிற்சி

கர்ப்பமாக இருக்கும் போது, தினமும் 30 நிமிடம் நடைபயிற்சியை மேற்கொள்ள வேண்டும். இதனால் உடல் நன்கு சுறுசுறுப்புடன் இருக்கும்.

கலோரிகளில் கவனம் தேவை

கர்ப்பிணிகள் தினமும் 300-500 வரை கலோரிகளை சேர்த்துக் கொள்ள வேண்டும். இதனால் குழந்தைக்கு வேண்டிய சத்துக்கள் சரியாக கிடைக்கும். மேலும் இது உடல் எடையை கட்டுப்பாட்டுடன் வைக்கும்.

ஆரோக்கியமான ஸ்நாக்ஸ்

கர்ப்பமாக இருக்கும் போது, பசி அதிகம் இருக்கும். ஏனெனில் இருவருக்கான உணவு தேவைப்படுவதால், அப்போது மொறுமொறுப்பான ஸ்நாக்ஸ்களை தவிர்த்து, நல்ல ஆரோக்கியமான ஊட்டச்சத்துக்கள், புரோட்டீன் மற்றும் கனிமச்சத்துக்கள் நிறைந்த ஸ்நாக்ஸ்களை தேர்ந்தெடுத்து சாப்பிட வேண்டும்.

ஜங்க் உணவுகளை தவிர்க்கவும்

கர்ப்பிணிகள் அறவே தவிர்க்க வேண்டிய உணவுகளில் ஒன்று தான் ஜங்க் உணவுகள். ஏனெனில் இவற்றில் கொழுப்புக்கள் தான் அதிகம் நிறைந்திருக்கும். எனவே இதனை சாப்பிட்டால், உடலின் எடை அதிகரித்து, பிற்காலத்தில் குழந்தைக்கு பாதிப்பை ஏற்படுத்தும்.

சீரான இடைவெளியில் சாப்பிடவும்

கர்ப்பமாக இருக்கும் போது ஒரே நேரத்தில் நிறைய உணவுகளை சாப்பிட இயலாது. ஆகவே சீரான இடைவெளியில் கொஞ்சம் கொஞ்சமாக உணவுகளை உட்கொள்ள வேண்டும். இதனாலும் தேவையில்லாமல் உடல் எடை அதிகரிப்பதை தவிர்க்கலாம்.

தண்ணீர் அதிகம் குடிக்கவும்

கர்ப்பத்தின் போது அளவுக்கு அதிகமாக தண்ணீர் குடிக்க வேண்டும். ஒருவேளை உடலில் வறட்சி ஏற்பட்டால், இறுதி மாதத்தில் மலச்சிக்கலை ஏற்படுத்திவிடும். எனவே தண்ணீர் அதிகம் குடித்தால், மலச்சிக்கலை தடுப்பதோடு, அடிக்கடி பசி ஏற்படுவதைத் தவிர்க்கலாம்.

உடற்பயிற்சி

கர்ப்பிணிகள் தினமும் உடற்பயிற்சியை செய்து வந்தால், நிச்சயம் உடல் எடையை கட்டுப்பாட்டுடன் வைத்துக் கொள்ள வேண்டும். அதிலும் யோகா போன்ற பயிற்சிகளை செய்வது இன்னும் சிறந்தது.

ஆசையைக் கட்டுப்படுத்தவும்

இந்நேரத்தில் கர்ப்பிணிகளுக்கு நிறைய உணவுப் பொருட்களை உட்கொள்ள ஆசை எழும். ஆனால் அவ்வாறு உண்ணும் உணவுப் பொருட்கள் ஆரோக்கியமானதாக இருந்தால், நல்லது. குறிப்பாக, அவற்றை அளவாக உட்கொண்டால், இன்னும் சிறந்தது. இது தாய்க்கு மட்டுமின்றி, குழந்தைக்கும் மிகவும் நல்லது.