For Quick Alerts
ALLOW NOTIFICATIONS  
For Daily Alerts

குழந்தைகளை இராணுவப் பள்ளிகளுக்கு அனுப்புவதால் கிடைக்கும் நன்மைகள்!

|

உங்கள் பிள்ளைகளுக்கு சிறப்பான கல்வியை கொடுப்பது பெற்றோராகிய உங்கள் கடமை. எனவே எந்த பள்ளியில் உங்கள் பிள்ளையை சேர்ப்பது என்பது எல்லாப் பெற்றோருக்கும் இருக்கும் ஒரு குழப்பம். இதோ இந்த பதிவில் உங்கள் குழப்பத்திற்கான தீர்வு உள்ளது. தொடர்ந்து படித்து ஒரு முடிவிற்கு வாருங்கள்.

பெற்றோராக இருப்பது எளிதான காரியம் இல்லை. தங்கள் குழந்தைக்காக பல விஷயங்களை பெற்றோர் செய்ய வேண்டும். முதன்முதலாக குழந்தையின் கைப்பிடித்து நடக்க கற்றுக் கொடுப்பதில் இருந்து, அவர்களைப் படிக்க வைத்து, இந்த சமுதாயத்தில் சிறந்த மனிதனாக உருவாக்கும் வரை பெற்றோருக்கான சவால்கள் இருந்து கொண்டே இருக்கும்.

MOST READ: தொழில்நுட்பங்கள் குழந்தைகளின் வளர்ச்சியை எப்படியெல்லாம் பாதிக்கிறது தெரியுமா?

கல்வி என்று வரும் போது, தார்மீக மதிப்புகளை கற்பிப்பது மட்டுமல்லாமல், தங்கள் குழந்தைகளுக்கு தரமான கல்வியை வழங்குவதும் பெற்றோரின் கடமைகளில் அடங்கும். பெற்றோர்கள் தங்கள் இளம் குழந்தைகளுக்கு ஒரு சிறந்த பள்ளியைத் தீர்மானிக்கும் போது ஒரு விரிவான தேடல் பணியை மேற்கொள்கின்றனர்.

MOST READ: தன் மகன் சிறந்த மனிதனாக வளர்வதற்கு ஒரு தந்தை கற்பிக்க வேண்டிய 4 முக்கிய விஷயங்கள்!

அந்த காரணத்திற்காக, உங்கள் குழந்தைகளை இராணுவப் பள்ளிகளுக்கு அனுப்புவதன் நன்மைகளைப் பற்றி உங்களுக்குச் சொல்லவிருக்கிறோம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
மாணவர்கள் மற்றும் ஆசிரியர்களின் சமநிலையான விகிதத்தைக் கொண்டுள்ளது

மாணவர்கள் மற்றும் ஆசிரியர்களின் சமநிலையான விகிதத்தைக் கொண்டுள்ளது

மாணவர்-ஆசிரியர் விகிதங்களில் மற்ற பள்ளிகளுக்கு சமநிலை இல்லை என்பது அல்ல. ஆனால், மற்ற பள்ளிகளுடன் ஒப்பிடும்போது இராணுவப் பள்ளிகள் சிறந்த விகிதத்தைக் கொண்டுள்ளன. இராணுவப் பள்ளிகளில் ஒரு வகுப்பின் வலிமை 15-25 போன்ற நிலையில் மட்டுமே வரையறுக்கப்பட்டுள்ளது, அதை விட அதிகமாக இல்லை. இதனால் ஆசிரியர்கள் தனிப்பட்ட மாணவர் மீது அக்கறை காட்ட முடிகிறது.

ஒழுக்கம் மற்றும் தனிப்பட்ட மதிப்புகளில் கவனம் செலுத்துகிறது

ஒழுக்கம் மற்றும் தனிப்பட்ட மதிப்புகளில் கவனம் செலுத்துகிறது

இராணுவப் பள்ளிகளில் உள்ள குழந்தைகளுக்கு ஒழுக்கம் கற்பிக்கப்படுவது மட்டுமல்லாமல், அவர்களின் அன்றாட வாழ்க்கையிலும் அதனைப் பின்பற்ற பயிற்சி செய்யப்படுகிறது. பிற பள்ளிகளும் தங்கள் மாணவர்கள் நன்கு ஒழுக்கமாக இருப்பதை உறுதி செய்கின்றன என்பது மறுப்பதற்கில்லை. இராணுவ பள்ளிகளில் இருக்கும் போது, குழந்தைகள் கடுமையான காலக்கெடுவை சந்திப்பார்கள் என்று எதிர்பார்க்கப்படுகிறது. குழந்தைகள் நேர்மையாக வளர இராணுவ பள்ளிகள் வழங்கும் சூழல் உதவுகிறது.

குழுப்பணியை ஊக்குவிக்கிறது மற்றும் தலைமைத்துவ திறன்களை உருவாக்குகிறது

குழுப்பணியை ஊக்குவிக்கிறது மற்றும் தலைமைத்துவ திறன்களை உருவாக்குகிறது

ஆயுதப்படைகள் குழுக்களாக பணியாற்ற வேண்டும் மற்றும் கடமைகளை நிறைவேற்றும் போது ஒருவருக்கொருவர் உதவ வேண்டும் என்பதால், அவர்கள் குழுவாக செயல்புரிவதில் சிறந்தவர்கள் என்று அறியப்படுகிறது. மேலும், அவர்கள் தலைமைத்துவ குணங்களை வெளிப்படுத்துவார்கள் என்று எதிர்பார்க்கப்படுகிறது. எனவே, இராணுவப் பள்ளிகளில் மாணவர்கள் குழுப்பணியையும், தலைமைத்துவத்தையும் ஊக்குவிக்கும் சூழலில் வளர்கிறார்கள். தங்கள் அணிகளை வழிநடத்தவும், எல்லைகளை பாதுகாப்பதற்காக குழு உறுப்பினர்களை ஆபத்துக்களை எடுக்க ஊக்குவிக்கவும் அவர்களுக்கு பயிற்சி அளிக்கப்படுகிறது.

உடலை கட்டுக்கோப்பாக வைத்துக் கொள்ள மாணவர்களுக்கு உதவுகிறது

உடலை கட்டுக்கோப்பாக வைத்துக் கொள்ள மாணவர்களுக்கு உதவுகிறது

எந்தவொரு இராணுவப் பள்ளியின் நோக்கமும், ஆயுதப் படைகளில் நுழைவதற்கு மாணவர்களை உடல் ரீதியாகவும், மன ரீதியாகவும் தயார்படுத்துவதாகும். எனவே, மாணவர்கள் தங்கள் உடலமைப்பை மேம்படுத்த விரிவான பயிற்சி பெறுகிறார்கள். ஹாக்கி, ரேஸ், பேட்மிட்டன், ஜிம்னாஸ்டிக்ஸ், ஸ்குவாஷ், நீச்சல் போன்ற விளையாட்டு நடவடிக்கைகளில் பங்கேற்க அவர்கள் ஊக்குவிக்கப்படுகிறார்கள். இது மாணவர்கள் வலுவாகவும் திறமையாகவும் மாற உதவுகிறது.

பல்வேறு வகையான பாடங்களை கற்றுத் தருகிறது

பல்வேறு வகையான பாடங்களை கற்றுத் தருகிறது

இராணுவப் பள்ளிகள் ஒழுக்கத்தைக் கற்பிக்கும், குழுப்பணியை ஊக்குவிக்கும் என்பதோடு மட்டுமல்லாமல் வேறு பல பாடங்களைப் படிப்பதற்கான வாய்ப்பையும் வழங்கும். இராணுவ பள்ளிகளின் பாடத்திட்டம் மற்ற பள்ளிகளிலிருந்து எங்கும் வேறுபடவில்லை. பொதுவான பள்ளிகளில் கற்பிக்கப்படும் அனைத்து பாடங்களும் இதில் உள்ளன. கூடுதலாக தனிமனித திறன்கள், மதிப்புகள், நெறிமுறைகள், மேம்பட்ட மற்றும் சமீபத்திய தொழில்நுட்பம் போன்ற கூடுதல் பாடங்களைக் கொண்டிருக்கும்.

இது தன்னம்பிக்கையை கற்பிக்கிறது

இது தன்னம்பிக்கையை கற்பிக்கிறது

இராணுவப் பள்ளிகளில் மாணவர்கள் தன்னம்பிக்கை கொண்டவர்களாக வளர்கிறார்கள். ஏறக்குறைய அனைத்து இராணுவப் பள்ளிகளும் மாணவர்களுக்கு தங்குமிட வசதிகளை வழங்குகின்றன. இது மாணவர்கள் தன்னம்பிக்கையுடன் மற்றும் சுயாதீனமாக மாற அனுமதிக்கிறது. அவர்களுக்கு வழங்கப்பட்ட சுதந்திரத்தை மதிக்கவும், அதிலிருந்து சிறந்ததைச் செய்யவும் அவர்கள் கற்பிக்கப்படுகிறார்கள். மாணவர்கள் தாங்களாகவே வாழ கற்றுக் கொள்கிறார்கள். மேலும் தங்களை நன்கு கவனித்துக் கொள்கிறார்கள்.

ஆயுதப்படைகளுக்குத் தயாராவதற்கு மாணவர்களுக்கு உதவுகிறது

ஆயுதப்படைகளுக்குத் தயாராவதற்கு மாணவர்களுக்கு உதவுகிறது

ஆயுதப் படைகளில் பணியாற்ற விரும்பும் குழந்தைகள் நிச்சயமாக இராணுவப் பள்ளிகளில் சேரலாம். இதனால் அவர்களுக்கு பலவித நன்மைகள் கிடைக்கும். இராணுவப் பள்ளிகள் மாணவர்கள் ஆயுதப்படைகளுக்கு தங்களைத் தயார்படுத்திக் கொள்ளும் சூழலை அவர்களுக்கு வழங்குகிறது. மற்றவர்களுக்கு முன்மாதிரியாக மாற தங்கள் திறனை எவ்வாறு பயன்படுத்துவது என்பது மாணவர்களுக்கு கற்பிக்கப்படுகிறது. மேலும், இராணுவப் பள்ளிகளிலிருந்து மாணவர்கள் கற்றுக்கொள்ளும் ஒழுக்கம் மற்றும் பிற வாழ்க்கைத் திறன்கள், மாணவர்களுக்கு ஆயுதப் படைகளில் நிச்சயம் ஒரு இடத்தைப் பெற உதவும்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

English summary

Wonderful Benefits Of Sending Children To Military Schools

Military schools are said to be one of the best educational institutes for growing children, especially boys. But some parents are uncertain about sending their children to military schools. In that case, these 7 benefits can come handy.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more