For Quick Alerts
ALLOW NOTIFICATIONS  
For Daily Alerts

குழந்தைகள் மீண்டும் பள்ளி செல்வதால் அவர்களுக்கு கொரோனா வராம இருக்க பெற்றோர் என்ன செய்யணும் தெரியுமா?

|

ஒன்றரை வருட தொலைதூரக் கல்விக்குப் பிறகு, குழந்தைகள் இறுதியாக வகுப்பறைக்குத் திரும்பி இருக்கிறார்கள். குழந்தைகள் பள்ளிக்கு திரும்புவதில் மிகவும் உற்சாகமாக இருக்கும்போது, டெல்டா மாறுபாடு, வழக்கமான சளி அலை மற்றும் பள்ளி வழியாக பரவக்கூடிய பொதுவான சுவாச நோய்த்தொற்றுகள் பெற்றோர்களிடையே மிகுந்த கவலையை ஏற்படுத்துகிறது.

மழைக்காலம் வேறு தொடங்கியுள்ள நிலையில் குழந்தைகளுக்கு ஏற்படும் சாதாரண சளி, காய்ச்சல் கூட பெற்றோர்களுக்கு கலக்கத்தை ஏற்படுத்தும். இந்த சூழ்நிலையில் பெற்றோர்கள் தெரிந்து கொள்ள வேண்டிய முக்கிய விஷயங்களை இந்த பதிவில் பார்க்கலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
கோவிட் -19 அல்லது சாதாரண சளி என்பதை உறுதிப்படுத்த பரிசோதனையைப் பெறுங்கள்

கோவிட் -19 அல்லது சாதாரண சளி என்பதை உறுதிப்படுத்த பரிசோதனையைப் பெறுங்கள்

சளி அல்லது கோவிட் -19 எதுவென்று கண்டறிவது மிகவும் குழப்பமான கேள்வியாக உள்ளது? குறைந்த காய்ச்சல், மூக்கு ஒழுகுதல், தொண்டை புண், தலைவலி, இருமல் மற்றும் இரைப்பை குடல் பிரச்சினைகள் உள்ளிட்ட பொதுவான ஜலதோஷம் போன்ற அறிகுறிகளுடன் குழந்தைகளுக்கு கோவிட் -19 இருக்கக்கூடும். நோய்வாய்ப்பட்ட குழந்தைக்கு எந்த அறிகுறிகள் வேண்டுமென்றாலும் இருக்கலாம் அல்லது அவை எதுவும் இருக்காது. வாசனை மற்றும் சுவை இழப்பு இளைய குழந்தைகளிடம் பொதுவாக ஏற்படுவதில்லை. பொதுவான அறிகுறி அல்லது மேல் சுவாச நோய்த்தொற்றிலிருந்து COVID-19 ஐ வேறுபடுத்தக்கூடிய ஒரு அறிகுறி கூட இல்லை.

குழந்தைகளிடம் தோன்றும் தனித்துவமான அறிகுறிகள்

குழந்தைகளிடம் தோன்றும் தனித்துவமான அறிகுறிகள்

கோவிட் -19 தொற்று உள்ள சில குழந்தைகள் மற்றும் பதின்ம வயதினரில் காணப்படும் ஒரே தனித்துவமான அறிகுறி "கோவிட் கால்விரல்கள்" அல்லது காயங்கள் போன்ற தோல் புண்கள், குறிப்பாக கால்விரல்களில். இது அரிதானது மற்றும் கோவிட் கால் இல்லாதது கொரோனா பாசிட்டிவ் இல்லை என்பதை குறிக்காது.

யார், எப்படி சோதிப்பது?

யார், எப்படி சோதிப்பது?

குழந்தைக்கு அவர்களின் அறிகுறிகள் எவ்வளவு சிறியதாக இருக்கும் மற்றும் அவர்கள் பரிசோதிக்கப்பட வேண்டுமா என்பதை மதிப்பிடுவது கடினம். ஆனால் நோயெதிர்ப்பு குறைபாடுள்ள அல்லது வயதான நபர் போன்ற அதிக ஆபத்தில் இருக்கும் ஒரு உறுப்பினர் வீட்டில் இருந்தால், குழந்தை பள்ளிக்குச் சென்றால், வெளியே விளையாடுவது அல்லது நண்பர்களை சந்திப்பது போன்ற நடவடிக்கைகளில் ஈடுபட்டால், அவர்கள் கண்டிப்பாக சோதிக்கப்பட வேண்டும். குழந்தையை விரைவாக பரிசோதிப்பது சரியான நேரத்தில் அவர்களை பாதுகாக்க உதவும்.

குழந்தைக்கு கொரோனா பாசிட்டிவ் முடிவு வந்தால் என்ன செய்ய வேண்டும்?

குழந்தைக்கு கொரோனா பாசிட்டிவ் முடிவு வந்தால் என்ன செய்ய வேண்டும்?

உங்கள் குழந்தைக்கு கொரோனா பாசிட்டிவ் முடிவு வந்தால், நீங்கள் முதலில் செய்ய வேண்டியது பீதி அடையக் கூடாது. வீட்டில் உள்ள மற்ற அனைவரும் சோதிக்கப்பட வேண்டும். குழந்தைகளுக்கு COVID-19 க்கான அங்கீகரிக்கப்பட்ட சிகிச்சைகள் இன்னும் இல்லை. அவர்கள் நீரேற்றமாக இருக்க போதுமான ஓய்வு மற்றும் ஏராளமான திரவங்களை எடுக்க வேண்டும். உங்கள் குழந்தைகளின் அறிகுறிகளைத் தொடர்ந்து கண்காணித்து, உங்கள் குழந்தை இன்னும் தீவிரமான அறிகுறிகளால் பாதிக்கப்பட்டிருந்தால் உங்கள் குழந்தை மருத்துவரிடம் தெரிவிக்கவும். திடீர் சுவாசக் கோளாறு, கடுமையான நெஞ்சு வலி, அதிக காய்ச்சல், கடுமையான வயிற்று வலி மற்றும் மூச்சுத் திணறல் போன்ற அறிகுறிகளைக் கவனியுங்கள், இது MIS-C அல்லது மல்டிசிஸ்டம் அழற்சி நோய்க்குறியின் அறிகுறியாக இருக்கலாம்.

 குழந்தைகளை பள்ளியில் பாதுகாக்க என்ன செய்ய வேண்டும்?

குழந்தைகளை பள்ளியில் பாதுகாக்க என்ன செய்ய வேண்டும்?

குழந்தைகளை மாஸ்க் அணியாமல் பள்ளிக்கு அனுப்பாதீர்கள், அதுமட்டுமின்றி அவர்களின் பேக்கில் இரண்டு மாஸ்க் எப்போதும் அதிகமாக இருக்கும்படி பார்த்துக் கொள்ளுங்கள். பள்ளிகளில் அவர்கள் தனிமனித இடைவெளியை கடைபிடிக்கிறார்களா என்பதை அடிக்கடி சோதனை செய்யுங்கள். எக்காரணம் கொண்டும் உணவு மற்றும் தண்ணீரை அவர்களை பகிர்ந்து கொள்ள அனுமதிக்காதீர்கள். அடிக்கடி கைகளைக் கழுவவும், சானிடைசரை பயன்படுத்தவும் அவர்களுக்கு பயிற்சி அளியுங்கள். ஒருவேளை அவர்களுக்கு கொரோனா அறிகுறி இருந்தால் உடனடியாக சோதனை செய்யுங்கள் மற்றும் பள்ளிக்கு செல்வதை நிறுத்துங்கள்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
English summary

Things Every Parent Needs to Know as Kids Go Back to School

Check out the important things every parent needs to know as kids go back to school.