உங்கள் குழந்தைகள் மந்தமாகவே இருக்கிறார்களா? எவ்வாறு ஊக்குவிப்பது?

நன்மைகள்

உங்கள் குழந்தைகளின் விருப்பமான விஷயங்கள் தெரிந்து கொண்டு அவர்களின் விருப்பமான துறையில் முன்னேறச் செய்யலாம்.

குழந்தைகளின் உள்ளேயே உள்ள விருப்பத்தை தெரிந்து கொள்ளலாம்.

அவர்களின் விட முயற்சியை மேன்படுத்தலாம்.

சரியான வழிகள்

உங்கள் குழந்தையை ஊக்குவிப்பதும், புகழ்வதும் மிகவும் நல்ல விஷயமாக இருந்தாலும் அவர்கள் செய்யும் தேவையற்ற விஷயங்களுக்கு நீங்கள் அவர்களை கண்டிப்பதில் தவறு இல்லை. நீங்கள் வீட்டில் புகழ்ந்தால் பள்ளியில் என்ன செய்வது என்று கவலை கொள்ளத் தேவையில்லை. ஊக்குவிக்கும் சொற்களை எங்கே உபயோகிக்க வேண்டும் என்பதை அறிந்து பயன்படுத்துங்கள். எல்லா இடங்களிலும் வேலை செய்யும் என்று முடிவு எடுக்காதீர்கள்.

குறிப்பிட்டு விளக்குங்கள்

உங்கள் குழந்தை ஒரு செயலை செய்யும் போது அந்த செயலை சுட்டிக்காட்டி விளக்கத்தைக் கொடுங்கள். நல்ல விஷயங்களைச் செய்யும் போது பாராட்டி பேசுங்கள். இந்த விஷயங்கள் செய்யும் போது அம்மாவுக்கு உன்னை மிகவும் பிடிக்கும் என்று கூறுங்கள்.

முயற்சி, செயலை பாராட்டுங்கள்

உங்கள் குழந்தை ஒரு செயலை செய்து முடித்த பிறகு அந்த செயலை செய்யச் சொன்ன செயலுக்கான காரணத்தையும் அவர்கள் செய்த முயற்சியையும் பற்றி கூறி பாராட்டுங்கள். குழ்நதைகள் ஒரு செயலிலோ அல்லது தேர்விலோ தோல்வி அடைந்து விட்டால் அதை பெரிய விஷயமாக கருதுவார்கள். அவர்கள் போதுமான அளவு முயற்சி செய்யவில்லை என்பதை சுட்டிக்காட்டி சரியான வார்த்தைகள் மூலம் ஊக்குவிப்பது பெற்றோரின் கடமையாகும்.

கட்டுப்படுத்துவதை தவிர்த்தல்

உங்கள் குழந்தைகள் செய்யும் செயலைக் கட்டுப்படுத்துவதை விட்டு விடுங்கள். அவர்கள் முதலில் செய்யட்டும் பின்பு கற்று கொடுங்கள். இவ்வாறு செய்ய வேண்டும் இப்படி செய்ய கூடாது என்று கூறுங்கள். அவர்களிடன் "நீ இன்னும் நன்றாகச் செய்வாய்" என்று கூறுங்கள். இவை அடுத்த முறை அவர்கள் செய்யும் செயலை நன்றாக செய்ய ஊக்குவிக்கும். இரண்டு வயதிற்கு மேல் குழந்தைகள் மற்றவர்களிடம் இருந்து விஷயங்களை கற்றுக் கொள்கிறார்கள். இதில் நல்லது எது கெட்டது எது என்பதை புரிந்து கொள்ளவது இல்லை. இவற்றை எடுத்து விவரிப்பது பெற்றோரின் கடமையாகும்.

ஒப்பிட்டுப் புகழை தவிர்த்தல்

உங்கள் குழந்தைகளை அடுத்தவர்களுடன் ஒப்பிடும் போது மேலும் முயற்சி செய்ய உதவிக் கூடும். ஆனால் சில நேரங்களில் தோல்வி அடையும் போது ஒப்பீடு கோவமாக மாறிவிடும். எனவே குழந்தைகளை மற்றவர்களுடன் ஒப்பிடுவதை தவிர்க்க வேண்டும்.

அதிக புகழ் தவிர்த்தல்

உங்கள் குழந்தைகளை அடிக்கடி புகழ்வதைத் தவிர்க்க வேண்டும். அவர்கள் செய்யும் சின்ன சின்ன விஷயங்களுக்குப் பாராட்டுவதைத் தவிர்ப்பது நல்லது. அதிகப்படியான புகழ் ஒவ்வொரு விஷயத்திலும் புகழை எதிர்பார்க்க கூடும். புகழ்வதை எப்போது எங்கு புகழ வேண்டும் என்று பார்த்து புகழ்வது பெற்றோரின் கடமையாகும்.