பருவ வயது பிள்ளைகளுக்கு பெற்றோர் கற்றுக்கொடுக்க வேண்டிய 7 விஷயங்கள்!

செயல் #1

வங்கியில் எப்படி பணம் சேமிப்பது. அதனால், என்ன பயன். ஆர்.டி., எப்.டி என்றால் என்ன? அதன் பயன்கள் என்ன? பணம் சேமிப்பதன் அவசியம் என பொருளாதாரம் மற்றும் சேமிப்பு குறித்து கற்றுக் கொடுங்கள்.

செயல் #2

தங்களை தாங்களே எப்படி பாதுகாப்பாக வைத்துக் கொள்ள வேண்டும் என்பதை கற்றுக் கொடுங்கள். மன ரீதியாக, உடல் ரீதியாக, ஆரோக்கியம் ரீதியாக அவர்கள் தங்களை காத்துக் கொள்ள நீங்கள் கற்றுக் கொடுக்க வேண்டியது மிகவும் அவசியம்.

செயல் #3

உடலுறவு என்றால் என்ன? எதிர் பாலின ஈர்ப்பு, அதன் மீதான பார்வை, தவறான உடலறவு எந்தெந்த தாக்கத்தை உண்டாக்கும் என்பதை குறித்து கற்றுக் கொடுக்க வேண்டும்.

செயல் #4

முடிந்த வரை இருபதுகளை தாண்டும் வரை குழந்தைகள் அதிகம் ஹோட்டல் உணவுகள் சாப்பிடாமல் பார்த்துக் கொள்ளுங்கள். நீங்கள் இல்லாத போது வீட்டிலேயே சமைத்து உண்ண குறைந்தபட்ச சமையல் நுணுக்கத்தை கற்றுக் கொடுங்கள்.

செயல் #5

குறைந்தபட்சம் சின்ன, சின்ன காயங்களுக்காவது எப்படி முதலுதவி செய்ய வேண்டும் என கற்றுக் கொடுங்கள். இது, அவர்களுக்கு இல்லையெனிலும் மற்றவர்களுக்கு உதவ பயன்படும்.

செயல் #6

பொருளாதார மேலாண்மை! பணத்தை ஒவ்வொரு செலவுக்கு எப்படி பிரித்து செலவழிக்க வேண்டும். எப்படி குடும்பத்தை நீங்கள் நடத்துகிறீர்கள், பணத்தின் அருமை மற்றும் பயன்பாடு குறித்து கற்பிக்க தவற வேண்டாம்.

செயல் #7

வீட்டு வேலைகள், வீடு துடைப்பதில் இருந்து, வீட்டை சுத்தமாக வைத்துக் கொள்வது, துணிகளை துவைப்பது, பாத்திரங்கள் கழுவுதல் என நீங்கள் இல்லாத போது வீட்டை அவர்கள் சுத்தமாக வைத்துக் கொள்ள தேவையானவற்றை கற்றுக் கொடுங்கள்.