பெற்றோரின் வாக்குவாதம் எப்படி குழந்தையின் மூளையை பாதிக்கும்?

வாக்குவாதங்களை எப்படி கையாளுவது?

குழந்தையின் முன்பு வாக்குவாதம் செய்வது பிரச்சனையல்ல. ஆனால் எப்படி செய்கிறோம் என்பது தான் அவர்கள் மனதில் தங்கி, பாதிப்பை ஏற்படுத்திவிடும். பெற்றோர்கள் ஆரோக்கியமான வாக்குவாதத்தில் ஈடுபட்டால், குழந்தையின் மூளை விஷயங்களை ஆய்வு செய்து நல்ல தீர்மானத்தை எடுக்கும்.

குழந்தையின் மூளையை வாக்குவாதங்கள் எப்படி பாதிக்கிறது?

உங்கள் துணையுடனான ஆரோக்கியமான வாக்குவாதங்களினால் உங்கள் குழந்தை புதிய விஷயங்களைக் கற்றுக் கொள்ளும். நீங்கள் உங்கள் கணவனோடு வாக்குவாதத்தில் ஈடுபடும் போது உங்கள் இருவருடனும் சேர்ந்து, உங்கள் குழந்தையின் மனதும் சிந்திக்கவும், செயல்படவும் செய்யும் என்பதை நினைவில் வைத்துக் கொள்ளுங்கள்.

குழந்தையின் முன்பு எப்படி வாக்குவாதம் செய்வது?

உங்கள் துணை புகைப்பிடிக்கும் பழக்கத்தை கைவிட வேண்டும் என்ற வாக்குவாதத்தில் நீங்கள் ஈடுபட்டால், புகைப்பிடிப்பதால் ஏற்படும் பக்க விளைவுகளை அவருக்கு புரிய வையுங்கள். அப்படி செய்யும் போது இந்த வாக்குவாதம் நல்லதற்காக தான் என உங்கள் குழந்தைப் புரிந்து கொள்ளும். அதனால் கெட்ட விஷயங்களில் இருந்து அது எப்போதுமே தள்ளி நிற்கும். மாறாக, நீங்கள் உங்கள் கணவனை பார்த்து கூச்சலிட்டு, அவருக்கு மன ரீதியான தொந்தரவை அளித்தால், உங்கள் கணவனோடு உங்கள் குழந்தையும் கூட உங்கள் பேச்சைக் கேட்காது.

உங்கள் குழந்தையின் மூளை எப்படி மாற்றமடையும்?

குழந்தையின் மூளை ஒரு ஈரமான மண்ணை போன்றது. அதனை எப்படி வேண்டுமானாலும் நாம் வடிவமைக்கலாம். அது அதற்கேற்ப உருமாறும். இனி உங்கள் குழந்தையின் மூளையை உருவாக்குவது உங்கள் கையில் தான் உள்ளது. உங்கள் குழந்தை உங்கள் நடவடிக்கைகளால் அல்லாமல், உங்கள் செயல்களால் தான் கற்றுக் கொள்கிறார்கள். உங்களை அவர்கள் எப்போதும் பார்த்தபடியே வளர்கிறார்கள். அதனால் தெரிந்தோ தெரியாமலோ அவர்களின் மூளையை நீங்கள் தான் உருமாற்றுகிறீர்கள்.

கெட்ட அல்லது ஆரோக்கியமற்ற வாக்குவாதங்கள்

மோசமான ஒரு சண்டையோ அல்லது ஆரோக்கியமற்ற ஒரு வாக்குவாதமோ உங்கள் குழந்தையின் மூளையை மாற்றும். நீங்கள் நல்ல பெற்றோராக இருந்தாலும் கூட, உங்களை அறியாமலேயே அப்பழுக்கற்ற சிந்தனையோடு உள்ள உங்கள் குழந்தையின் மூளையை மிகவும் மூர்கத்தனமாக மாற்றிவிடக் கூடும். உங்கள் குழந்தையின் எண்ணங்கள் ஆரோக்கியமற்றதாகவும், நாகரீகமற்றதாகவும் உருமாறக்கூடும். அவர்கள் எப்போதும் எதிர்மறையாகவே சிந்திக்க தொடங்குவார்கள். அதற்கேற்ப அவர்களின் மூளை உருமாறியிருக்கும்.

பதற்றம் அல்லது மன அழுத்தம் ஏற்படக் கூடிய இடர்பாடு

பயமுறுத்தப்பட்ட குழந்தை வளர்ந்து பெரியவன் ஆனாலும் கூட எப்போதுமே பதற்றம், பயம் மற்றும் மன அழுத்தம் கொண்டவனாக மாறிவிடும். ஆரோக்கியமற்ற வாக்குவாதங்கள் தலைகீழ் பாதிப்பையும் ஏற்படுத்தலாம். உங்கள் குழந்தை மிகவும் மூர்க்கத்தனமாக, பொறுமையற்று, எளிதில் கோபப்படக்கூடிய மற்றும் மரியாதையற்ற குழந்தையாக எளிதில் மாறக்கூடும்.

உங்கள் குழந்தைக்கு காரணங்கள் தேவை

உங்கள் கணவன் நல்லவராக மாற அவருடன் வாக்குவாதத்தில் ஈடுபட்டால், அதை அவர் புரிந்து கொள்ளும் வகையில் சரியான வழியில் இருக்க வேண்டும். கோபப்படாமல் காரணங்களை எடுத்துக் கூறி, ஆரோக்கியமான கலந்துரையாடலாக மாற்றுங்கள். உங்களை உங்கள் குழந்தை கவனிக்கிறது என்பதை மறந்து விடாதீர்கள். உங்கள் வாக்குவாதங்களுக்கான காரணங்களையும், அவர்கள் கவனிக்கிறார்கள் என்பதையும் மறந்து விடாதீர்கள்.

உங்கள் குழந்தையை சந்தோஷமான குழந்தையாக்குங்கள்

தவறாக உருமாறிய பிறகு, வளர்ந்த ஒருவரின் மூளையை மாற்றுவது எளிதல்ல. இதற்கு நாம் பெற்றோரை தான் குறைக் கூற வேண்டும். அதனால் உங்கள் துணையுடனான உங்கள் வாக்குவாதங்களை ஆரோக்கியமானதாக மாற்ற வேண்டியது மிகவும் முக்கியமாகும். இதனால் உங்கள் குழந்தையின் மூளையும் நல்ல வழியில் உருமாறும். இது அவர்கள் வளர்ந்த பிறகு, அவர்களை அறிவாளியாகவும் சந்தோஷமானவர்களாகவும் மாற்றும்.