இயற்கையாக உங்கள் செல்ல குழந்தையின் சருமத்தை வெள்ளையாக்குவது எப்படி?

டிப்ஸ் #1

தினமும் குழந்தையின் சருமத்தை ஆலிவ் ஆயில் பயன்படுத்தி மசாஜ் செய்து விடலாம். அதுவும் ஆலிவ் ஆயில் வெதுவெதுப்பாக சூடேற்றி, அதனைக் கொண்டு குழந்தைக்கு மசாஜ் செய்து விட்டால், அவர்களின் சருமம் மென்மையாவதோடு, நாளடைவில் சருமத்தின் நிறமும் மேம்படும்.

டிப்ஸ் #2

உங்கள் குழந்தைக்கு ஆரஞ்சு ஜூஸ், ஆப்பிள் ஜூஸ் மற்றும் திராட்சை ஜூஸ் கொடுக்கலாம். இதனால் அவர்களின் உடல்நலம் ஆரோக்கியமாக இருப்பதோடு, சருமத்தின் நிறமும் மேம்படும்.

டிப்ஸ் #3

ரோஸ் வாட்டர், பால் மற்றும் கடலை மாவு ஆகியவற்றை ஒன்றாக கலந்து, உங்கள் செல்ல குழந்தையில் உடல் முழுவதும் தேய்த்து குளிப்பாட்டினால், இயற்கையாக சருமத்தின் நிறம் அதிகரிக்கும்.

டிப்ஸ் #4

குழந்தை கருப்பாகிவிடும் என்று அவர்களை வெயிலில் காண்பிக்காமலேயே வைக்காதீர்கள். இதனால் அவர்களுக்கு வைட்டமின் டி குறைபாடு ஏற்படும். எனவே அதிகாலையில் குழந்தையை இதமான வெயிலில் அழைத்துச் செல்வதோடு, மற்ற நேரங்களில் குழந்தையை வெயிலில் சுற்ற அனுமதிக்காதீர்கள். இதனால் அதிகப்படியான சூரியக்கதிர்கள் சருமத்தில் பட்டு, சருமம் கருமையடையும்.

டிப்ஸ் #5

கண்ட சோப்புக்கள் பயன்படுத்துவதை நிறுத்திவிட்டு, அவர்களின் சருமத்தை சுத்தம் செய்ய பால் அல்லது ரோஸ் வாட்டர் பயன்படுத்துங்கள். வேண்டுமானால், மருத்துவர் பரிந்துரைத்த மைல்டு சோப்புக்களைப் பயன்படுத்தலாம்.

டிப்ஸ் #6

1 டீஸ்பூன் சந்தனப் பொடியில், சிறிது பால் மற்றும் 1/2 டீஸ்பூன் மஞ்சள் தூள் சேர்த்து கலந்து பேஸ்ட் செய்து, உடல் முழுவதும் தடவி 10-15 நிமிடம் கழித்து குளிப்பாட்டவும். இப்படி செய்வதன் மூலம், மஞ்சள் தூள் நோய்த்தொற்றுக்களைத் தடுக்கும், பால் சருமத்தை ஈரப்பசையுடன் வைக்கும் மற்றும் சந்தனப் பொடி சருமத்தை மென்மையாகவும், வெள்ளையாகவும் வைத்துக் கொள்ளும்.

டிப்ஸ் #7

குழந்தையை எப்போதும் சுடுநீரில் குளிப்பாட்டாதீர்கள். இதனால் அவர்களது சருமம் மிகுந்த வறட்சிக்கு உள்ளாகும். வேண்டுமானால், வெதுவெதுப்பான நிலையில் உள்ள நீரில் குளிப்பாட்டுங்கள்.