கோடை மழையில் குழந்தைகளுக்காக பின்பற்ற வேண்டிய பாதுகாப்பு நடவடிக்கைகள்..

சாதாரண நாட்களை விட மழைக்காலங்களின் போது உங்கள் குழந்தைகளுக்கு நோய் தொற்றுகள் ஏற்படும் அபாயம் அதிக அளவில் இருக்கின்றது. எனவே உங்களது குழந்தைகளுக்கு பாதுகாத்துக் கொள்ள தேவையான முன்னெச்சரிக்கை நடவடிக்கைகளை எடுப்பது உங்களது பொறுப்பாகும். அந்த வகையில் மழைக்காலங்களின் போது குழந்தைகளை பாதுகாக்க என்னென்ன விதமான முன்னெச்சரிக்கை நடவடிக்கைகளை எடுக்க வேண்டும்?..கோடை மழையிலிருந்து குழந்தைகளைப் பாதுகாப்பது எப்படி? என்பது குறித்து இந்த பதிவில் தெரிந்துக் கொள்ளலாம் வாங்க...

பாதுகாப்பு

மழையின் போது பாதுகாப்பு முன்னெச்சரிக்கைகள், வழுக்கும் மேற்பரப்புகளைத் தவிர்ப்பது, வடிகால் அல்லது வெள்ளம் சூழ்ந்த பகுதிகளுக்கு அருகில் விளையாடாமல் இருப்பது மற்றும் மின் சாதனங்களிலிருந்து விலகி இருப்பது போன்றவற்றை அவர்களுக்கு நினைவூட்டுங்கள். மழைக்காலங்களில் கொசுக்களின் தொல்லை, நீர் மூலம் பரவும் நோய்கள், காய்ச்சல் போன்ற பல்வேறு விதமான பிரச்சனைகள் ஏற்படலாம். எனவே இந்த காலகட்டங்களில் குழந்தைகளை மிகவும் பாதுகாப்பாக கவனித்துக் கொள்வது அவசியம்.

மழைக்கு போடும் உபகரணங்களை வழங்கவும்

நீர் புகாத ஜாக்கெட்டுகள், பேன்ட்கள் மற்றும் பூட்ஸ் போன்ற பொருத்தமான மழைக்கு தேவையானதை வாங்கி வைக்கவும் முக்கியமாக குழந்தைகளுக்கு பொருந்துவதாக பார்த்து வாங்கிக் கொள்ளவும்..

குடைகள்

குடைகளை சரியாகப் பயன்படுத்துவது எப்படி என்று குழந்தைகளுக்கு கற்றுக் கொடுங்கள். பளிச்சென்று உள்ள வண்ணங்கள் அல்லது அவர்களுக்குப் பிடித்த கதாபாத்திரங்களுடன் குழந்தைகளுக்காக வடிவமைக்கப்பட்ட உறுதியான குடைகளை வாங்கிக் கொள்ளுங்கள்...

வீட்டிற்குள் விளையாட திட்டமிடுங்கள்

மழை நாட்களுக்குத் தயாராக உள்ள வீட்டிற்குள் விளையாடும் பொருட்களை எடுத்து வையுங்கள்... இது பலகை விளையாட்டுகள், உட்புற கைவினைப்பொருட்கள், pஉத்தகம் படிப்பது, வண்ணம் தீட்டுதல், பேக்கிங் அல்லது டிவி ஆகியன இருக்கலாம்..

தகவலுடன் இருங்கள்

வானிலை முன்னறிவிப்புகளைக் கவனியுங்கள். இடியுடன் கூடிய மழையோ அல்லது கனமழையோ எதிர்பார்க்கப்பட்டால், குழந்தைகளின் பாதுகாப்பிற்காக அவர்களை வீட்டுக்குள்ளேயே வைத்திருப்பது நல்லது. தேவையான உணவு, தண்ணீர், விளையாட்டு சாதனம், ஆகிவற்றை எடுத்து வைத்துக் கொள்வது நல்லது..

படைப்பாற்றலை ஊக்குவிக்கவும்

மழை நாட்கள் படைப்பாற்றலை ஊக்குவிக்கும். அவர்களுக்கு கலைப் பொருட்களை வழங்கவும், மழை சார்ந்த கலைப்படைப்புகளை உருவாக்கவும் அல்லது மழைக்கால சாகசங்களைப் பற்றிய கதைகளை எழுதவும் குழந்தைகளை ஊக்குவிக்கவும்.

குளிரில் இருந்து பாதுகாத்தல்

போர்வைகள், தலையணைகள் மற்றும் தாள்களால் ஆன கூடாரம் ஆகியவற்றைக் கொண்டு அவர்களைன் உடலை சூடாக வைத்திருக்கவும். கதைகளைச் சொல்லி தூங்க வைக்கலாம். ஸ்வட்டர், ஃபுல் ஜாக்கெட் போட்டு குளிராமல் பார்த்துக் கொள்ளலாம்.

மழை பற்றி கூறுதல்

குளம், குட்டை, ஆறுகள், நீர் சுழற்சி, தாவரங்கள் மற்றும் சுற்றுச்சூழலுக்கு மழையின் முக்கியத்துவம் பற்றி குழந்தைகளுக்கு கற்பிக்க வேண்டும். மழை நாட்களை வாய்ப்புகளாக பயன்படுத்த என்னவெல்லாம் செய்யலாம் என கூற வேண்டும்.. மழை நீர் எவ்வளவு முக்கியமானது என்பதை குழந்தைகளுக்கு உணர்த்த வேண்டும்..

கோடை மழையிலிருந்து குழந்தைகளைப் பாதுகாப்பது, வானிலையின் கணிக்க முடியாத நிலை இருந்தபோதிலும் அவர்கள் பாதுகாப்பாகவும், வசதியாகவும், பொழுதுபோக்காகவும் இருப்பதை உறுதிசெய்துக் கொள்ளுங்கள். மழை நாட்களைப் பற்றிய நேர்மறையான அணுகுமுறையை குழந்திகளுக்கு சொல்லிக்கொடுங்கள். மழை ஒரு தடையாக இல்லாமல், உற்சாகமாகவும் புத்துணர்ச்சியுடனும் இருக்கும் என்பதை குழந்தைகளுக்குக் காட்டுங்கள்.

இயற்கையின் அழகையும், வீட்டிற்குள் ஒன்றாக நல்ல நேரத்தை செலவிடுவதன் மகிழ்ச்சியையும் அவர்களுக்கு வலியுறுத்துங்கள். இந்த குறிப்புகளைப் பின்பற்றுவதன் மூலம், உங்கள் குழந்தைகளை கோடை மழையிலிருந்து பாதுகாக்கலாம்.