உண்மையிலேயே தக்காளி விந்தணு உற்பத்தியையும், அதன் தரத்தையும் அதிகரிக்குமா?

ஆய்வு

சமீபத்திய ஆய்வில், தக்காளில் உள்ள லைகோபைன் என்னும் நிறமிப் பொருள், ஆண்களுக்கு 70 சதவீதம் விந்தணுவின் எண்ணிக்கை அதிகரிக்க உதவுகிறதாக தெரிய வந்துள்ளது.

ஆன்டி-ஆக்ஸிடன்ட்டுகள்

ஆண்கள் இந்த தக்காளியை அன்றாடம் உணவில் சேர்த்து வந்தால், தக்காளியில் உள்ள சக்தி வாய்ந்த ஆன்டி-ஆக்ஸிடன்ட்டுகளால், விந்தணுக்களுக்கு பாதிப்பு ஏதும் நேராமல், அதன் தரம் அதிகரிப்பதாக, அதே ஆய்வில் தெரிய வந்தது.

லைகோபைன்

மேலும் தக்காளில் உள்ள லைகோபைன் என்னும் சக்தி வாய்ந்த ஆன்டி-ஆக்ஸிடன்ட், விந்தணுவின் தரத்தை அதிகரிப்பதோடு, டிஎன்ஏ பாதிக்கப்படுவதைக் குறைத்து, முதிர்ச்சியான விந்து செல்களின் எண்ணிக்கையை அதிகரித்து, ஒரு ஆணின் இனப்பெருக்க சக்தியை அதிகரிப்பதாகவும், அந்த ஆய்வு கூறுகிறது.

ஆண் இனப்பெருக்க பிரச்சனை

இன்றைய ஆண்கள் இனப்பெருக்க பிரச்சனையை அதிகம் சந்திக்கிறார்கள். இதனால் தன் துணைக்கு ஒரு குழந்தையைக் கொடுக்க முடியாமல் இருக்கின்றனர். ஆனால் இந்த தக்காளியை அன்றாடம் உட்கொண்டு வருவதன் மூலம், அதில் உள்ள லைகோபைன், ஆண் இனப்பெருக்க பிரச்சனைகளைத் தடுத்து, விந்தணுவின் எண்ணிக்கையையும், தரமும் அதிகரிக்கும்.

இதயத்திற்கு நல்லது

தக்காளி ஆண் இனப்பெருக்க மண்டலத்திற்கு மட்டும் நல்லதல்ல, இதயத்திற்கும் நல்லது. குறிப்பாக ஆண்களுக்கு தான் இதய பிரச்சனைகள் வேகமாக வருகிறது. ஆகவே ஆண்கள் தக்காளியை அன்றாட உணவில் தவறாமல் சேர்த்து வந்தால், இதய நோய்கள் வருவதைத் தடுக்கலாம்.

புரோஸ்டேட் புற்றுநோய்

ஆண்கள் தக்காளியை தினமும் உட்கொண்டு வந்தால், அவர்களுக்கு புரோஸ்டேட் புற்றுநோய் வரும் அபாயம் 20 சதவீதம் குறைவதாக, இங்கிலாந்தில் மேற்கொள்ளப்பட்ட ஆய்வில் தெரிய வந்துள்ளது.