மோனாலிசா ஓவியத்தில் இருக்கும் பெண் மோனாலிசாவே இல்லையாம்...ஆறு குழந்தைக்கு தாயான இந்த பெண்ணின் பெயர் இதுதானாம்!

உலகில் பெரும்பாலான மக்களுக்கு பரிட்சயமான புகழ்பெற்ற வெகுசில ஓவியங்களில் முதலிடத்தில் இருப்பது மோனாலிசா ஓவியம்தான். பெரும்பாலான மக்கள் தங்கள் வாழ்நாளில் ஒரு முறையாவது இந்த ஓவியத்தை பார்த்திருப்பார்கள். அந்த அளவிற்கு இந்த ஓவியம் பிரபலமானது. உலகம் முழுவதும் இருந்து கிட்டதட்ட 1 கோடி மக்கள் ஆண்டுதோறும் இந்த ஓவியத்தை பார்க்க வருகின்றனர்.

மோனலிசா ஓவியத்தை சுற்றி எண்ணற்ற மர்மங்களும், கோட்பாடுகளும் உள்ளன. இந்த ஓவியத்தை அடிப்படையாக வைத்து பல நாவல்களும், ஹாலிவுட் திரைப்படங்களும் உருவாக்கப்பட்டுள்ளன. மோனலிசா ஓவியத்தைப் பற்றிய அனைத்து தகவல்களும் பெரும்பாலும் அந்த ஓவியத்தைச் சுற்றியே இருக்கிறது. ஆனால் அந்த ஓவியத்தில் இருக்கும் பெண்ணைப் பற்றி யாருமே கவலைப்பட்டதாக தெரியவில்லை.

மோனலிசா ஓவியத்தில் இருக்கும் அந்த பெண் யார், அவரின் உண்மையான பெயர் என்ன, அவரை ஏன் டாவின்சி ஓவியமாக வரைந்தார், அந்த பெண்ணின் வரலாறு என்ன போன்ற கேள்விகளுக்கு பதில் தெரியவில்லை என்பதை விட பெரும்பாலான மக்களுக்கு இந்த கேள்வியே எழவில்லை என்பது துரதிர்ஷ்டவசமானது. இந்த கேள்விகளுக்கான பதிலை இந்த பதிவில் தெரிந்து கொள்ளலாம்.

யார் இந்த மோனலிசா?

மோனலிசா ஓவியத்தில் இருக்கும் பெண் யார் என்பதற்கு வரலாற்று ஆசிரியர்கள் பல பதில்களைக் கூறுகின்றனர். அதில் மிகவும் பொதுவான பதில் என்னவென்றால் மோனாலிசா என்பது நிஜ வாழ்க்கை லிசா கெரார்டினியின் உருவப்படம் ஆகும், அவர் ஜூன் 15, 1479 அன்று, புளோரன்ஸ் குடியரசின் வயா மாகியோவில் பிறந்தார்.

லிசா பண்டைய புளோரன்ஸ் குடியரசின் கெரார்டினி வம்சத்தில் பிறந்தவர். பல நூற்றாண்டுகளாக செல்வாக்கான குடும்பமாக இருந்த அவரது குடும்பம் அவரது காலத்தில் செல்வாக்கை இழந்தாலும் வசதியான குடும்பமாக இருந்தது.

திருமண வாழ்க்கை

Antonmaria di Noldo Gherardini மற்றும் Lucrezia del Caccia ஆகியோரின் மகளாக பிறந்த அவருக்கு, அவர் தனது தந்தைவழி தாத்தாவின் மனைவிகளில் ஒருவரின் பெயர் வைக்கப்பட்டது.

15 வயதில், அவர் ஒரு பழைய புளோரன்டைன் துணி வியாபாரியை மணந்தார். அவருக்கு குழந்தைகள் பிறந்தவுடன் திருமண வாழ்க்கை மோசமாகியது. லிசா கெரார்டினி தனது ஆறு குழந்தைகளில் நான்கு குழந்தைகளை குழந்தை பருவத்திலேயே இழக்க நேரிட்டது.

டிசம்பர் 1502 இல், அவர்களின் இரண்டாவது மகன் ஆண்ட்ரியாவின் பிறப்பைக் கொண்டாட டாவின்சியை நியமித்ததாகக் கூறப்படுகிறது. லியோனார்டோ டா வின்சி 1503 மற்றும் 1506 க்கு இடைப்பட்ட காலத்தில் அவரை விட 26 வயது இளைய லிசா கெரார்டினி உருவப்படத்தை வரைந்தார். எனவே இந்த ஓவியம் வரையப்பட்ட போது லிசாவுக்கு 24 வயது இருக்கும். இருப்பினும், இந்த உருவப்படம் 1513 மற்றும் 1516 க்கு இடையில் லிசா கெரார்டினியின் 34 வயதில் சித்தரிக்கப்பட்டதாக மற்ற ஆதாரங்கள் கூறுகின்றன.

பிற கருத்துக்கள்

மோனாலிசா ஒரு உண்மையான நபர் அல்ல, மாறாக லியோனார்டோ டா வின்சியின் கற்பனையின் உருவம் அல்லது பல பெண்களைக் குறிக்கும் உருவப்படம் என்று சிலர் நம்புகிறார்கள். மற்றவர்கள் இது லியோனார்டோ டா வின்சியின் சுய உருவப்படம் என்று நம்புகிறார்கள்.

புகழ்பெற்ற நுட்பமான புன்னகையுடன் ஓவியத்தில் இருப்பவர் யார் என்பது பற்றிய கோட்பாடுகள் இருந்தாலும், லிசா கெரார்டினி . உலகின் மிகவும் பிரபலமான ஓவியங்களில் ஒன்றாபற்றிய தகவலே உண்மை என்று கூறுகிறது மாறியுள்ள இந்த கலைப்படைப்பு பாரிஸில் உள்ள லூவ்ரே அருங்காட்சியகத்தில் 1804 முதல் காணப்படுகிறது.

ஏன் மோனலிசா ஓவியத்தில் புருவம் வரையப்படவில்லை?

மோனாலிசா உண்மையில் ஓவியத்தில் காண முடியாத புருவங்களைக் கொண்டுள்ளது. இந்த ஓவியத்தை ஆழமாக ஆய்வு செய்த Pascal Cotte என்ற பாரிசியன் பொறியாளர், அந்த ஓவியத்தில் இருக்கும் பெண்ணுக்கு ஒரு கட்டத்தில் கண் இமைகள் மற்றும் புருவங்கள் இரண்டும் இருந்ததாகவும் ஆனால் காலப்போக்கில் அவை கண்ணுக்கு தெரியாததாகிவிட்டதாகவும் கூறினார். அந்த ஓவியத்தில் நிகழ்த்தப்பட்ட 240 மெகாபிக்சல் ஸ்கேன்கள் அவரது இடது புருவம் இருந்ததற்கான தடயங்களைக் காட்டுவதாக கோட்டே கூறினார்.

லிசா கெரார்டினி மரணம்

இந்த உருவப்படம் 1519 இல் பிரான்சிஸ் I ஆல் கையகப்படுத்தப்பட்டது. லியோனார்டோ டா வின்சியின் மரணம் வரை அவர் டாவின்சியின் நண்பராகவும் பாதுகாவலராகவும் இருந்தார். லிசா கெரார்டினி 15 ஜூலை 1542 அன்று 63 வயதில் இறந்ததாக சில ஆவணங்கள் தெரிவிக்கின்றன. டா வின்சியின் மாடல் 1551 ஆம் ஆண்டு வரை அவர் 71 வயது வரை வாழ்ந்திருக்கலாம் என்று மற்ற நிபுணர்கள் கூறுகிறார்கள். அவர் எப்போது இறந்திருந்தாலும் உலகம் அழியும் வரை இந்த அழகி ஓவியத்தில் வாழ்ந்து கொண்டுதான் இருப்பார்.