தமிழ்நாட்டில் தேர்தல் களத்தை மாற்றப்போகும் ஸ்டார் வேட்பாளர்களும் அவர்களின் தொகுதிகளும்

Tamil Nadu Election 2026: தமிழ்நாட்டில் நடைபெறப்போகும் தேர்தல் தற்போது இந்தியா முழுவதும் உன்னிப்பாக கவனிக்கப்படுகிறது. ஏப்ரல் 23 ஆம் தேதி நடைபெறப்போகும் சட்டமன்ற தேர்தலுக்காக அனைத்து கட்சியினரும் தற்போது சூறாவளி பிரச்சாரத்தில் ஈடுபட்டு வருகின்றனர். நான்கு முனைத் தேர்தலாக நடைபெற உள்ள தேர்தலில் யார் வெற்றி பெறுவார்கள் என்ற எதிர்பார்ப்பு அனைவரிடமும் உள்ளது.

தமிழ்நாடு தேர்தல் மற்ற மாநிலங்களில் நடைபெறும் தேர்தலிலிருந்து தனித்துவமாக்குவது என்னவென்றால், இந்த போட்டியில் களமிறங்கியுள்ள தலைவர்களும், நடிகர்களும்தான். யாருக்கு வெற்றி கிடைக்கும் என்று கணிக்க முடியாத சூழலில் நட்சத்திர வேட்பாளர்களின் பிரச்சாரம்தான் இந்த தேர்தலின் போக்கை மாற்றும் சக்தியாக உள்ளது. இந்த நட்சத்திர வேட்பாளர்கள் வெறும் போட்டியிடுபவர்களாக மட்டுமல்லாமல், தேர்தல் பிரச்சாரத்தின் திசையையே தீர்மானிப்பவர்களாகவும் விளங்குகின்றனர். இந்த பதிவில் 2026 சட்டமன்ற தேர்தலின் போக்கை மாற்றப்போகும் நட்சத்திர வேட்பாளர்கள் யாரென்று தெரிந்து கொள்ளலாம்.

மு.க. ஸ்டாலின்

தற்போதைய முதலமைச்சராகப் பொறுப்பு வகிக்கும் ஸ்டாலின், தனது அரசியல் கோட்டையான கொளத்தூர் தொகுதியிலில் இந்த தேர்தலில் போட்டியிடுகிறார். இந்த தொகுதியில் அவர் பல முறை மிக எளிதாகக் வெற்றி பெற்றுள்ளார். நலத்திட்டங்கள், உள்கட்டமைப்பு மேம்பாட்டு முயற்சிகள் மற்றும் நிர்வாகத் தொடர்ச்சி ஆகியவற்றை மையமாகக் கொண்டே அவரது தேர்தல் பிரச்சாரம் முன்னெடுக்கப்படுகிறது. இதன் மூலம், வார்பொகும் ஒட்டுமொத்தத் தேர்தல் களத்தின் மையப்புள்ளியாக ஸ்டாலின் திகழ்கிறார்.

உதயநிதி ஸ்டாலின்

உதயநிதி ஸ்டாலின், திமுகவின் அடுத்த தலைமுறைத் தலைவராகவும், மாநிலம் முழுவதும் நடைபெறும் தேர்தல் பிரச்சாரங்களில் முக்கியமான வேட்பாளராகவும் திகழ்கிறார். சென்னையின் முக்கியத்துவம் வாய்ந்த ஒரு தொகுதியில் போட்டியிடும் இவர், அரசியலையும் கலாச்சாரச் செயல்பாடுகளையும் ஒருங்கிணைக்கும் தலைவராக முன்னிறுத்தப்படுகிறார். கடந்த தேர்தலில் இவரது பிரச்சாரம் திமுக-வின் வெற்றியை நிற்னயிப்பதாக இருந்தது.

எடப்பாடி கே. பழனிசாமி

இந்த தேர்தலுக்கு முதன் முதலாக பிரச்சாரத்தைத் தொடங்கியது எதிர்க்கட்சி தலைவர் எடப்பாடி பழனிசாமிதான். அதிமுக தலைவரும் எதிர்க்கட்சித் தலைவருமான இவர், திமுகவுக்கு எதிரான தேசிய ஜனநாயகக் கூட்டணியின் சவாலில் முக்கியப் பங்கு வகிக்கிறார். தனது சொந்தத் தொகுதியில் போட்டியிடும் பழனிசாமி, ஆட்சிக்கு எதிரான மனநிலையை ஒருங்கிணைக்கவும், கட்சிக்குள் ஏற்பட்ட உட்கட்சிப் பிளவுகளுக்குப் பிறகு கட்சிக்குப் புத்துயிர் அளிக்கவும் முயன்று வருகிறார். அவரது பிரச்சாரம் அரசியல் களத்தில் மிகவும் முக்கியமானதாக உள்ளது.

ஜோசப் விஜய்

பெரம்பூர் மற்றும் திருச்சி கிழக்கு என இரண்டு தொகுதிகளில் போட்டியிடும் நடிகர் விஜய்யின் அரசியல் பிரவேசம், தமிழ்நாட்டின் அரசியல் போக்கையே மாற்றியுள்ளது. குறிப்பாக இளைஞர்கள் மத்தியில் அவர் கொண்டுள்ள பிரம்மாண்டமான ரசிகர் பட்டாளத்தின் காரணமாக, அரசியலில் அவரது வருகை மாற்றியமைத்துள்ளது. தேர்தலில் அவரது செயல்பாடு, தமிழ்நாட்டின் அரசியல் களத்தையே மறுவடிவமைக்கக்கூடும்.

சீமான்

காரைக்குடியில் களமிறங்கும் நாம் தமிழர் கட்சியின் தலைமை ஒருங்கிணைப்பாளர் சீமான் தமிழ் அடையாளம், சுற்றுச்சூழல் பாதுகாப்பு மற்றும் ஆளும் அமைப்புகளுக்கு எதிரான விமர்சனங்கள் ஆகியவற்றை மையமாகக் கொண்டு இந்த தேர்தலை எதிர்கொள்கிறார். தேர்தல்களத்தில் 'அடையாள அரசியல்' என்பது ஒரு முக்கியப் புள்ளியாக தொடர்ந்து வெளிப்படுவதை, சீமானின் இருப்பு உறுதி செய்கிறது.

அன்புமணி ராமதாஸ்

பா.ம.க-வின் முக்கிய முகமாகவும், தேசிய ஜனநாயகக் கூட்டணியின் (NDA) முக்கிய உறுப்பினராகவும் திகழும் அன்புமணி ராமதாஸ், வட தமிழகத்தில் செல்வாக்குமிக்க தலைவராக கணிசமான செல்வாக்கைக் கொண்டுள்ளார். இவரது தேர்தல் பிரச்சாரங்கள் பெரும்பாலும் திமுக-வை கடுமையாக விமர்சித்தே முன்னெடுக்கப்படும். அதிமுகவை விட திமுகவை விமர்சிக்கும் அன்புமணி ராமதாஸ் இந்த தேர்தலில் போட்டியிட விட்டாலும் அவரது பிரச்சாரம் வடதமிழகத்தில் குறிப்பிட்ட தாக்கத்தை ஏற்படுத்தும்.

தமிழிசை சௌந்தரராஜன்

பாஜகவின் மூத்த தலைவரும் முன்னாள் ஆளுநருமான தமிழிசை, சென்னையின் முக்கியத் தொகுதியான மயிலாப்பூரில் போட்டியிடுகிறார். நகர்ப்புறங்களில் தனது செல்வாக்கை வலுப்படுத்துவதற்கும், பரவலாக அறியப்பட்ட முகங்களை முன்னிறுத்துவதற்கும் பாஜக அவரை வேட்பாளராக அறிவித்துள்ளது. திமுகவின் அரசியல் பரப்புரைகளைத் தீவிரமாக எதிர்கொண்டு வரும் இவர், சென்னையின் அரசியல் களத்தில் முக்கிய திருப்புமுனையாக இருப்பார்கள் என்று எதிர்பார்க்கப்படுகிறது.

வானதி சீனிவாசன்

பாஜக தனது செல்வாக்கை விரிவுபடுத்த முயன்று வரும் கொங்குப் பகுதியில், அக்கட்சியின் மிகவும் பிரபலமான முகங்களில் ஒருவராக வானதி சீனிவாசன் திகழ்கிறார். தனது கட்சிசார் அமைப்புப் பணிகள் மற்றும் கடந்தகாலத் தேர்தல் வெற்றிகளுக்காக அறியப்படும் இவர், இப்பகுதியில் வேட்பாளராகவும், அதே வேளையில் முக்கிய தேர்தல் பிரச்சார வியூக வகுப்பாளராகவும் சுறுசுறுப்பாக அரசியல் களத்தில் செயல்பட்டு வருகிறார்.

எல். முருகன்

மத்திய இணை அமைச்சர் எல். முருகன், பாஜகவின் ஒரு முக்கிய முகமாகத் திகழ்வதுடன், கட்சியின் வெற்றியை உறுதி செய்வதில் முக்கியப் பங்காற்றுவார் என்றும் எதிர்பார்க்கப்படுகிறது. நகர்ப்புறப் பகுதிகளைத் தாண்டி கட்சியை பரப்பவும், விளிம்புநிலைச் சமூகங்களிடையே ஆதரவை ஈட்டவும் பாஜக இவரை தேர்தல் களத்தில் இறக்கியுள்ளது.