42000 கோடி மதிப்புள்ள கார் கலெக்ஷனை வைத்திருக்கும் புருனே சுல்தான்... இதில் என்னென்ன கார்கள் இருக்கு தெரியுமா?

தென்கிழக்கு ஆசிய நாடுகளுடனான இந்தியாவின் உறவை வலுப்படுத்தும் நோக்கில், பிரதமர் நரேந்திர மோடி தற்போது புருனே மற்றும் சிங்கப்பூர் ஆகிய நாடுகளுக்கு பயணம் செய்துள்ளார். அவர் முதலில் செல்லும் நாடு புருனே ஆகும், அங்கு அவர் நாட்டின் மன்னர் சுல்தான் ஹாஜி ஹசனல் போல்கியாவுடன் அவரது ஆடம்பரமான அரண்மனையில் ஒரு சந்திப்பை நடத்தினார்.

புருனேயின் சுல்தான், மனித வரலாற்றில் இரண்டாவது நீண்ட காலம் ஆட்சி செய்த மன்னராவார், அவர் தனது ஆடம்பரமான வாழ்க்கை முறைக்கு பெயர் பெற்றவர். உலகின் மிகப்பெரிய தனியார் கார் சேகரிப்பு அவரது ஆடம்பர உடைமைகளில் ஒன்றாகும். $5 பில்லியன் மதிப்புள்ள அவரது சேகரிப்பில் 7,000 சொகுசு கார்கள் உள்ளன என்று தெரிவிக்கப்பட்டுள்ளது. இதன் இந்திய மதிப்பு கிட்டதட்ட 42,000 கோடியாகும்.

ஹசனலின் சகோதரர் ஜெஃப்ரி போல்கியா (இளவரசர் ஜெஃப்ரி என்றும் அழைக்கப்படுகிறார்) மற்றும் அரச குடும்பத்தின் பிற உறுப்பினர்களின் உதவியுடன் இந்த கார் கலெக்ஷன் ஒன்று சேர்க்கப்பட்டது. அவர் வைத்திருக்கும் ஒவ்வொரு காரைப் பற்றியும் பேச இயலாது என்பதால், தேர்ந்தெடுக்கப்பட்ட சில சொகுசு வாகனங்களைப் பற்றி இந்த பதிவில் தெரிந்து கொள்ளலாம்.

பென்ட்லீ கார்கள்

சுல்தானின் கார் சேகரிப்பில் சுமார் $80 மில்லியன் மதிப்புள்ள கிளாசிக் பென்ட்லீஸ் 1980கள் மற்றும் 1990 வருடத்தை சேர்ந்த கார்கள் அடங்கும், பெரும்பாலும் அஸூர் மற்றும் கான்டினென்டல் மாடல்கள் இதில் உள்ளது. பென்ட்லி டோமினர் எஸ்யூவி தேர்வுகளில் மிகவும் தனித்துவமானது. கலெக்ஷனில் உள்ள மற்ற பென்ட்லி கார்களில் கான்டினென்டல் ஆர் சூப்பர்ஃபாஸ்ட், புக்கனீர் ஜிடி கூபே மற்றும் ட்வின்-டர்போ வி8 எஞ்சின் கொண்ட ஜாவா ஆகியவை அடங்கும்.

ஃபெராரி கார்கள்

உலகின் மிகப்பெரிய வாகன சேகரிப்பில் இத்தாலிய எக்ஸோடிகா கார்களுக்கு பஞ்சமில்லை. அவர் ஒரு அரிய ஃபெராரி எஃப்50, இரண்டு 250 ஜிடிஓக்கள், ஒரு எஃப்40, பல ஃபெராரி 456கள், ஒரு ஃபெராரி எஃப்எக்ஸ் மற்றும் டெஸ்டரோசா எஃப்90 ஸ்பெஷலி ஆகியவற்றை வைத்திருக்கிறார்.

Porsche கார்கள்

சுல்தானின் சேகரிப்பில் 55 போர்ஷே 928கள் உள்ளன, அவற்றில் 32 கார்கள் S4 வகைகளாகும். போர்ஷே தனது கிளாசிக் 911 மாடலில் இருந்து எவ்வாறு வெற்றிகரமாக வெளியேறியது என்பதை இது நிரூபிக்கிறது. மன்னரிடம் Porsche 959s, Daur 962 Le Mans மற்றும் Carrera GT ஆகியவையும் உள்ளன.

ரோல்ஸ் ராய்ஸ்

2011 ஆம் ஆண்டில், சுல்தான் ஹசனல் போல்கியா உலகின் மிகப்பெரிய தனியார் ரோல்ஸ் ராய்ஸ் சேகரிப்பைக் கொண்ட சாதனையை முறியடித்தார். துல்லியமான எண் தெரியவில்லை என்றாலும், 600 க்கும் மேற்பட்ட தனித்துவமான கார் மாடல்கள் இருப்பதாக மதிப்பீடுகள் குறிப்பிடுகின்றன. தங்கத்தால் செய்யப்பட்ட ரோல்ஸ் ராய்ஸ் காரும் இதில் அடங்கும்.

ஆஸ்டன் மார்ட்டின்ஸ்

ஆஸ்டன் மார்ட்டின் வாகனங்களை ஆர்டர் செய்வது சுல்தானுக்கு புதிதல்ல. தனித்துவமான AM3, Vantage மூலம் ஈர்க்கப்பட்டு, பினின்ஃபரினாவுடன் இணைந்து உருவாக்கப்பட்ட ஒரு வகையான கிராண்ட் டூரர், அதற்கு ஒரு குறிப்பிடத்தக்க உதாரணமாகும்.

கூடுதலாக, சுல்தானின் செழுமையான சேகரிப்பு பல மெக்லாரன், புகாட்டி, BMW, Mercedes-Benz, Brabus, Jaguar மற்றும் Koenigsegg CCXR ஆகியவற்றைக் கொண்டுள்ளது.