பெண்கள் சமுத்துவ தினம் கொண்டாடுவதற்கு பின்னால் இருக்கும் சுவாரஸ்யமான வரலாறு என்ன தெரியுமா?

பெண்கள் சமத்துவ தின வரலாறு

வாய்ப்புகள் மற்றும் சமூக அந்தஸ்தின் அடிப்படையில் சம உரிமைக்காக பெண்கள் நடத்திய பல வருட அமைதியான போராட்டங்களின் உச்சம் பெண்கள் சமத்துவ தினம். 1848 இல் நியூயார்க் மாநிலத்தில் நடந்த உலகின் முதல் பெண்கள் உரிமை மாநாட்டில் முதல் முறையாக அமைதியான முறையில் போராட்டம் நடத்தப்பட்டது.

மசோதா நிறைவேற்றம்

1971 ஆம் ஆண்டில், ஐக்கிய அமெரிக்காவின் காங்கிரஸ் பிரதிநிதி பெல்லா அப்சுக், பத்தொன்பதாம் திருத்தத்தின் 50ஆவது ஆண்டு நிறைவை முன்னிட்டு பெண்கள் நடத்திய சமாதான போராட்டத்திற்குப் பிறகு, நாடு தழுவிய 'சமத்துவத்திற்கான வேலைநிறுத்தத்தை' தொடர்ந்து, ஆகஸ்ட் 26 ஆம் தேதி மகளிர் சமத்துவ தினமாக நினைவுகூரும் மசோதாவை அறிமுகப்படுத்தினார். 1973 ஆம் ஆண்டில் யுனைடெட் ஸ்டேட்ஸ் காங்கிரஸ் மற்றும் அமெரிக்காவின் 37 வது ஜனாதிபதியான ரிச்சர்ட் நிக்சன் ஆகஸ்ட் 26 ஐ பெண்கள் சமத்துவ தினமாக முறையாக அங்கீகரித்தனர்.

பெண்கள் சமத்துவ தினத்தின் முக்கியத்துவம்

ஆண்கள் ஆதிக்கம் செலுத்தும் சமூகத்தில் சமமான நிலையை அடைய பெண்களின் பயணத்தை அங்கீகரிப்பதற்காக இந்த நாள் கொண்டாடப்படுகிறது. அமெரிக்க அரசியலமைப்பின் பத்தொன்பதாம் திருத்தத்தின் நினைவாக பெண்கள் சமத்துவ தினம் அனுசரிக்கப்படுவது மட்டுமல்லாமல், ஒரு காலத்தில் ஆண்களுக்காக மட்டுமே நியமிக்கப்பட்ட பல்வேறு துறைகளில் பெண்கள் செய்த முக்கியமான சாதனைகளையும் அது ஒப்புக்கொள்கிறது.

பாகுபாடுகள்

ஊதிய ஏற்றத்தாழ்வு, கருக்கலைப்பு உரிமைகள், சம வாய்ப்புகள், வாக்களிக்கும் உரிமை, பாலின அடிப்படையிலான வன்முறை மற்றும் பாலின அடிப்படையிலான பாகுபாடு ஆகியவற்றின் அடிப்படையில் சமூகத்தில் பெண்கள் எதிர்கொள்ளும் பிரச்சனைகள் குறித்த விழிப்புணர்வை ஏற்படுத்துவதற்காக இந்த நாள் கொண்டாடப்படுகிறது.

பெண்களின் உரிமை

இன்று, பெண்களின் சமத்துவம் வெறுமனே வாக்களிக்கும் உரிமையை விட அதிகமாக உள்ளது. சமத்துவம் என்பது இப்போது உலகெங்கிலும் உள்ள பெண்களுக்கு கல்வி மற்றும் வேலைவாய்ப்புக்கு சமமான அணுகலை வழங்குவதற்காகவும், பெண்களுக்கு எதிரான அடக்குமுறை மற்றும் வன்முறையை எதிர்த்துப் போராடுவதற்கும், இன்னும் இருக்கும் பாகுபாடுகளை எதிர்த்து போராட வேண்டும். பெண்கள் தங்களுடைய வாழ்க்கை சம்பந்தப்பட்ட அனைத்து முடிவுகளையும் தாங்களே எடுக்கும் சுதந்திரம் அவர்களுக்கு வழங்கப்பட வேண்டும்.