அஜித் படம் பார்க்க லீவு கேட்ட லீவ் லெட்டர் எழுதிய மாணவன்... நீங்களே பாருங்க...

லீவ் லெட்டர்

எனக்கு வயிற்று வலி, காய்ச்சல், பாட்டி செத்துப் போச்சு இப்படி சீரியஸான விஷயத்தையே விளையாட்டுத் தனமாக எடுத்துக் கொண்டு, லீவு லெட்டர் எழுதிய அனுபவம் பெரும்பாலும் நம் எல்லோருக்குமே இருக்கும். ஏன் அப்படி எழுதாத மாணவ சமுதாயம் எந்த தலைமுறையிலும் இல்லாமல் இருக்க முடியாது.

கல்லூரி மாணவன்

வியாழக்கிழமை அன்று அல்டிமேட் ஸ்டார் "தல" அஜித் நடித்த நேர்கொண்ட பார்வை திரைப்படம் ரிலீஸாகி, திரையரங்குகளில் வெற்றிகரமாக ஓடிக்கொண்டிருக்கிறது. இந்நிலையில் தான் கல்லூரி மாணவர் படத்துக்குப் போவதற்காக விடுமுறை கேட்டுள்ளார்.

எங்கே நடந்தது?

இந்த சுவாரஸ்யமான சம்பவம் நாகப்பட்டினத்தில் உள்ள தனியார் கல்லூரி ஒன்றில் தான் இந்த சம்பவம் நடந்திருக்கிறது. தான் தன்னுடைய துறைத் தலைவரிடம் விடுமுறை கேட்டு, விடுமுறைக் கடிதம் ஒன்றை எழுதியிருக்கிறார். இந்த கடிதத்தைப் பார்த்து கடுப்பான துறைத்தலைவர் அந்த கடிதத்தை நிராகரித்ததோடு, அந்த மாணவனின் பெற்றோரைக் கல்லூரிக்கு அழைத்து வரும்படி கட்டளையும் இட்டனர்.

என்ன இருந்தது கடிதத்தில்?

respected sir, ultimate star ajith kumar (NKP) அவர்கள் படற்த்திற்கு (தவறாக எழுதியிருக்கிறார்) போக இருப்பதால் நாளை (08/08/2019) ஒரு நாள் மட்டும் விடுமுறை அளிக்குமாறு தாழ்மையுடன் கேட்டுக் கொள்கிறேன். நன்றி என்று குறிப்பிட்டு தேதி மற்றும் நேரத்துடன் குறிப்பிட்டு கையெழுத்திட்டு இருக்கிறார்.

அதிர்ச்சி

ஒரு காலத்தில் விடுமுறை எடுப்பதற்கான காரணங்கள் பல இருந்தாலும், இன்றைய தலைமுறை மாணவர்கள் சினிமா பார்ப்பதற்கான விடுமுறை கேட்டு பகிரங்கமாகக் கடிதம் எழுதுவது கல்வியாளர்கள் மத்தியில் பெரும் அதிர்ச்சியை ஏற்படுத்தி இருக்கிறது.