வீடு மற்றும் பூஜையில நாம ஏன் மா இலையை பயன்படுத்துறோம்... அதற்கான ஆன்மீக காரணம் என்ன தெரியுமா?

கருவுறுதல் சின்னம்

புராணங்கள், ராமாயணம் மற்றும் மகாபாரதம் போன்ற பல இந்து வேதங்களில் மாம்பழம் குறிப்பிடப்பட்டுள்ளது. பழம் அன்பு மற்றும் கருவுறுதல் ஆகியவற்றின் அடையாளமாக கருதப்படுகிறது.

மா இலைகள் அடையாளம்

பொதுவாக இந்த பண்டிகைகள் மற்றும் பூஜைகளில் மா இலைகளை பூஜைக்கும் நம் வீட்டின் வாசலிலும் கட்டுகிறோம். பூஜைகளில், மா இலைகள் மற்றும் மேல் தேங்காய் தண்ணீர் நிரப்பப்பட்ட ஒரு பானை கடவுளுக்கு அருகில் வைக்கப்படுகிறது. இது பூர்ணகும்பம் என்று அழைக்கப்படுகிறது. இது லட்சுமி தேவியின் சின்னமாக கருதப்படுகிறது. தேங்காய் தெய்வீக உணர்வையும், பானை அன்னை பூமியையும், தண்ணீர் உயிர் கொடுப்பதையும், மா இலைகள் வாழ்க்கையையும் குறிக்கிறது.

செழிப்பு மற்றும் நல்ல அதிர்ஷ்டம்

பல்வேறு சமயங்களில் மா இலைகளை தோரணம் போல் கதவின் முன் தொங்க விடுவார்கள். மா இலைகள் வீட்டிற்கு செழிப்பையும் நல்ல அதிர்ஷ்டத்தையும் தருவதாக நம்பப்படுகிறது. இது தீய கண் திருஷ்டிகளை விரட்டும். மேலும், பல ஆரோக்கிய நன்மைகளுக்காகவும் இது வீட்டில் கட்டப்படுகிறது.

சமண மதத்தில் முக்கியத்துவம்

சமண மதம் இந்தியாவிலுள்ள மதங்களில் ஒன்றாகும். பண்டைய இந்திய சமயமாக இருக்கும் சமண மதத்தில் நல்ல நெறிகள் பின்பற்றப்படுகிறன. சமணத்தில் ஜெயின் கடவுள் ஒரு மாமரத்தின் கீழ் அமர்ந்திருப்பதாக சித்தரிக்கப்பட்டுள்ளது. எனவே, சமணர்களுக்கு மாம்பழம் முக்கியத்துவம் வாய்ந்தது.

பௌத்தத்தில் முக்கியத்துவம்

இந்தியாவின் உத்தரபிரதேச மாநிலத்தில் உள்ள ஷ்ரவஸ்தி மாவட்டத்தில் அமைத்திருக்கும் ஒரு நகரம்தான் ஷ்ரவஸ்தி என்று குறிப்பிடப்படுகிறது. புத்தர் ஷ்ரவஸ்தியில் ஒரு அற்புதத்தை நிகழ்த்தியதால் மாம்பழம் பௌத்தர்களுக்கு புனிதமானது. புத்தர் மன்னரின் தோட்டத்திற்குச் சென்று, ஒரு மாம்பழத்தை உண்டு, விதைகளை நட்டார், அதில் இருந்து ஒரு மரம் முளைத்து மலர்ந்தது, இது ஆனந்தபோதி மரம் என்று அழைக்கப்படுகிறது. இந்த மரத்தின் கீழ் புத்த துறவிகள் தியானம் செய்து வருகிறார்கள்.