2021 ஆம் ஆண்டின் கடைசி சூரிய கிரகணம் எப்போது? இந்த கிரகணம் இந்தியாவில் தெரியுமா?

சூரிய கிரகணம் என்றால் என்ன?

சூரிய கிரகணம் என்பது சூரியனுக்கு முன்பு சந்திரன் செல்லும் போது நிகழ்வதாகும். சூரியன் சந்திரனை விட பல மடங்கு பெரியது மற்றும் பன்மடங்கு தொலைவில் உள்ளது. சூரியனுக்கு முன் சந்திரன் செல்லும் போது, இவை இரண்டும் ஒன்றன் மீது ஒன்று அடுக்கிய தட்டுப் போன்ற தோற்றத்தை ஏற்படுத்துகிறது. ஆகவே சூரிய கதிர்கள் முழுமையாகவோ பூமியில் படுவது தடுக்கப்படுகிறது. இந்த கிரகணத்தின் விளைவாக பூமியின் சில பகுதிகள் சந்திரனின் நிழலால் மூடப்பட்டிருக்கும்.

இந்தியாவில் சூரிய கிரகணம் தெரியுமா?

தேசிய ஏரோநாட்டிக்ஸ் மற்றும் ஸ்பேஸ் அட்மினிஸ்ட்ரேஷன்/ நாசா பூமியின் மேற்பரப்பில் சூரிய கிரகணத்தின் பாதையைக் காட்டும் வரைபடத்தை வெளியிட்டது. அதன்படி, இந்த சூரிய கிரகணத்தை இந்தியாவில் இருந்து தெளிவாக பார்க்க முடியாது.

சூரிய கிரகணம் நிகழும் நேரம்

2021 ஆம் ஆண்டின் கடைசி சூரிய கிரகணம் டிசம்பர் 04 ஆம் தேதி UTC காலை 7 மணிக்கு தொடங்குகிறது. அதிகபட்ச கிரகணம் காலை 7.33 மணிக்கு இருக்கும் மற்றும் இந்த கிரகணம் காலை 8.06 மணிக்கு முடிவடையும். இந்திய நேரப்படி பார்த்தால், இந்த சூரிய கிரகணம் மதியம் 12.20 மணிக்கு தொடங்கி, மதியம் 1.30 மணிக்கு உச்சத்தில் இருந்து, மதியம் 01.36 மணிக்கு முடிவடையும்.

2021 ஆம் ஆண்டின் கடைசி சூரிய கிரகணத்தை எப்படி பார்ப்பது?

இந்த அற்புதமான வானியல் நிகழ்வை மக்கள் ரசிக்க வேண்டும் என்பதற்காக நாசா அண்டார்டிகாவில் உள்ள யூனியன் க்லேசியரில் இருந்து நிகழ்வை நேரடியாக ஒளிபரப்ப ஏற்பாடு செய்துள்ளது. இந்த வானியல் நிகழ்வு யூடியூப் மற்றும் நாசா நேரலையில் ஒளிபரப்பப்படும்.

இந்த நேரடி ஒளிபரப்பு இந்த நேரப்படி மதியம் 12 மணிக்கு தொடங்கும். ஆனால் கிரகணமோ நேரடி ஒளிபரப்பு தொடங்கிய அரை மணிநேரத்திற்கு பின்னரே தொடங்கும். முக்கியமாக கிரகணத்தின் போது சூரியனை நேரடியாக வெறும் கண்ணால் பார்க்க வேண்டாம் என்று நாசா எச்சரித்துள்ளது. வேண்டுமானால், சூரிய கிரகணத்தைப் பார்க்கும் ஸ்பெஷலான கண்ணாடிணை அணிந்து பார்க்கலாம்.