செப்டம்பர் மாதத்தில் நடக்கவிருக்கும் 5 கிரகங்களின் இடமாற்றத்தால் யாருக்கு நல்லா இருக்கும்-ன்னு தெரியுமா?

துலாம் ராசியில் சுக்கிரன் பெயர்ச்சி

செப்டம்பர் 6 ஆம் தேதி சுக்கிரன் கன்னி ராசியில் இருந்து துலாம் ராசிக்கு இடம் பெயர்கிறது. இந்த ராசியில் சுக்கிரன் அக்டோபர் 2 ஆம் தேதி வரை இருக்கும். அதன் பிறகு அது விருச்சிகத்திற்கு நகரும். ஜோதிடத்தின் படி, சுக்கிர பகவான் இந்த உலகின் அனைத்து பொருள் இன்பங்களுக்கும் காரணியாக கருதப்படுகிறார். அவர் ரிஷபம் மற்றும் துலாம் ராசிகளின் அதிபதி. கன்னி ராசியில் சுக்கிரன் பலவீனமானவராகவும், மீன ராசியில் உச்சம் பெற்றவராகவும் கருதப்படுகிறார். பொதுவாக எந்த ஒரு கிரகமும் அதன் ராசியில் வலுவான நிலையில் தான் இருக்கும்.

கன்னி ராசியில் செவ்வாய் பெயர்ச்சி

செவ்வாய் சிம்ம ராசியில் இருந்து கன்னி ராசிக்கு செப்டம்பர் 6 ஆம் தேதி இடம் பெயர்ந்து, அந்த ராசியில் அக்டோபர் 22 ஆம் தேதி வரை இருக்கும். கன்னி ராசிக்கு செவ்வாய் வருவதா சில ராசிக்காரர்கள் நல்ல பலன்களைப் பெறுவார்கள். அதே வேளையில் சில ராசிக்காரர்கள் பிரச்சனைகளை சந்திக்க வேண்டியிருக்கும். ஜோதிடத்தில், செவ்வாய் கோபம், போர், வலிமை, தைரியம், நிலம், இரத்தம் போன்ற காரணிகளாக கருதப்படுகிறது. இத்தகைய செவ்வாய் மேஷம் மற்றும் விருச்சிகத்தின் அதிபதியாவார்.

மகர ராசியில் குரு பெயர்ச்சி

குரு பகவான் செப்டம்பர் மாதம் இடம் மாறப் போகிறார். அதுவும் இவர் தனது சொந்த ராசியான தனுசு ராசியில் இருந்து செப்டம்பர் 14 ஆம் தேதி அன்று மகர ராசிக்கு இடம் மாறுகிறார். இந்த ராசியில் நவம்பர் 21 ஆம் தேதி வரை இருப்பார். மகர ராசிக்கு குரு வருவதால், இப்பெயர்ச்சி அனைத்து ராசிகளிலும் சுப மற்றும் அசுப விளைவுகளை ஏற்படுத்தும். ஜோதிடத்தில், குரு அறிவு, அதிர்ஷ்டம், திருமணம், வளர்ச்சி, குழந்தைகள் போன்ற காரணிகளாக கருதப்படுகிறார். இப்படிப்பட்ட குரு தனுசு மற்றும் மீன ராசிகளின் அதிபதியாவார்.

கன்னி ராசியில் சூரிய பெயர்ச்சி

செப்டம்பர் மாதம் 17 ஆம் தேதி சூரியன் தனது சொந்த ராசியான சிம்ம ராசியில் இருந்து கன்னி ராசிக்கு இடம் மாறி, அங்கு அக்டோபர் 17 ஆம் தேதி வரை இருப்பார். சூரியன் சிம்ம ராசியின் அதிபதியாக கருதப்படுகிறார். இவர் மேஷ ராசியில் வலிமையாகவும், அதிக சக்தி வாய்ந்தவராகவும் இருப்பார். அதே வேளையில் துலாம் ராசியில் பலவீனமான நிலையில் இருப்பார்.

துலாம் ராசியில் புதன் பெயர்ச்சி

செப்டம்பர் மாதம் 22 ஆம் தேதி புதன் கன்னி ராசியில் இருந்து துலாம் ராசிக்கு இடம் மாறுகிறார். இந்த ராசியில் அக்டோபர் 2 ஆம் தேதி வரை இருப்பார். ஜோதிடத்தில், மிதுனம் மற்றும் கன்னி ராசியின் அதிபதி புதன். இத்தகைய புதன் கன்னி ராசியில் சக்தி வாய்ந்ததாகவும் மற்றும் மீன ராசியில் பலவீனமாகவும் கருதப்படுகிறது.