பிப்ரவரி மாதத்தில் நடக்கும் இந்த 4 கிரக பெயர்ச்சியால் பலருக்கு யோகம் அடிக்கப்போகுது...

சூரிய பெயர்ச்சி

தற்போது சூரியன் மகர ராசியில் சஞ்சரித்துள்ளார். பிப்ரவரி 13 ஆம் தேதி ஞாயிற்றுக்கிழமை அதிகாலை 3.12 மணிக்கு சூரியன் மகர ராசியில் இருந்து கும்ப ராசிக்கு செல்கிறார். இந்த ராசியில் சூரியன் சுமார் ஒரு மாத காலம் பயணித்து வருவார். அதன் பின் கும்ப ராசியில் இருந்து மீன ராசிக்கு மாறுவார். கும்பம் செல்லும் சூரியனால் அனைவரின் வாழ்க்கையிலும் ஒருவித தாக்கம் நிச்சயம் இருக்கும்.

செவ்வாய் பெயர்ச்சி

பிப்ரவரி மாதத்தின் தொடக்கத்தில் தனுசு ராசியில் செவ்வாய் பயணித்து வருவார். பிப்ரவரி 26 ஆம் தேதி சனிக்கிழமை மதியம் 2.46 மணிக்கு செவ்வாய் தனுசு ராசியில் இருந்து மகர ராசிக்கு இடம் மாறவுள்ளார். பிப்ரவரி 26 ஆம் தேதி சனிக்கிழமையன்று நடக்கும் இந்த செவ்வாய் பெயர்ச்சியால் 12 ராசிகளிலும் நிச்சயம் ஒருவித மாற்றம் ஏற்படும்.

புதன் பெயர்ச்சி

பிப்ரவரி மாதத்தின் தொடக்கத்தில் மகர ராசியில் வக்ர நிலையில் புதன் பயணித்து வருவார். அதன் பின் பிப்ரவரி 04 ஆம் தேதி வெள்ளிக்கிழமை காலை 9.16 மணிக்கு புதன் நேர்கதியில் மகர ராசியில் பயணிக்க தொடங்கி கும்ப ராசியில் சஞ்சரிப்பார். கும்பத்தில் புதன் சஞ்சரிப்பதால் நல்ல பலன்கள் கிடைக்கும். வியாபாரத்தில் லாபகரமான சூழ்நிலை ஏற்படும். மேலும் புதனின் சுற்றுப்பாதை ஒருவரின் புத்திசாலித்தனத்திற்கும் சிந்தனைத் திறனுக்கும் நல்லது.

சுக்கிர பெயர்ச்சி

சுக்கிரன் காதல், அழகு, ஆடம்பரம், கலை, இலக்கியம், படைப்பு நாட்டம் மற்றும் கவிதை உணர்வு ஆகியவற்றைக் குறிப்பவர். இத்தகைய சுக்கிரன் பிப்ரவரி மாதத்தின் தொடக்கத்தில் தனுசு ராசியில் பயணிப்பார். அதன் பின் பிப்ரவரி 27 ஆம் தேதி ஞாயிற்றுக்கிழமை காலை 9.53 மணிக்கு தனுசு ராசியில் இருந்து மகர ராசிக்கு இடம் மாறுகிறார். ஏற்கனவே மகரத்தில் சனி இருப்பதால், சனியுடன் இணைந்திருப்பார். மகரம் சுக்கிரனின் நட்பு ராசி என்பதால் பலன்கள் நன்றாகத் தான் இருக்கும். அதுவும் இந்த சுக்கிரனின் ராசி மாற்றத்தால் வாழ்வில் மகிழ்ச்சியும், வளரும் பெருகும்.