குரு பெயர்ச்சி 2019 - 20: மிதுனம் லக்னகாரர்களுக்கு பொன்னான காலம்

பொன்னான காலம்

யோகமான குருபகவான்

இதுநாள்வரை எதிரிகள் தொந்தரவு, கடன் தொந்தரவு இருந்தது. இனி அற்புதமான குருப்பெயர்ச்சியாக அமைகிறது. லக்னத்திற்கு ஏழாம் வீட்டில் குரு சொந்த வீட்டில் அமர்கிறார். லக்னத்திற்கு ஏழு, பத்தாம் வீட்டு அதிபதி குருபகவான் நல்ல வேலையை வாங்கித்தருவார். குரு உங்க லக்னத்திற்கு ஏழாம் வீட்டில் அமர்ந்து உங்க லக்னத்தை பார்க்கிறார். பொன்னான காலம். வெளிநாடு யோகம் கிடைக்கிறது. காரணம். உங்க லக்னத்திற்கு லாப ஸ்தானம், முயற்சி ஸ்தானத்தை குரு பார்வையிடுகிறார்.

சகோதரர்களின் உதவி

பணவரவு அபரிமிதமாக இருக்கும். மூத்த சகோதரர்களின் அன்பும் ஆதரவு கிடைக்கும். இளைய சகோதரர்கள், மூத்த சகோதரர்கள் அற்புதமாக இருப்பார்கள். உறவு பலப்படும். வயது மூத்தவர்கள் உற்சாகமாக இருப்பார்கள். தகுதி திறமைகள் வெளியே தெரியும். மாணவர்கள் மேன்மையடைவீர்கள். சிக்கல்கள் பிரச்சினைகள் தீரும். கல்வியில் அக்கறை செலுத்துவீர்கள்.

கெட்டிமேளச்சத்தம்

நீங்கள் செய்யும் முயற்சிகள் வெற்றியடையும். இளைய சகோதரர்களின் உதவிகள் கிடைக்கும். குரு பலன் இருப்பதால் திருமண முயற்சிகள் கைகூடி வரும். திருமணத்திற்காக காத்துக்கொண்டிருப்பவர்களின் வீட்டில் கெட்டிமேளச்சத்தம் கேட்கப் போகிறது. கண்டச்சனியால் கவலைப்பட்டுக்கொண்டிருந்தவர்கள் இனி நிம்மதி பெருமூச்சு விடலாம். தடைகளை ஏற்படுத்தி வந்த சனிபகவானை கட்டுப்படுத்த குருபகவான் அந்த வீட்டில் அமரப்போகிறார்.

குரு பரிகாரம்

குரு பகவான் மந்திரத்தை உச்சரியுங்கள் ஒளிமயமான எதிர்காலம் கிடைக்கப் போகிறது. உங்களுக்கு நிம்மதி பிறக்கப் போகிறது. ஏழாம் வீட்டில் ஏற்கனவே கேது, சனி இருக்க குருவும் அங்கே குரு அமர்வது பிரச்சினைகளை தீர்க்கும். கணவன் மனைவி உறவில் இருந்த பிரச்சினைகள் தீர்ந்து இனி அற்புதமாக இருக்கப் போகிறது. உங்களின் பிரச்சினைகளுக்கு விடிவுகாலம் பிறக்கப் போகிறது.