வெறும் 75 பேருடன் தொடங்கி பிரிட்டிஷ் அரசாங்கத்தையே நடுங்க செய்த மாபெரும் போராட்டத்தை பற்றி தெரியுமா?

வரலாற்று நிகழ்வின் தொடக்கம்

காந்திஜி 78 தன்னார்வலர்களுடன் இயக்கத்தைத் தொடங்கினார், பின்னர் அவரது வழியில் ஆயிரக்கணக்கானோர் இணைந்தனர். உப்புச் சட்டங்களுக்கு எதிரான உள்நாட்டு ஒத்துழையாமை இயக்கத்தில் இந்த இயக்கம் குறிப்பிடத்தக்க பங்கைக் கொண்டிருந்தது. இந்தியாவில் பிரிட்டிஷ் காலனித்துவ ஆட்சிக்கு எதிராக ஒரு பரபரப்பை ஏற்படுத்திய இந்த வரலாற்று இயக்கம் பற்றி நீங்கள் தெரிந்து கொள்ள வேண்டிய பல விஷயங்கள் உள்ளது.

#1

தண்டி போராட்டம் மார்ச் 12 ஆம் தேதி தொடங்கி ஏப்ரல் 6, 1930 அன்று 24 நாட்களுக்குப் பிறகு முடிந்தது. இது காந்திஜி-ன் சபர்மதி ஆசிரமத்திலிருந்து தாண்டி வரை 4 மாவட்டங்கள் மற்றும் 48 கிராமங்கள் வழியாக சென்றது.

#2

பிரிட்டிஷ் ஆட்சி அறிமுகப்படுத்திய உப்புச் சட்டத்தை எதிர்ப்பதற்காக இந்த போராட்டத்தை மகாத்மா காந்தி நடத்தினார். இந்த உப்புச் சட்டத்தின் கீழ், இந்தியர்கள் உப்பு உற்பத்தி செய்வதிலிருந்தோ அல்லது விற்பனை செய்வதிலிருந்தோ தடை செய்யப்பட்டனர். ஆங்கிலேயர்கள் உப்பு தயாரிப்பதில் ஏகபோக உரிமையை மட்டுமல்லாமல், அதிக உப்பு வரியையும் விதித்தனர். இருப்பினும், காந்தி ஜி சட்டத்தை மீறி தண்டி கடற்கரையில் உப்பு தயாரித்தார் அவரை பின்பற்றி இந்தியா முழுவதும் இது தொடர்ந்தது.

#3

சாதாரணமாக தொடங்கிய இந்த அணிவகுப்பு ஆயிரக்கணக்கான மக்களுடன் இணைந்தது மற்றும் விரிவான ஊடகங்கள் மூலம் இந்திய சுதந்திர இயக்கத்தை நோக்கி உலகின் கவனத்தை ஈர்த்தது. 1930 மே 4 நள்ளிரவில் சட்டவிரோதமாக உப்பு உற்பத்தி செய்ததற்காக காந்திஜி கைது செய்யப்பட்டார்.

#4

உப்பு வரிக்கு எதிரான இயக்கம் கிட்டத்தட்ட ஒரு வருடம் தொடர்ந்தது, கிட்டத்தட்ட 60,000 இந்தியர்கள் இதற்காக சிறையில் அடைக்கப்பட்டனர். இதற்காக கைது செய்யப்பட்டவர்கள் எண்ணற்ற இன்னல்களை சிறையில் அனுபவித்தனர்.

#5

உப்பு சத்தியாக்கிரகம் பிரிட்டிஷ் உடைகள் மற்றும் பொருட்களை புறக்கணிக்க வழிவகுத்தது. பிரிட்டிஷ் அரசாங்கத்திற்கு பேரிடியாக இந்த சம்பவம் மாறியது. இதனைத் தொடர்ந்து இந்திய சுதந்திர போராட்டம் அடுத்த நிலையை எட்டியது.

#6

இந்த போராட்டத்தை தொடர்ந்து நில வருவாய், சவுக்கிதார் வரி மற்றும் பிற சட்டங்கள் உட்பட பிற சட்டங்களையும் இந்தியர்கள் எதிர்க்கத் தொடங்கினர்.

#7

1920-22 ஒத்துழையாமை இயக்கத்திலிருந்து பிரிட்டிஷாரை சவால் செய்வதில் இந்த அணிவகுப்பு மிக முக்கியமான பங்கைக் கொண்டிருந்தது. இது ஜனவரி 26, 1930 அன்று இந்திய தேசிய காங்கிரஸின் பூர்ணா ஸ்வராஜ் அறிவிப்பை நேரடியாகப் பின்பற்றியது.