அம்மா நீ அழகா இல்லனு சொன்னதுக்காக இந்த பொண்ணு என்ன காரியம் பண்ணியிருக்கா தெரியுமா?

மாடல் அழகி

ஜப்பானின் ஹொக்கெய்டோ என்ற நகரத்தில் கிளப் ஒன்றில் வேலைபார்த்தவர் ஸூபாகி. அவருக்குத் தற்போது 39 வயதாகிறது. அவர் மாடல் அழகியும்கூட. ஸூபாகி, சிறுமியாக இருந்தபோதே அவரது தாய், "என் மகள் இப்படி இருப்பது எனக்குப் பிடிக்கவில்லை," என்று கூறியுள்ளார். சிறுமி ஸூபாகியின் உள்ளத்தில் அச்சொற்கள் ஆழமாக தைத்துள்ளன. ஹொக்கெய்டோவில் ஹோஸ்டஸாக பிரபலமானார் ஸூபாகி. அதில் வந்த வருமானத்தை சேமித்து வைத்தார்.

அறுவை சிகிச்சை மூலம் அழகு

தாயே தன்னை அழகில்லை என்று கூறி விட்டமையால், ஒரு வைராக்கியத்துடன் தோற்றப் பொலிவுக்கான அறுவை சிகிச்சைகளை செய்ய ஆரம்பித்தார். தன் சேமிப்பிலிருந்து முதல் சிகிச்சைக்கான பணத்தை செலவிட்டார். தாடை, வாய் மற்றும் மூக்கு என்று உடலின் பல பாகங்களில் அழகுக்காக பிளாஸ்டிக் மற்றும் சீரமைப்பு அறுவை சிகிச்சைகள் ஸூபாகிக்கு செய்யப்பட்டன. கடந்த 21 ஆண்டுகளில் பல்வேறு சீரமைப்பு அறுவை சிகிச்சைகளுக்கு 2,80,000 டாலர் (ஏறக்குறைய 1 கோடியே 92 லட்சம் ரூபாய்) செலவிட்டுள்ளார்.

தொலைக்காட்சி பேட்டி

ஜப்பானின் தேசிய தொலைக்காட்சியில் தன் அனுபவங்களை ஸூபாகி பகிர்ந்து கொண்டுள்ளார். பிளாஸ்டிக் சர்ஜரி என்பது ஜப்பானின் மரபு படி ஏற்றுக்கொள்ளத்தக்கதல்ல என்பதால் அறுவை சிகிச்சை செய்த பிறகு தன்னைப் பார்த்து பலர் முகஞ்சுளித்ததாக ஸூபாகி கூறியுள்ளார். தன் தோற்றத்தை அழகானதாக மாற்ற வேண்டும் என்பதில் உறுதியாக இருந்ததால் மற்றவர்கள் கூறியதை ஸூபாகி காதில் போட்டுக்கொள்ளவில்லை.

கடைசியாக அவர் 1,500 டாலர் (ஏறக்குறைய 1 லட்சத்து 2 ஆயிரம் ரூபாய்) செலவில் இன்டிமா லேசர் என்ற சிகிச்சை செய்துள்ளார். இத்தனை அறுவை சிகிச்சைகளுக்குப் பிறகும் மாடலாக தொடர்வதை தாம் விரும்புவதாக ஸூபாகி தெரிவித்துள்ளார்.