பிள்ளையாரை வீட்டில் வைத்து வழிபடுபவர்கள் இப்படி வழிபடுவது அவர்களின் வேண்டுதலை விரைவாக நிறைவேற்றுமாம்

முதல் விதி

உங்கள் வாழ்க்கையில் மகிழ்ச்சி, அமைதி மற்றும் செழிப்பு வேண்டுமென்று விரும்பினால் உங்கள் இல்லத்தில் வெள்ளை பிள்ளையாரை வைத்து வழிபட வேண்டும். இல்லையெனில் வெள்ளை பிள்ளையாரின் படத்தை வீட்டில் வைத்து வழிபடலாம்.

இரண்டாம் விதி

ஒவ்வொருவரின் வாழ்க்கையிலும் தனிப்பட்ட முன்னேற்றம் என்பது மிகவும் அவசியமானதாகும் . எனவே சுய முன்னேற்றம் வேண்டுமென்று விரும்புபவர்கள் தங்கள் வீட்டில் குங்கும நிற பிள்ளையாரை வைத்து வழிபடுவது நல்லது.

மூன்றாம் விதி

பொதுவாக அமர்ந்திருக்கும் நிலையில் இருக்கும் பிள்ளையாரை வழிபடுவது நல்லது. நின்று கொண்டிருக்கும் பிள்ளையாரை விட அமர்ந்திருக்கும் பிள்ளையார் அதிக பலன்களை வழங்கக்கூடியவர். இந்த பிள்ளையார் அதிர்ஷ்டத்தையும், மகிழ்ச்சியையும் வழங்கும்.

நான்காம் விதி

விநாயகரின் துதிக்கை அவரது இடது கை பக்கமாக இருக்கும் சிலையை வீட்டில் வைத்து வழிபட வேண்டும். விநாயகரின் துதிக்கை வலது பக்கமாக இருக்கும் விநாயகரை வழிபடுவது மிகவும் கடினமாகும்.

ஐந்தாம் விதி

உங்கள் வீட்டில் வைத்து வழிபட அமர்ந்திருக்கும் விநாயகர் சிலையை வைக்க வேண்டும். அதுவே பணியிடங்களில் வைத்து வழிபட நிற்கும் நிலையில் இருக்கும் பிள்ளையார் சிலையை வைக்க வேண்டும். இது ஆற்றலையும், உற்சாகத்தையும் வழங்கும்.

ஆறாம் விதி

விநாயகர் சிலையை வீட்டில் வைத்து வழிபடும் போது அதனுடன் எலி மற்றும் கொழுக்கட்டை ஆகியவையும் கண்டிப்பாக இருக்க வேண்டும். இது மிகவும் புனிதமானதாகும்.

ஏழாம் விதி

உங்கள் பூஜையறையில் எப்பொழுதும் ஒரே ஒரு பிள்ளையார் சிலையை வைத்து வழிபடுங்கள். ஒன்றுக்கு மேற்பட்ட பிள்ளையார் சிலைகளை வைத்து வழிபடுவது அவரது மனைவிகளின் கோபத்தை தூண்டும்.

எட்டாம் விதி

ஸ்வஸ்திக் விநாயகரின் சின்னம் என்று நம்பப்படுகிறது. எனவே உங்கள் வீட்டில் ஏதாவது வாஸ்து தோஷம் இருந்தால் உங்கள் வீட்டின் வாயிலில் ஸ்வஸ்திக் சின்னத்தை மாட்டி வையுங்கள்.

ஒன்பதாவது விதி

வீட்டில் பிள்ளையாரை வைத்து வழிபடுபவர்கள் தினமும் சிலைக்கு அருகம்புல் வைத்து வழிபட வேண்டும். ஒருநாள் வைத்த அருகம்புல்லை அடுத்த நாள் வைக்கக்கூடாது. தினமும் அருகம்புல்லை மாற்றிக்கொண்டே இருக்க வேண்டும்.